यसैया 57:5 - लिम्बु5 यहिबा सिङ्बुङ्हाॽरे़ कुलुम्मो नु कुसिगाङ् हे़क्क्याङ् के़रे़क् हुम्बे़प्पा सिङ्बुङ् सिगाङ् याम्बोःप्मा याःम्बक् चोःक्मारे़ के़धुक्तिरो॥ खिनिॽ आबाङे ये़म्बित्छा मे़न्छुमा साहाॽ वहःङ् नु याक्पेॽफिःप्माहाॽओ वयागे़न् सिदुङ्जभा के़जोगुम्सिम्लो॥ Gade chapit la |
यसैया 57:5
32 Referans Kwoze
खे़ने़ॽ आङ्गाॽ, यहवे दाङ्बा निङ्वाॽफुमाङ्ङिल्ले़ आदक्ले़ङ्वाओ के़बोगे़रो हे़क्क्याङ् आङ्गाॽ आइङ्जाङ्ङिन् इःप्मा नाःप्मा के़न्दे़न्दे़न्लो के़रे़क् सरेःक्याःप्पा सिङ्बुङ्मा सिगाङ् वेॽ माङ् साम्माङ्हाॽनु याम्बोःप्मा याःम्बक् के़जोगुरो खे़न् पाःन्नो आप्तिक्साबा पोङ्मा ते़न्दे़ॽओ॥” आङ्गाॽ, यहवे दाङ्बे़ल्ले़ कन् पाःत्तुङ्ङाङ् वाॽरो॥
यहवे दाङ्बे़ल्ले़ अक्खे पाःत्तुरो, “इस्राइलए, यरिक् ये़म्माङ्धो खे़ने़ॽ आङ्गाॽ आयुक्किन् के़नाॽरुरो, खे़ने़ॽ आइङ्जाङ्ङिन् इःप्मा नाःप्मा नु आङ्गाॽ माङ्से़वा मे़प्मा के़ले़राङ्लो॥ के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् के़रे़क् सरेःक्क्याःप्पा सिङ्बुङ् सिगाङ् खे़ने़ॽ वेॽ माङ् साम्माङ्हाॽनु के़त्निमा हे़क्के ताप्फे़ःम्बा याःम्बक् के़जोगुरो॥
थेआङ्भे़ल्ले़ इक्सादिङ् खाम्बेःक्को के़वाॽबा काक् मे़न्छाम् सुवाङ्हाॽ कुयाम्बोःप्मा सिजङ्वाःल्ले़ मयुसि॥ हे़क्क्याङ् इक्सादिङ् खाम्बेःक्मोबा काक् हाङ्हाॽरे़ खे़न्नु याम्बोःप्मा याःम्बक् मे़जोगु, हे़क्क्याङ् खे़ल्ले़ याम्दादा नु निङ्वाॽतादाबा कुहिङ्मन्निल्ले़ चोगुल्ले़ इक्सादिङ् खाम्बेःक्मोबा ले़ङ्हङ्बाहाॽ साॽरिक् याङ्साकुन्धेसाबा मे़बोःक्खे़रो॥”
थेआङ्भे़ल्ले़ खिनिॽ खे़ङ्हाॽ हुक्वा के़बिरुम्सिम्ॽ हे़क्क्याङ् खिनिॽ अङे़ःक्वा साहाॽ मिधिङ्मासिरे़ लागि सिदुङ्जभा के़दोःन्दुम्सिम्मिल्ले़ खिनिॽ आप्फेक् चक्मे़ल्लॽए नावाइत्लाहाॽनु आइन् थारिक् आसुत्थो के़जोःक्कासिर के़वयिॽ॥ इस्राइलबा मनासे, थे आङ्गाॽलाम् लत्छा इङ्घङ्धिक् खिनिॽ सेःन्दोमा फाःक्निङ्बाबि? आङ्गाॽ से़क्खाए कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, आङ्गाॽ खिनिॽ थे़माआङ् मे़मे़त्निङ्ङिन्ॽ॥
आङ्गाॽ खे़ङ्हाॽ पिरुङ्सिङ्ङाङ् वये़बा मिक्तोक् पर्धाःम्हाॽरे़ए खुन्छिॽ आबाङे आसुत्थो पोङ्मा फाःक्तुङ्सिङ्, हे़क्केलॽरिक् खे़ङ्हाॽ मे़ङ्मासि नु आङ्गाॽए यहवे दाङ्बाआ के़लॽबा पाःन्निन् निङ्वाॽसुम् तारुङ् पिरुङ्सिङ्ल फाॽआङ् खे़ङ्हाॽरे़ खुन्छिॽ तुम्बा साहाॽ वयागे़न् सिदुङ्जभा कुइसिक् खुन्छिॽ माङ्हाॽओ तोःम्मा फाःक्तुङ्सिङ्॥
हे़क्क्याङ् के़रे़क् कोःक्मा फाङ्जङ् थे़गु माङ्वाहाॽओबा माङ्धाःन्हाॽओ हे़क्क्याङ् के़रे़क् सरेःक्याःप्पा सिङ्बुङ् सिगाङ् नु के़रे़क् हुम्बे़प्पा यम्बा सिङ्बुङ्हाॽरे़ इःप्तुबादे़न्नो खे़ङ्हाॽरे़ खुन्छिॽ नावाइत्लाहाॽ सिदुङ्जभा मे़बिरुसिबा ते़न्हाॽओ खुन्छिॽ नावाइत्हाॽ लुम्मो खुन्छिॽ मना चेहाॽ हत्छे़ मे़से़आङ् मे़ने़ःल्ले़ आङ्गाॽए यहवे दाङ्बाआ फाॽआङ् खे़ङ्हाॽरे़ निङ्वाॽ मे़घोसुॽ॥
खे़ङ्हाॽरे़ आबाङे खुन्छिॽ साहाॽ मोलोख साम्माङ्ङिल्ले़ कुदगि वयागे़न् सिदुङ्जभा तोःम्मासि फाॽआङ् बेन-हिन्नोमबा ने़ने़बादे़न्नो बाल साम्माङ्ङिल्ले़ कुलागि से़वा चोःक्मादे़न्हाॽ मे़जोगुआङ् युङ्॥ खे़ङ्हाॽ खे़न् चोःक्मा इङ्जाङ् मे़बिरुङ्सिङ्ङिन्॥ खे़ङ्हाॽरे़ हे़क्तङ्बा ताप्फे़ःम्बा याःम्बक् मे़जोगु हे़क्क्याङ् यहुदाबा मनाहाॽ लायो चोःक्मा मे़बाङ्घुसि के़लॽबा पाःन्निन् आङ्गाॽ आनिङ्वाॽओ आभे़ल्ले़आङ् त्ये़बा होःप्ते़रो॥”
हुम्बे़त् के़दाप्पा सरेःक्याःप्पा के़रे़क् सिङ्बुङ्हाॽरे़ कुबेसाङ्बा हे़क्क्याङ् केःम्ब केःम्बा कोःक्मा फाङ्जङ् थे़गु माङ्वाहाॽओ खे़ङ्हाॽरे़ खुन्छिॽ ले़त्ति तोःम्मादे़न्हाॽ हे़क्क्याङ् असेरा साम्माङ्ङिल्ले़ कुसित्लाङ्हाॽ खे़ङ्हाॽरे़ खुन्छिॽ साएहाॽरे़आङ् से़वा मे़मे़त्तुरो॥
योसियाहन् हाङ् वये़ल्ले़ यहवे दाङ्बे़ल्ले़ आङ्गाॽ मे़त्ताङ्, “याम्बोःप्मा याःम्बक् के़जोःक्मा मे़न्छुमाःल्ले़ हे़क्के इस्राइलरे़ थेधे चोगु, थे खे़ने़ॽ के़निसुबि? खे़ल्ले़ आङ्गाॽ ले़प्माङ् आबाङे कुएःक्थाःक्मान् हिसाङ् पिराङ् हे़क्क्याङ् के़रे़क् कोःक्मा फाङ्जङ् थे़गु माङ्वाहाॽओ नु के़रे़क् सरेःक्याःप्पा सिङ्बुङ् सिगाङ् याम्बोःप्मा याःम्बक् चोगु॥
खुने़ॽ बेन-हिन्नोमबा ने़ने़बादे़न्नो सिदुङ्जभाहाॽआङ् तोःन्दु॥ इस्राइलिहाॽरे़ खुन्छिॽ तगिलाम् यहवे दाङ्बे़ल्ले़ आत्तिन् मे़न्छाम् सुवाङ्हाॽ लाजेॽलाम् लःत्तुदेसुसिआङ् वये़, खे़ङ्हाॽरे़ए खुन्छिॽ याम्गे़सिङ्बा ये़प्ले़क्किन् नाःत्तुआङ् खुने़ॽ कुस्साहाॽ मिओ मिधिक्खुसिआङ् सिदुङ्जभा चोगुसि॥
खे़ङ्हाॽ पिनिङ् मे़त्तुङ्सिङ्ङाङ् माङ्हुप् चोगुङ्बा लाजेॽओ खे़ङ्हाॽ फे़त्तुङ्सिङ्ङिल्ले़, खे़ङ्हाॽरे़ मे़निसुबा के़रे़क् केःम्बा कोःक्मा फाङ्जङ् थे़गु माङ्वाहाॽओ हे़क्क्याङ् सरेःक्याःप्पा हुम्बे़प्पा सिङ्बुङ्हाॽरे़ कुसिगाङ् खे़ङ्हाॽरे़ सिदुङ्जभा मे़दोन्दु! खे़ङ्हाॽरे़ सिदुङ्जभा मे़दोन्दुआङ् आङ्गाॽ आत्ति आत्ति साॽरिक् आसिक् मे़भोःक्खु॥ खे़ङ्हाॽरे़ खुन्छिॽ आत्तारहाॽ नु सुक्पा मे़दारु हे़क्क्याङ् खुन्छिॽ वदुम्बक्वा सिदुङ्जभाहाॽरे़ खे़ङ्हाॽ मे़ले़ःक्तुसि॥’
Piblisite