यसैया 6:7 - लिम्बु7 खे़ल्ले़ खे़न् मिघाङ्ग्रोःक्के़ल्ले़ आम्ब्रान् चित्छु सुसुआङ् मे़त्ताङ्, “ओमे़त्ते़ॽ, कल्ले़ के़म्ब्राःन् सुसुआङ् वाॽ॥ आल्ल के़भे़न् याःम्बक्के़न् यहवे दाङ्बे़ल्ले़ लाःत्लाःत् खे़त्तुदेसु के़बिरे़ हे़क्क्याङ् के़लायोहाॽ मये़आङ् ले़प्मि पोःक्खे़॥” Gade chapit la |
यसैया 6:7
15 Referans Kwoze
हे़क्क्याङ् खे़न् मना हे़क्तङ्बा निगे़दे़प्पा थिक्ले़ आङ्गाॽ आम्ब्रान् सुसु, हे़क्क्याङ् आङ्गाॽ आम्ब्रान् हन्दुङ्ङाङ् पाःप्मा हेःक्ताङ्॥ आङ्गाॽ आदगि के़ये़प्पे़न् मे़त्तुङ्, “आदाङ्बे, सुफोःल्ले़ चोगुल्ले़ आङ्गाॽ याम्दुक्मा नु थेआङ् चोःक्मा मे़न्छुक्मनाबा पोःक्खाङ्ङाङ् वाॽआ॥
“कर खुने़ॽ खाःम्मा नु तुक्खे थःप्पाङ्माग यहवे दाङ्बे़ल्ले़ कुनिङ्वाॽ वये़रो॥ यहवे दाङ्बे़ल्ले़ खुने़ॽ कुहिङ्मन्निन् खुने़ॽनु याम्मो तङ्मारे़ लागि वयागे़न् सिदुङ्जभा कुइसिक् चोगुरो॥ हे़क्केसाङ् खुने़ॽ कुमुॽइदाङ्साहाॽ निसुसिरो हे़क्क्याङ् खुने़ॽ कुधाक् चाॽरो॥ खे़ब्याङ् निङ्वाॽफुमाङ्ङिल्ले़ चोःक्मा निङ्वाॽ चोगुबा पाःन्हाॽ खुने़ॽलाम्बा कुलिङ्दो के़त्लो॥
हे़क्क्याङ् मोसाःल्ले़ हारुने़न् मे़त्तु, “खे़ने़ॽ के़साङ्ते़रे़ःङ्ङिन् याङ्सिङ्ङे़ॽ, खे़ब्याङ् खे़प्मो ले़त्ति तोःम्मादे़न्नोलाम् मिन् केःत्ते़आङ् सुक्पा याक्ते़ॽ, हे़क्क्याङ् खिमो खे़न् सङ्जुम्भोओ तेॽरे़आङ् खे़ङ्हाॽ खुन्छिॽ आप्तिक्लाम् सुत्थो चोःक्मासि हे़क्क्याङ् खे़ङ्हाॽ यहवे दाङ्बे़न्नु नादङ् चोःक्मासि याःम्बक् चोगे़ पिरे़से़ॽ, थेआङ्भे़ल्ले़ यहवे दाङ्बे़ल्ले़ मि हे़क्तङ्बा कुसाक्के़न्निन् पोगे़ चुरे़आङ् वाॽ—मिङ्देॽ पोगे़ चुरे़आङ् वाॽ॥”
खे़ब्याङ् खे़न् माङ्लाइङ्बे़ल्ले़ खुने़ॽ कुदगि के़ये़प्पाहाॽ मे़त्तुसि, “कन् मनाःल्ले़ मक्वा इसेःङ्बा कुजाङ्ङिन् फे़न्दे़म् पिरे़म्मे़ॽ॥” खम्भ्याङ् खे़ल्ले़ यहोसुन् मे़त्तु, “ओमे़त्ते़ॽ, आङ्गाॽ खे़ने़ॽ के़लायोन् खे़त्तुङ् पिने़आङ् वाॽ हे़क्क्याङ् आङ्गाॽ खे़ने़ॽ इमे़ल्लुङ्बा चाङ्हाॽ चाक्ने़आङ् वाॽ॥”
Piblisite