यसैया 60:11 - लिम्बु11 खे़ने़ॽ के़ये़क्यक्कोबा यम्बा लाम्धेःत्हाॽ आभे़ल्ले़साङ् हङ्बे़त् पत्लो, खे़ने़ॽओ मे़न्छाम् सुवाङ्हाॽरे़ खुन्छिॽ याङ्साकुन्धेहाॽ ताःप्मारे़ लागि खुन्छिॽ हारिगे़दाबा हाङ्हाॽ ताःप्मासिरे़ लागि खे़न् लाम्धेःत्हाॽ से़न्दिक् ले़न्दिक् आभे़ल्ले़आङ् मे़न्छुबुन्लो॥ Gade chapit la |
यसैया 60:11
11 Referans Kwoze
खे़ने़ॽ के़लाजेॽओ याम्मो आभे़ल्ले़आङ् खार्मे़न्दक् चोःक्मा पाःन्हाॽ खे़म्मे़दे़त्ने़न्लो, खे़ने़ॽ के़इःन्दोओ ताप्फे़ःम्बा नु मे़क्मासिमा खे़म्मे़दे़त्ने़ल्लो॥ लुङ्धाक्किल्ले़ ये़क्यक्किन् से़ःप्तुबा हे़क्के आङ्गाॽ खे़ने़ॽ ताङ्से़ःप्ने़रो, थेआङ्भे़ल्ले़ खे़ने़ॽ ताङ्से़ःप्ने़आङ् वाॽबाल्ले़ चोगुल्ले़ आनारा के़भोसुरो॥
“यरुसले़ःम्बा मनासे, ये़क्यक्कोलाम् लःन्दे़म्मे़ॽआङ् पेगे़म्मे़ॽओ हे़क्क्याङ् खे़निॽ के़नुःङ्बा के़दाबा आमनाहाॽरे़ लागि लत्छा लाम् चोगे़म्मे़ॽओ! लाम्धिक् यारिप् चोगे़म्मे़ॽओ, खे़म्मोबा लुङ्हाॽ खे़त्ताम्मे़ॽओ! लत्छा मिक्सेःन्धिक् लेःत्ताम्मे़ॽओ हे़क्क्याङ् के़रे़क् मे़न्छाम् सुवाङ्हाॽरे़ खे़न् मे़निसुररो॥
नाःम्सिङ्मा ये़न्निन् हेःक्सिङ्बा युःन्छिक् पोङ्नुमे़ःन्ने ये़क्यक्कोबा यम्बा लाम्धेःप्पाहाॽ सुबे़म्मे़ॽ हे़क्क्याङ् नाःम्सिङ्मा ये़न्निन् मे़न्जुःत्ते थारिक् खे़न् मे़हन्दे़म्मिन्ने़ॽ फाॽआङ् आङ्गाॽ मे़त्तुङ्सिङ्॥ नाःम्सिङ्मा ये़न्नो चिगक्वानु ये़क्यक् सिगाङ् हाःत्ताङ् लाःप्मा मे़घोने़ल्ल फाॽआङ् ओमे़प्मारे़ लागि आङ्गाॽ कुभा आयाःम्बक् के़जोःक्पाहाॽ लाम्धेःप् हे़ङ्गात्ति ये़प्मा पाङ्घुङ्सिङ्ङाङ् वये़॥
खे़ने़ॽ के़लागि हाङ्हाॽ पानुदिङ् पा हे़क्के हे़क्क्याङ् हाङ्माहाॽ मा हे़क्के कम्ब्राङ् के़मे़प्पा मे़बोङ्लो॥ खे़ङ्हाॽरे़ खे़ने़ॽ खाम्बाङ्ङो थारिक् अःक्खुम् मे़भन्छिङ्ङाङ् से़वा के़म्मे़त्लो, हन्नाङ् नःम्नःम्बा मे़बोङ्ङाङ् मिङ्सो इङ्धाङ् के़म्बिरो॥ हे़क्केलॽरिक् यहवे दाङ्बाआ फाॽआङ् खे़ने़ॽ निङ्वाॽ के़घोसुरो, आङ्गाॽ आलाम् ओगे़मे़प्पाहाॽ निङ्वाॽ तुक्मो मे़न्धाने़ल्लो॥”
Piblisite