खे़ब्याङ् साङ्ग्राम्पेदाङ् सिगाङ्बा हाङ्जुम्हाॽओबा हाङ्युक्किन्, मुक्साम्मिन् नु पयम् यम्बा हाङ्वान् के़रे़क्नुःल्ले़ यम्बा निङ्वाॽफुमाङ्ङिल्ले़ कुमनाहाॽ मे़बिरुसिॽ॥ खुने़ॽ कुहाङ्जुम्मिन् नुप्मे़न्दिङ्बा हाङ्जुम् पोङ्ॽ, हे़क्क्याङ् के़रे़क् युक्साबाहाॽरे़ खुने़ॽ माङ्से़वा मे़मे़त्तुआङ् खुने़ॽ कुइङ्जाङ्ङिन् मे़इःत्तु मे़नाःत्तुॽ॥’
यसैया 59:19 - लिम्बु19 नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥ Gade chapit la |
यसैया 59:19
25 Referans Kwoze
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
हे़क्क्याङ् साङ्ग्राम्पेदाङ्ङो अक्तङ्बा यम्बा इक्लाधिक् खे़प्सुङ्, “आल्ल निङ्वाॽफुमाङ्ङिल्ले़ कुसे़न्लप्, कुमुक्साम्, कुहाङ्जुम् नु खुने़ॽ सेःन्दुबा ख्रिस्ते़ल्ले़ कुयुक्किन् त्ये़आङ् वाॽरो॥ थेआङ्भे़ल्ले़ निङ्वाॽफुमाङ्ङिल्ले़ कुदगि से़न्दिक् ले़न्दिक् आनिॽ नसानिबा फुॽनुसाॽ ने़ॽनुसाॽहाॽ आप्तिक् के़गुःप्पार के़ने़बान् यो इक्सादिङ् खाम्बेःक्मो लाप्मे़भुसु मे़धासुरो॥
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
यहवे दाङ्बे़ल्ले़ पाःत्तुरो, “आङ्गाॽ खिनिॽ आभे़ल्ले़आङ् मे़न्हेमनाबा वहःङ् कुइसिक् नुॽमादामा पिनिङ्लो॥ थिम्मे़न्दङ् सुवाङ्हाॽरे़ खुन्छिॽ याङ्साकुन्धेहाॽ के़गुङ्बा के़युबा वहःङ् कुइसिक् खे़निॽओ सःक्तारो॥ खिनिॽग कुम्मारे़ कुस्सान् लुङ्माॽ तुक्तुबा हे़क्क्याङ् कुभक्ताङ्ङो युक्खुआङ् यम्बा चोगुबा अङे़ःक्वा हे़क्तङ्बा के़बोक्खिरो॥
Piblisite