यसैया 59:13 - लिम्बु13 यहवे दाङ्बे़ल्ले़ कुदक्ले़ङ्वाओ पिफ्युङ् चोःक्मा नु आनिगे अप्मा याःम्बक् चोगुम्बे़रो, निङ्वाॽफुमाङ्लाम् नुःक्खिगे़आङ् निङ्घुम् नु पिफ्युङ् चोगुम्बे़आङ् वयिगे़रो, खे़ब्याङ् आनिगे निङ्वाःल्ले़ पाःत्तुबा इङ्ले़क् पाःत्तुम्बे़आङ् वाॽरो॥ Gade chapit la |
यसैया 59:13
45 Referans Kwoze
“खे़ङ्हाॽग मे़जिःत्ते़ मे़स्ये़रो, थेआङ्भे़ल्ले़ खे़ङ्हाॽ आङ्गाॽलाम् माःङ्घा मे़घे़त्छिङ् मे़बेआङ् मे़वाॽरो! खे़ङ्हाॽ खाप्पुथ्यःङ् मे़बोङ्लरो, थेआङ्भे़ल्ले़ आङ्गाॽ आदक्ले़ङ्वाओ खे़ङ्हाॽ पिफ्युङ्बा मे़बोःक्खे़आङ् मे़वाॽरो॥ कुमे़ल्लुङ् हुङ्माआङ् खे़ङ्हाॽ थे़ॽमासि आनिङ्वाॽ वाॽरो, कर खे़ङ्हाॽरे़ आङ्गाॽ आदक्ले़ङ्वाओ इङ्ले़क् मे़बाःत्तुरो॥
आल्ल यहवे दाङ्बान् होसेःन्लाम् पाःप्मा हेःक्ते़ल्ले़, यहवे दाङ्बे़ल्ले़ खुने़ॽ अक्खे मे़त्तु, “कन् लाजेःल्ले़ यहवे दाङ्बे़न् नाॽरुआङ् साॽरिक् याम्बोःप्मा आप्तिक्को थ्ये़आङ् वाॽ, खे़ने़ॽ पेगे़ॽआङ् चागे़राम्मा के़त्निमाधिक् ते़न्धाम् मेःक्खिम् मे़त्ते़ॽ, खे़ब्याङ् खे़ल्ले़ चाराम्मा के़त्निमा याःम्बक् चोगुबालाम् कत्तुसिबा साहाॽ सा चोगे़से़ॽ॥”
खे़ब्याङ् खे़ङ्हाॽ मे़न्छाम् सुवाहाॽरे़ खुन्छिॽ लुम्मो मे़दे़म्सु मे़देॽरुसिल्ले़ खे़ङ्हाॽरे़ आङ्गाॽ निङ्वाॽ मे़इःत्ता॥ खे़ङ्हाॽरे़ खुन्छिॽ इङ्ले़क्पा निङ्वाॽ नु खुन्छिॽ नावाइत्लाहाॽ सिराॽथाङ्बा ताप्फे़ःम्बा मिक्लो लाम्माल्ले़ आङ्गाॽ आक्ख्यारिक् आनिङ्वाॽ तुक् फाॽआङ् खे़ङ्हाॽरे़ निङ्वाॽ मे़घोसुॽ॥ खे़ब्याङ् निन्धासेःक्ओ खे़ङ्हाॽरे़ खुन्छिॽ के़रे़क् सिक्के़ले़ःङ्बा लायोहाॽरे़ चोगुल्ले़ खुन्छिॽ आप्फेक् मे़जिःत्छिङ्ॽ॥
थेआङ्भे़ल्ले़ यहवे दाङ्बा आनिॽ निङ्वाॽफुमाङ्ङिन् पेलि फाक्ते़ आबिरे़ॽ फाॽआङ् आङ्गाॽ याप्मि के़बाङ्घिल्ले़ खिनिॽ नसाःन्साबा कुदोःप्मा के़म्बोःक्खिन्॥ खिनिॽ अक्खे के़बाःत्तुम्, ‘यहवे दाङ्बा आनिॽ निङ्वाॽफुमाङ्ङिल्ले़ थे़मा पाःत्तुॽ आमे़त्ते़बा, हे़क्क्याङ् आनिगे खे़न् चोगुम्बे़रो!’
आङ्गाॽ खे़ङ्हाॽनु आभे़ल्ले़आङ् मे़न्नुप्मनाबा लत्छा माङ्हुप् चोगुङ्ॽ॥ खे़ङ्हाॽरे़ खुन्छिॽ लागि नुॽमादामा के़बोङ्बा याःम्बक् चोःक्मा आङ्गाॽ आफाल्ले़आङ् मे़ले़रुङ्ङिन् हे़क्क्याङ् आबाङे खुन्छिॽ के़रे़क् सिक्लुङ्माल्ले़ आङ्गाॽ याप्मि इङ्धाङ् के़बिबा खे़ङ्हाॽ चोगुङ्सिङ्ॽ खे़ब्याङ् खे़ङ्हाॽ आफाल्ले़आङ् आङ्गाॽलाम्बा मे़न्इःम्सिङ् मे़म्बेःक्ने़न्॥
यहवे दाङ्बे़ल्ले़ पाःत्तुरो, “खिनिॽ यङ्मा किमाओ के़धाबा कन् माङ्हाॽ हाःत्छिआङ् आङ्गाॽ इङ्ले़क् पान् याप्मि के़मे़त्ति खे़ब्याङ् सगप् याप्मि निङ्वाॽ के़भेःत्छिबाबे? थे आङ्गाॽ कन् पाःन्हाॽरे़ कुयाःम्बेओ यरिक् ये़म् थारिक् स्वाःत् युङ्ङाबाल्ले़ चोगुल्ले़ आङ्गाॽ मिङ्सो इङ्धाङ् पिमा याप्मि के़ले़रे़बाबि?
थेआङ्भे़ल्ले़ अदङ् मनाःन् अदङ् पाःन्ने पाःत्लो, हे़क्क्याङ् खे़ल्ले़ कुनिङ्वान् ताप्फे़ःम्बा याःम्बक् चोःक्माओरक् पत्लो, खे़ल्ले़ लायोबा याःम्बक् चोगुॽ खे़ब्याङ् यहवे दाङ्बे़ल्ले़ कुदक्ले़ङ्वाओ के़बेःम्बा पाःन्हाॽ इङ्घु ने़स्सुरो॥ खे़ल्ले़ कुसे़क्के़लाःक्पाहाॽ कुजा मे़बिरुसिन्लो, खम्ब्याङ् कुवा के़मिबाहाॽ थुङ्मा च्वाःत्ताङ् मे़बिरुसिन्लो॥
मुक्साम्दाङ्बा यहवे दाङ्बे़ल्ले़ कुजे़ल्ले़क्सेॽ इक्किङ्ग इस्राइलबा हिम्सयङ्लो, हे़क्क्याङ् यहुदाबा मनाहाॽग खुने़ॽ कुयाम्नाःम्मिल्ले़ सिङ्सेॽ इक्लो॥ खुने़ॽग नुबा खासे़न् पोङ् के़लॽबा निङ्साङ् चोगुरो, कर माक्खिॽ वरक् पोःक्खे़रो, साम्योबा पोङ् के़लॽबा निङ्साङ् चोगुरो, कर तुक्खेलाक्खे नु मे़रिङ् पोःक्खे़रो॥
यहोसुःल्ले़ के़रे़क् मनाहाॽ मे़त्तुसि, “ओमे़त्ते़म्मे़ॽ, कन् लुङ्ङिन् आनिॽ तक्ले़ङ्वाओ तोःन्दि पोङ्ॽ, थेआङ्भे़ल्ले़ यहवे दाङ्बे़ल्ले़ आनिॽ आमे़त्ते़बा के़रे़क् पाःन्हाॽ कल्ले़ खे़प्सुआङ् वाॽ॥ खिनिॽ आबाङे निङ्वाॽफुमाङ्ङिन् के़नाॽरुम्ने़भग्र खे़न् खिनिॽ तक्ले़ङ्वाओ तोःन्दि पोङ्ॽ॥”
थेआङ्भे़ल्ले़ खे़ङ्हाॽरे़ आङ्गाॽ थिक्याःन्धक् मे़गोःत्तारो, आत्तिन् पाःन्निन् नुबा चोक् खे़न् के़जोःक्पा नु आबाङे निङ्वाॽफुमाङ्ङिल्ले़ कुइङ्जाङ्ङिन् मे़म्भेःम्मनाबा कर आङ्गाॽ आलाम्मिन् नाःप्मा कुसिङ् निःप्मा निङ्वाॽ के़जोःक्पा सुवाङ् हे़क्तङ्बाए खे़ङ्हाॽ निमे़दे़त्लो॥ खे़ङ्हाॽरे़ कुदोःप्मा निङ्वाॽ निःन्धोरे़ पाःन्हाॽ मे़नाःक्कारो, हे़क्क्याङ् निङ्वाॽफुमाङ्ङिन् खे़ङ्हाॽरे़ खुन्छिॽ निःत्ताङ् तार फाॽआङ् खुन्छिॽ निङ्वाॽ इगेःक् लॽबा निदे़त्लो॥
यहवे दाङ्बे़ल्ले़ पाःत्तुरो, “नाःम्सिङ्मा ये़न्निन् खे़निॽ सेसे के़गत्तुम्लो हे़क्क्याङ् खे़ल्ले़ याःन्दिक् आबाङे निङ्वाॽ पाःप्पाःत् के़न्जोगुम्मिन्ने़भग्र, आङ्गाॽ आसेसे ये़न्निन् के़इःत्तुम् के़नाःत्तुम् खे़ब्याङ् खे़ल्ले़ याःन्दिक् आत्तिआङ् माःङ्घा के़म्बेगिन्ने़भग्र कुसुम् मे़न्दम्मनाबा याःम्बक् के़न्जोगिन्नाङ् खे़न् ये़न्निन् इङ्धाङ् के़बिरुम्ने़भग्र
Piblisite