यसैया 57:16 - लिम्‍बु

¹⁶ आङ्‌गाॽ आभे़ल्‍ले़साङ् आप्‍तिक् के़गुःप्‍पा मे़बोङ्‌ङान्‍लो, हे़क्‍क्‍याङ् कुयाक् के़ले़ॽबा मे़बोङ्‌ङान्‍लो, मे़ःन्‍निःल्‍ले़ग आङ्‌गाॽ आदगि आङ्‌गाॽ नावागे़न् चइत् चोगुङ्‌बा— मे़न्‍छाम् याप्‍मिःल्‍ले़ कुयाम्‍साम्‍मिन् नायोबा पोःक्‍खे़बारो॥

यसैया 57:16 Referans Kwoze

मिका 7:18

खे़ने़ॽ हे़क्‍तङ्‌बा निङ्‌वाॽफुमाङ् हात् वाआङ्‌बे? खे़ने़ॽग लायो लासोःत्‍हाॽ ले़प्‍मि के़जोगुरो, हे़क्‍क्‍याङ् के़वाॽबा के़याःक्‍पा के़मनाहाॽरे़ खुन्‍छिॽ फे़न्‌याःम्‍बक्‍किन् ले़प्‍मि के़बिरुसिरो॥ खे़ने़ॽ सदादिङ् थारिक् के़सिक् मे़बोःक्‍ने़न्‍लो, कर आनिगे लुङ्‌माॽ तुक्‍मारे़ लागि के़निङ्‌वाॽ तारो॥

निङ्‌वाॽफु साम्‍लोसुम् 85:5

आनिगे़नु सदादिङ् के़सिक् मे़बोगे़न्‍ने़ॽओ, आनिगे के़रे़क् मुॽइदाङ्‌साहाॽनु आभे़ल्‍ले़साङ् के़याक् मे़ले़ॽरे़न्‍ने़ॽओ॥

हिब्रु 12:9

आल्‍ल इक्‍साबा आनिॽ पाहाॽरे़ हे़न्‍थिम् आम्याक्‍ते़ल्‍ले़ग आनिॽ मिङ्‌सो इङ्‌धाङ् आबिरुम्‍सिम्‍लो॥ खे़न्‍नुःल्‍ले़आङ् यरिक् आनिॽ याम्‍साम्‍मिल्‍ले़न् पाःल्‍ले़ हे़न्‍थिम् आयाक्‍किल्‍ले़ आनिॽ से़क्‍खाबा हिङ्‌मन् खोमा फाॽआङ् खे़न् हे़न्‍थिम्‍मिल्‍ले़ कुयुक्‍को तामा पोङ्‌लो॥

यर्मिया 10:24

यहवे दाङ्‌बाए, खे़ने़ॽ के़मनाहाॽ के़घासे़न् कुइसिक् तोःन्‍दे़से़ॽओ॥ खे़ने़ॽ के़सिक् पोःक्‍मो आनिगे खुम्‍दिङ् आम्‍बिरे़न्‍ने़ॽओ, मेःन्‍ने़भग्र आनिगे हदॽ मे़गिगे़रो॥

खानिःत् 16:22

खे़ब्‍याङ् मोसान् नु हारुने़न् साबन् फन्‍ने़छिआङ् ने़ने़सि हे़क्‍क्‍याङ् अक्‍खे मे़त्ते़सु, “निङ्‌वाॽफुमाङ्‌ङे, के़रे़क् मुन्‍जिङ् वयाक् के़लॽबाहाॽरे़ खुन्‍छिॽ सक्‍मा के़गेःप्‍पा के़बिबा निङ्‌वाॽफुमाङ्‌ङे, लत्‍छा मनारे़ लायो चोगुबाओ थे खे़ने़ॽ के़रे़क् सङ्‌जुम्‍भोःन्‍नु के़सिक् पोःक्‍पाबि?”

यर्मिया 38:16

सिदकियाह हाङ्‌ङिल्‍ले़ स्‍वाःत्ताङ् अक्‍खे पाःत्तुर यर्मियाःन्‍नु माङ्‌हे़क् चोगु, “आनिॽ साःङ्‌गो सक्‍मा आबिबिबा, से़क्‍खाए कुहिङ्‌वे़त् के़वाॽबा यहवे दाङ्‌बे़न् कुइसिक्, आङ्‌गाॽ खे़ने़ॽ मे़से़त्‍ने़न् हे़क्‍क्‍याङ् खे़ने़ॽ से़प्‍मा के़गोःप्‍पा मनाहाॽरे़ खुन्‍छिॽ हुक्‍कोआङ् खे़ने़ॽ मे़धाने़न्॥”

यसैया 42:5

निङ्‌वाॽफुमाङ् यहवे दाङ्‌बे़ल्‍ले़ अक्‍खे पाःत्तुरो— ताङ्‌साङ्‌बे़न् के़जोःक्‍पाआङ् खे़न् के़घिङ्‌बे़न्, हे़क्‍क्‍याङ् इक्‍सादिङ् खाम्‍बेक् नु खे़प्‍मोलाम् के़लःम्‍बा के़रे़क् मे़बोःन्‍ल मे़धे़ॽर के़याःम्‍बा, खे़ब्‍याङ् खे़प्‍मो के़वाॽबा मनाहाॽ साःङ्‌गु सक्‍मा के़बिबा खे़म्‍ब्‍याङ् खे़ॽयो लाङ्‌गे़घेःक्‍पाहाॽ याम्‍साम् के़बिबा—

तोलिङ्‌सोमु 6:3

खे़ब्‍याङ् यहवे दाङ्‌बाल्‍ले़ पाःत्तु, “मे़न्‍छाम् याप्‍मिहाॽनु आयाम्‍साम्‍मिन् सदादिङ् मे़वाॽने़न्, थेआङ्‌भे़ल्‍ले़ खे़न् नासिगे़न् थक्‍लारक्‍लो॥ खे़न् किप् थिक्‍काङ् निबोङ् तङ्‌बे थारिक् हिङ्‌लो॥”

जकरिया 12:1

इस्राइलरे़ कुयाःम्‍बेओ यहवे दाङ्‌बे़ल्‍ले़ कुइङ्‌घङ् हाबा कन्‍लो॥ ताङ्‌साक्‍पा के़घिङ्‌बा, इक्‍सादिङ् खाम्‍बेःक्‍मे़ल्‍ले़ कुबुङ् के़युङ्‌बा नु मनाःल्‍ले़ कुयाम्‍साम्‍मिन् खे़न् सिगाङ् नावागे़न् चइःत् के़जोःक्‍पा यहवे दाङ्‌बे़ल्‍ले़ उवा चोगुॽ—

खाहुन्‍साबा 12:7

आनिॽ नासिङ्‌गे़न् थक्‍किन् खाम्‍मोए नुःङ्‌बेःक्‍लो हे़क्‍क्‍याङ् हिङ्‌मन्‍बा साःङ्‌गुगे़न् सक्‍मान् निङ्‌वाॽफुमाङ्‌ङो नुःङ् पेःक्‍लो, खे़ङ्‌ग खुने़ॽ आनिॽ आबिरे़आङ् वये़रो॥

यर्मिया 3:5

थे खे़ने़ॽ आङ्‌गाॽनु आभे़ल्‍ले़साङ् के़सिक् पोःक्‍पि? थे खे़ने़ॽ सदादिङ् आदक्‍ले़ङ्‌वाओ के़वाॽबि?’ इस्राइलए, खे़ने़ॽ पाःप्‍माग हे़क्‍केए के़बाःत्तुरो कर खे़ने़ॽ के़सुक्‍सुक् ताप्‍फे़ःम्‍बा के़जोगुरो॥”

इजकिएल 18:4

थेआङ्‌भे़ल्‍ले़ पामाहाॽ नु साहाॽ खक्‍पे़त् खासे़न् चोःक्‍मासिरे़ लागि के़रे़क् आङ्‌गाॽ आमनासिरो॥ हे़क्‍क्‍याङ् कन् आङ्‌गाॽ आधिम्‍बेरो—आत्तिन् मनाःल्‍ले़ लायो चोगुॽ, खे़न् सिरो॥

आमोस 1:11

यहवे दाङ्‌बे़ल्‍ले़ अक्‍खे पाःत्तुरो, “एदोमरे़ सुम्‍सि कुलायोहाॽ इग्र लिसिए कुलायोहाॽरे़ चोगुल्‍ले़ आङ्‌गाॽ साॽरिक् आसिक् पोःक्‍मान् मे़घे़त्तुङ्‌ङिन्‍लो॥ खे़ल्‍ले़ के़रे़क् लुङ्‌माॽ तुक्‍मासि पाःन्‍निन् ले़रुदेसु हे़क्‍क्‍याङ् ताभेन् याङ्‌सिङ्‌ङाङ् कुन्‍साॽसि नाःत्तुसिबाल्‍ले़ चोगुल्‍ले़, हे़क्‍क्‍याङ् खे़ल्‍ले़ चक्‍मे़ल्‍लॽए कुसिक् पोगे़बा नु सदादिङ्‌ले़ लागि कुसाक्‍के़न्‍निन् पोगे़बाल्‍ले़ चोगुल्‍ले़,

२ सामुए़ल 24:16

यहवे दाङ्‌बाल्‍ले़ कुमाङ्‌लाइङ्‌बाल्‍ले़ यरुसले़ःम्‍मिन् मे़ङ्‌मारे़ लागि कुहुक्‍किन् फोःक्‍खु, हे़क्‍केःल्‍ले़ यहवे दाङ्‌बाल्‍ले़ मनाहाॽ खुम्‍मा कुनिङ्‌वाॽइन् नुःक्‍तुआङ् मना के़से़प्‍पा माङ्‌लाइङ्‌बान् मे़त्तु, “आल्‍ल याःक्‍तु, के़हुक् फोःक्‍खे़॥” खे़म्‍भे़ल्‍ले़ यहवे दाङ्‌बाल्‍ले़ कुमाङ्‌लाइङ्‌बे़न् याबुसि अरौनारे़ कुजा फुङ्‌मादे़न्‍नो ये़बे़॥

अयुब 12:10

के़रे़क् थक्‍साहाॽरे़ खुन्‍छिॽ हिङ्‌मन् खुने़ॽ कुहुक्‍को वाॽरो॥ के़रे़क् मनाहाॽरे़ खुन्‍छिॽ साःङ्‌गु सक्‍मान् खुने़ॽ कुहुक्‍को वाॽरो॥

यसैया 27:8

खुने़ॽ कुमनाहाॽ खुम्‍दिङ् पिमासि फाॽआङ् वेॽ लाजेॽओ मे़दे़म्‍सु मे़देॽरुसिर याःन्‍दुसिरो॥ नाङ्‌गे़न् पिसाङ्‌बा किप्‍मा के़घुबा साम्‍मिःत् केजङ्‌ङिल्‍ले़ हे़क्‍के खे़न्‍हाॽ मुःत्तुदेसुसिरो॥

यसैया 30:18

हे़क्‍केसाङ् यहवे दाङ्‌बे़ल्‍ले़ खे़निॽ लुङ्‌माॽ तुक्‍मा कुनिङ्‌वाॽ वाॽरो, खे़निॽ नुरिक् मे़त्‍छे़ खुने़ॽ मुत्‍थ्रिक् पोःक्‍लो॥ थेआङ्‌भे़ल्‍ले़ यहवे दाङ्‌बाङ्‌ग कुदोःप्‍मा खासे़न्‍लोःम्‍बा निङ्‌वाॽफुमाङ्‌लो खुने़ॽ कुलाम् ओगे़मे़प्‍पा के़रे़क् मुॽइसाबासिरो॥

यसैया 64:8

हे़क्‍केसाङ् आल्‍ल यहवे दाङ्‌बाए, खे़ने़ॽग आनिगे पानुदिङ् पाने़रो॥ आनिगे खाम्‍दिगे़, हे़क्‍क्‍याङ् खे़ने़ॽग कोम्‍भाःल्‍ल्‍याने़रो, के़रे़क् खे़ने़ॽ के़हुक्‍किल्‍ले़ याप्‍मि के़जोगे़बा याःम्‍बक्‍सिगे़रो॥