यसैया 59:18 - लिम्बु18 खे़ङ्हाॽरे़ मे़जोगुबा कुइसिक् खुने़ॽ खे़ङ्हाॽ कुले़क्वा नुःक्तु पिरुसिरो, कुदक्ले़ङ्वाओ के़बोःक्पाहाॽरे़ खुन्छिॽ सम्धाङ् कुसाक्के़न्, हे़क्क्याङ् खुने़ॽ कुनिङ्मिहाॽ सम्धाङ् कुले़क्वा! वागप्खेःङ् लाजेॽओ के़युङ्बाहाॽरे़ मे़जोगुबा हे़क्केए खुने़ॽ कुले़क्वा नुःक्तु पिरुसिरो॥ Gade chapit la |
यसैया 59:18
37 Referans Kwoze
यहवे दाङ्बे़ङ्ग कुनागे़हे़म्बा चोक्लो हे़क्क्याङ् कुले़क्वा के़नुःक्पा निङ्वाॽफुमाङ्लो, यहवे दाङ्बे़ल्ले़ कुले़क्वा नुःक्तु पिरुसिरो खुने़ॽ कुसाक्के़न् इसेःङ्बा चोक्लो॥ यहवे दाङ्बे़ल्ले़ कुनिङ्मिहाॽओ कुले़क्वा नुःक्तुरो, हे़क्क्याङ् खुने़ॽ के़अप्पाहाॽओ कुसाक्के़न्निन् थासुरो॥
खुने़ॽ कुमुराओलाम् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासि फाॽआङ् खागे़सुक्पा ताभेन् लःन्दे़रो॥ हे़क्क्याङ् खे़ङ्हाॽ फे़न्जेॽ तक्काःत्तिल्ले़ युक् चोगुसिॽरो॥ हे़क्क्याङ् खुने़ॽ चे़ल्ले़क्सेॽ एःम्मादे़न्नो लाङ्ङिल्ले़ चे़ल्ले़क्सेॽइन् सॽमनाबा हे़क्के मुक्साम्दाङ्बा निङ्वाॽफुमाङ्ङिल्ले़ कुसाक्के़न्निल्ले़ कुनिङ्मिहाॽ सॽरुसिरो॥
हे़क्क्याङ् खे़न् पयम् यम्बा ये़क्यक् बेबिलोनिन् खे़ल्ले़क् पःक्खे़र सुम्सि लक्को हासिङ्लो, हे़क्क्याङ् इक्सादिङ् खाम्बेःक्मोबा काक् लाजेॽबा ये़क्यक्हाॽ थ्यःङ् पोःक्खे़रो॥ बेबिलोनरे़ काक् कुलायोहाॽ निङ्वाॽफुमाङ्ङिल्ले़ इतुआङ् किप्मा के़घुबा कुसाक्के़न्निल्ले़ के़दिम्बा खोर्यालाम् खे़न् थुङ्मा पाङ्घुरो॥
“तोङ् लि के़याङ्बाहाॽ बेबिलोन मे़दार फाॽआङ् खिनिॽ इङ्घङ् हाक्ते़म्सिम्मे़ॽओ॥ ये़क्यक्किन् कब्रिङ् किर्गप् कबे़म्मे़ॽओ हे़क्केलॽरिक् आत्तिन्नाङ् खे़त्छिङ्मा मे़न्छुक्ने़न्लरो॥ खे़ल्ले़ वेॽहाॽ मे़त्तुसिआङ् वये़बा हे़क्केए खिनिॽआङ् खे़न् ताप्फे़ःल्लिक् मे़त्ते़म्मे़ॽओ, थेआङ्भे़ल्ले़ खे़ल्ले़ इस्राइलबा सेसे निङ्वाॽफुमाङ्, यहवे दाङ्बे़ल्ले़ कुदक्ले़ङ्वाओ आसुत्थो चोगुआङ् वाॽरो॥
आङ्गाॽ पाःत्तुङ्, “आङ्गाॽ साॽरिक् याःम्बक्क चोगुङ्लो, कर खे़न् हने़ पोःक्खे़रो॥ आङ्गाॽ थेनाधे नु हने़ याःम्बुधिक् चोगुङ्लो, हे़क्केसाङ् आङ्गाॽ थे खोमा के़बोङ्बा वाॽ, खे़न् निङ्वाॽफुमाङ्ङिल्ले़ कुहुक्को वाॽरो, खे़ब्याङ् आङ्गाॽ आघोमा आहाङ्से़म्मिन् निङ्वाॽफुमाङ्ङिल्ले़ कत्तुरो॥”
खे़ङ्हाॽरे़ खुन्छिॽ लायोल्ले़ लागि हे़क्क्याङ् खे़ङ्हाॽरे़ खुन्छिॽ थाःक्थे़बाहाॽरे़ खुन्छिॽ लायोल्ले़ लागि कुले़क्वा हुङुङ्लो॥ खे़ङ्हाॽरे़ कोःक्माओबा नावाइत्ला से़वा के़मे़प्पाहाॽरे़ खुन्छिॽ ले़त्ति तोःम्मादे़न्हाॽओ सुक्पा मे़हाःन्दुआङ् वाॽरो खे़ब्याङ् आङ्गाॽ आदक्ले़ङ्वाओ मे़बारे़आङ् वाॽरो॥ के़बेःक्पा ये़न्नो खे़ङ्हाॽरे़ मे़जोगुबा लायोन् कुइसिक् आङ्गाॽ खे़ङ्हाॽ खुम्दिङ् पिरुङ्सिङ्लो॥”
“आल्ल तुरोस नु सिदोन ये़क्यक्हाॽ हे़क्क्याङ् पलिस्ति ते़ङ्गप्पोबा मनासे, आङ्गाॽ आदक्ले़ङ्वाओ खिनिॽ थे पान् के़गत्तुम्बे? थे आङ्गाॽ चोगुङ्बा कुभा याःम्बक्किल्ले़ कुले़क्वा नुःक्मा के़गोःत्तुम्बि? खिनिॽ कुले़क्वा के़नुःक्तुम्ल के़वयिने़भग्र, खे़न् आङ्गाॽ खिनिॽ थे़गेःक्पो हाराए चुक्ल याःन्दुङ्ॽ॥
के़रे़क् पिसाङ्लाम् खे़ल्ले़ कुदक्ले़ङ्वाओ थङ् चोःक्मा इक्लान् लःत्ते़म्मे़ॽओ! ओमे़त्ते़म्मे़ॽ! खुने़ॽ खिनिॽ हुक्को हुक्सुप्सिङ्लो! खे़ल्ले़ कुलुङ्धाक्हाॽ लुःन्दे़आङ् ने़रो॥ कङ्ग यहवे दाङ्बे़ल्ले़ कुले़क्वा नुःक्तुबारो, खे़ल्ले़चोगुल्ले़ खिनिॽ खे़ल्ले़ कुले़क्वा नुःक्ते़म्मे़ॽओ॥ खे़ल्ले़ वेॽहाॽ मे़त्तुसिबा हे़क्केए खिनिॽ खे़न् ताप्फे़ःल्लिक् मे़त्ते़म्मे़ॽओ!
Piblisite