यसैया 58:5 - लिम्बु5 थे आङ्गाॽ सेगुङ्बा तःक्ने़त्तिन् हाबा अक्तङ्बारक्पि? मनान् थे थिक्याःन्लक् नःम्नःम्बा पोङ्बाबि? थे मिक्लान् कुसिङ् थे़गेक्पान् अःक्खुम् मे़प्मा हे़क्क्याङ् सिःङ्गो चाङ् चाङ्मा नु खाप्पु हुःत्छिङ्माआङ्लक् नःम्नःम् आबोङ्बाबि? थे हाबा कन् खे़निॽ तःक्ने़त् युङ्मा नु यहवे दाङ्बे़ल्ले़ ताःक्तुबा ये़न् फाॽआङ् के़बाःत्तुम्बि? Gade chapit la |
यसैया 58:5
22 Referans Kwoze
यहवे दाङ्बे़ल्ले़ अक्खे पाःत्तुरो— “सुये़म्मो आङ्गाॽ खे़ने़ॽ नुगप् पिने़रो, हे़क्क्याङ् से़न्लप् पिमा ये़न्नो आङ्गाॽ खे़ने़ॽ फाॽने़रो॥ चिजि खक्खक् के़बोङ्बा इस्राइलबा लाजेन् याम्मो फोङ्मारे़ लागि हे़क्क्याङ् खे़न् लाजेःल्ले़ आबाङे कुन्दाङ्बाहाॽ याम्मो नुःक्मा पिमासिरे़ लागि आङ्गाॽ खे़ने़ॽ से़ःप्ने़ कत्ने़रो खे़ब्याङ् मनारे़ लागि आङ्गाॽ खे़ने़ॽ माङ्हुप् चोःक्ने़रो,
“पेगे़ॽआङ् सुसन्नो के़वाॽबा के़रे़क् यहुदिहाॽ फुक्खे़से़ॽ हे़क्क्याङ् खे़ङ्हाॽ आङ्गाॽ आलागि तःक्ने़त् मे़युङ्ल॥ सुम्यान् नु सुम्से़न् थारिक् मे़जे़म्मिन्ने़ॽ मे़धुङे़म्मिन्ने़ॽ हे़क्क्याङ् च्वाःत्ताङ् मे़धुङे़म्मिन्ने़ॽ॥ आङ्गाॽ नु आङ्गाॽ आसे़वारोमाहाॽआङ् खिनिॽ हे़क्केए तःक्ने़त् युङिगे़॥ खे़न् एगाङ् कुभाङ्ले़ कुदक्ले़ङ्वा पोङ्साङ् आङ्गाॽ हाङ्ङे़ॽओ पेःक्का॥ आङ्गाॽ सिमाए पोङ्साङ् आङ्गाॽ सिआर॥”
कर खे़ङ्हाॽरे़ मे़बाःत्तुॽ, ‘आनिगे तःक्ने़त् युङिगे़रो, हे़क्क्याङ् खे़निॽ थेआङ् के़न्निसुम्मिम्बाबे? आनिगे नःम्नःम्बा पोःक्खिगे़रो, हे़क्क्याङ् खे़निॽ थेआङ् निनि के़न्लाप्तुम्मिम्बाबे?’ हे़क्केसाङ् खिनिॽ तःक्ने़त् के़युङिबा ये़न्नो खिनिॽ आबाङे चोःक्मा निङ्वाॽ के़जोगुम्बा पाःन्निन्लक् के़जोगुम्लो॥ खे़म्ब्याङ् खिनिॽ याःम्बक् के़जोःक्पा के़बिबाहाॽ के़रे़क् के़घुम्सुम् के़से़रुम्सिम्लो॥
हे़क्क्याङ् खे़न् माङ्हिम्मिल्ले़ कुदगिलाम् एल्यासिबरे़ कुस्सा यहोहानानरे़ कुयाक्फाङ्ङो पे हे़क्क्याङ् मे़दे़म्सु मे़देॽरुसिबालाम् के़नुःङ्बा के़भे़म्बा मनाहाॽ नसाःन्साबा मे़होप्ते़बाल्ले़ चोगुल्ले़ खुने़ॽ मे़रिङ् थक्नु से़न्दिक् नाम्दाःत्तात् युङे़आङ् खाओःन्दु॥ खुने़ॽ थेआङ् मे़जने़न् मे़धुङुन्॥
“हे़क्क्याङ् खिनिॽ चाने़त् के़युङ्ङिल्ले़ निङ्वाॽ के़जिःप्पाहाॽ कुइसिक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोसुर फाॽआङ् खुनिॽ नारान् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोसु मे़सुरुआङ् मे़वाॽरो॥
खे़प्मो अहावा वालिःल्ले़ कुयाओ के़रे़क् तःक्ने़त् युङ्मारे़ लागि नु आबाङे आनिगे निङ्वाॽफुमाङ्ङिल्ले़ कुदगि चुङ्जिगे़न् नःम्नःम्बा पोङ्मारे़ लागि हे़क्क्याङ् आनिगे लाम्दिःक्को खुने़ॽ लाम्लोसिगे़र हे़क्क्याङ् आनिगे आबाङे लागि, याङ्साकुन्धेरे़ लागि नु साएहाॽ ताङ्से़ःप्मासिरे़ लागि पेलिगे़न् तुवा चोःक्मा पाङ्घुङ्सिङ्॥
Piblisite