यसैया 58:2 - लिम्बु2 थेआङ्भे़ल्ले़ खे़ङ्हाॽरे़ आङ्गाॽ थिक्याःन्धक् मे़गोःत्तारो, आत्तिन् पाःन्निन् नुबा चोक् खे़न् के़जोःक्पा नु आबाङे निङ्वाॽफुमाङ्ङिल्ले़ कुइङ्जाङ्ङिन् मे़म्भेःम्मनाबा कर आङ्गाॽ आलाम्मिन् नाःप्मा कुसिङ् निःप्मा निङ्वाॽ के़जोःक्पा सुवाङ् हे़क्तङ्बाए खे़ङ्हाॽ निमे़दे़त्लो॥ खे़ङ्हाॽरे़ कुदोःप्मा निङ्वाॽ निःन्धोरे़ पाःन्हाॽ मे़नाःक्कारो, हे़क्क्याङ् निङ्वाॽफुमाङ्ङिन् खे़ङ्हाॽरे़ खुन्छिॽ निःत्ताङ् तार फाॽआङ् खुन्छिॽ निङ्वाॽ इगेःक् लॽबा निदे़त्लो॥ Gade chapit la |
यसैया 58:2
32 Referans Kwoze
दाङ्बे़ल्ले़ अक्खे पाःत्तुरो, “कन् मनाहाॽ खुन्छिॽ नारा ओसेःन्धाक्से़ आङ्गाॽ आबेसाङ् मे़दारो हे़क्क्याङ् खुन्छिॽ मुराःल्ले़रक् आङ्गाॽ मिङ्सो इङ्धाङ् मे़बिआरो, कर खुन्छिॽ निङ्वान् आङ्गाॽलाम् माःङ्घा वाॽरो॥ खे़ङ्हाॽरे़ आङ्गाॽ से़वा मे़मे़त्ताबाङ्ग हने़ मनाहाॽरे़ मे़हुॽरुसिबा चोःक्थिम्लक्लो॥
खे़ङ्हाॽ मे़द्ये़आङ् सेःन्मे़दोसु, “सिक्साम्बे, खे़ने़ॽग से़क्खा पाःन्लक् के़बाःत्लो॥ खे़ने़ॽग मनाहाॽरे़ खुनिॽ पाःन्नोआङ् के़म्बत्ने़न्, हे़क्क्याङ् आत्तिन् मनाहाॽआङ् के़न्छे़न्दुन्छिन्॥ खे़ने़ॽग निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ हे़क्केःल्ले़ कन् पाःन्निन् ओमे़त्ते़ॽ रोमि पयम् हाङ् सिजरे़न् एःङ्याङ् हुङ्मा आनिॽ साम्योथिम्मिल्ले़ आबिॽबि आम्बिने़न्बि?”
थेआङ्भे़ल्ले़ यहवे दाङ्बा आनिॽ निङ्वाॽफुमाङ्ङिन् पेलि फाक्ते़ आबिरे़ॽ फाॽआङ् आङ्गाॽ याप्मि के़बाङ्घिल्ले़ खिनिॽ नसाःन्साबा कुदोःप्मा के़म्बोःक्खिन्॥ खिनिॽ अक्खे के़बाःत्तुम्, ‘यहवे दाङ्बा आनिॽ निङ्वाॽफुमाङ्ङिल्ले़ थे़मा पाःत्तुॽ आमे़त्ते़बा, हे़क्क्याङ् आनिगे खे़न् चोगुम्बे़रो!’
नाॽराङ्स्याङ्, लायोबा सुवाङ्, आप्तिक्साबा मनाहाॽ, ताप्फे़ःम्बा याःम्बक् के़जोःक्पाहाॽरे़ खुन्छिॽ साहाॽ, हे़क्क्याङ् स्वाःत्ताङ् सुरुत्याङ् के़जाबाहाॽरे़ खुन्छिॽ थिन्दाङ् सायोबोराहाॽ! खे़ङ्हाॽरे़ यहवे दाङ्बे़न् मे़नाॽरुआङ् वाॽरो, खे़ङ्हाॽरे़ इस्राइलबा सेसेबे़न् कुनामे़न्छाॽ मे़मे़त्तुरो हे़क्क्याङ् एःक्मे़मे़त्तुआङ् मे़वाॽरो॥
खिनिॽ खुःप्मा याःम्बक् के़जोगुम्, मना के़से़रुम्सिम् हे़क्क्याङ् चाराम्मा-पोःप्मा याःम्बक् के़जोगुम्, माङ्के़हे़क्कासिआङ् इङ्ले़क् के़बारि, बाल साम्माङ्ङो सिदुङ्जभा के़दोःन्दुम् हे़क्क्याङ् आबाङे आप्फाल्ले़आङ् कुसिङ् के़न्निःत्तुम्सिम्मिन्बा साम्माङ्हाॽ माङ्से़वा के़मे़त्तुम्सिम्॥
“नासिगे़न् थक्ला के़गप्पा मे़न्छाम् याप्मिए, खे़ने़ॽ इस्राइलबा लाम्लोबाहाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ लत्छा इङ्घङ् सेःन्दोमारे़ लागि खिनिॽ आक्खेलॽरिक् के़आःन्नासिआङ् के़द्ये़ॽइबे? आङ्गाॽ से़क्खाए कुहिङ्वे़त् वाॽआबा कुइसिक्, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ॽ, आङ्गाॽ खिनिॽ थे़माआङ् मे़मे़त्निङ्ङिन्ॽ!’
Piblisite