यसैया 57:15 - लिम्बु15 आङ्गाॽ के़रे़क्नुःल्ले़ थाःङ् के़युङ्बा, सेसे नु सदादिङ् के़वाॽबा निङ्वाॽफुमाङ्आरो॥ आङ्गाॽ के़रे़क्नुःल्ले़ केःम्बा नु सेसेबादे़न्नो युङ्ङारो कर याम्साम्मो नःम्नःम्बा नु लायोलाम् के़हिःन्छिङ्बाहाॽ आःन्छिङ्मा पिसे़आङ् खे़ङ्हाॽनु वाॽआरो॥ Gade chapit la |
यसैया 57:15
72 Referans Kwoze
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
थे खे़ने़ॽ निङ्वाॽ मे़ङ्घोए के़वाॽबि? थे खे़ने़ॽ मे़ङ्घे़म्मे के़वाॽबि? यहवे दाङ्बे़ङ्ग आभे़ल्ले़साङ् सदादिङ् के़वाॽबा निङ्वाॽफुमाङ्लो, इक्सादिङ् खाम्बेःक्मे़ल्ले़ कुनुप्मो थारिक् नावागे़न् चइःत् के़ने़बारो॥ खुने़ॽ मे़नाने़न्नाङ् कुसक्माआङ् मे़बुॽने़ल्लो, हे़क्क्याङ् हाःत्ले़आङ् खुने़ॽ कुसिक्कुम् निङ्वान् कुसिङ् निःप्मा मे़सुक्तुल्लो॥
पान् नुःक्मारे़ लागि खे़ने़ॽ के़निङ्वान् यारिप् पोःक्खे़ हे़क्क्याङ् आङ्गाॽ कन् लाजेन् नु कप्मोबा मनाहाॽरे़ खुन्छिॽ याःम्बेओ पाःत्तुङ्बा पाःन्हाॽ के़घे़प्सुआङ् निङ्वाॽफुमाङ्ङिल्ले़ कुदगि खे़ने़ॽ नःम्नःम्बा के़बोःक्खे़, हम्भ्याङ् आङ्गाॽ आदगि खे़ने़ॽ चुङ्जिगे़न् के़बोक्खे़आङ् खे़ने़ॽ के़जाङ्ङिन् के़धे़ःक्खुआङ् आङ्गाॽ आदगि मे़रिङ् के़धक्ते़बाल्ले़ चोगुल्ले़ खे़ने़ॽ के़बाःन्निन् आङ्गाॽ खे़प्सुङ्ङाङ् वाॽ, यहवे दाङ्बे़ल्ले़ उवा चोगुॽ॥
थेआङ्भे़ल्ले़ इक्सादिङ् खाम्बेःक्माल्ले़ नावागे़न् चइःत् पोःक्खे़आङ्धोए निङ्वाॽफुमाङ्ङिल्ले़ निमे़न्दे़प्मनाबा कुसुम्बोःन्—मे़न्नुप्मनाबा कुमुक्साम् नु निङ्वाॽफुगे़न् नोस्रङ्ङिन्—नुरिक्काङ् निदे़त्ते़आङ् वाॽरो॥ खे़ङ्हाॽग नावागे़न् चइःत् पोःक्खे़बा पाःन्हाॽलाम्मे नुरिक्काङ् कुसिङ् निःत्ते़त्ते़आङ वाॽरो॥ हे़क्केःल्ले़ मे़न्छाम् याप्मिहाॽरे़ मे़न्निःम्ना लाम्सिङ्मा पान् थेआङ् होप्लो॥
“हे़क्क्याङ् फिलादेल्फियाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् सेसे नु से़क्खाबा हे़क्क्याङ् दाउद हाङ्ङिल्ले़ कुदिमिक् के़गप्पे़ल्ले़ पाःत्तुबारो॥ खुने़ॽ हन्दुबान् हाःत्ले़आङ् सुप्मा मे़सुक्तुन्, हे़क्क्याङ् खुने़ॽ सुबुबान् हाःत्ले़आङ् हम्मा मे़सुक्तुन्लो॥
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
खिनिॽ थाङ्बे़न्सासे, सेसेहुप्लक्कोबा तुम्लाम्लोबाहाॽरे़ खुनिॽ युक्को वाॽमा पोङ्लो॥ खिनिॽ काक् चुङ्जिगे़न् नःम्नःम्बा पोःक्खे़म्मे़ॽआङ् नुरिक् मे़त्तासिम्मे़ॽ, थेआङ्भे़ल्ले़ साम्योसाप्लाओ साप्ते़आङ् पत्, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्गुम् पिरुसिॽरो॥”
खे़न् लिसि कुहिङ्वे़त् पाथुङ्साहाॽरे़ खुनिॽ नासिङ्गे़न् थक्को तुक्सि लाप्हाॽ मे़बत्छे़, हे़क्क्याङ् खुनिॽ नासिङ्गे़न् थक्किन् नु लाप्पिल्ले़ कुधिम् काक् पिसाङ् मिक् इस्सेःङ् पत्छे़रो॥ खे़ङ्हाॽ से़न्दिक् ले़न्दिक् चक्मे़ल्लॽए अक्खे मे़बाःत्तुर साम्मे़लोःॽ, “मुक्साम्दाङ्बा निङ्वाॽफुमाङ्ङिन् सेसे, सेसे, सेसेबा चोक्लो॥ खुने़ॽ उनाहुरिओ वये़, आल्लोआङ् वाॽ, हे़क्क्याङ् ताःन्दिआङ् तारो॥”
खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक् सुत्थो आजोक्! खुने़ॽ मे़न्नुप्मनाबा सेसेमाङ्लाम् कुसाङ् के़लबा सिदुङ्जभा पोङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् से़वा चोःक्मा आसुक्तुम्ल फाॽआङ् कुमाक्खिॽइल्ले़ सिमे़न्नो के़देॽबा याःम्बक्लाम् आनिॽ खासिङ्ङिन् सुत्थो चोगुॽरो॥
“दाङ्बाल्ले़ कुसेसे याम्साम्मिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्सान् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
इङ्घङ् के़साबाहाॽरे़ निःन्धो पाःन्निन् मे़मे़त्तुसिआङ् वाॽरो, सेसे मनाहाॽरे़ कुनुप्मा पाःन्निन् उवा मे़जोगुरो, हे़क्केलॽरिक् मनाहाॽरे़ खुन्छिॽ हाङ्जुम्हाॽओबा काक् युक्किन् के़रे़क्नुःल्ले़ यम्बा निङ्वाॽफुमाङ्ङिल्ले़ए कत्तु फाॽआङ् कुहिङ्वे़त्हाॽरे़ निङ्वाॽ मे़घोसुररो, हे़क्क्याङ् खुने़ॽ कुसिराॽ के़धाङ्बाहाॽ खे़न् हाङ्जुम्हाॽ पिरुसिरो मनाहाॽओ के़रे़क्नुःल्ले़ नःम्नःम्बाहाॽ खे़न् हाङ्जुम्हाॽओ फोःक्खुसिरो॥
खिनिॽ चाङ्ङिन् थे़ःक्खे़म्मे़ॽआङ्ग मेःन्दुक्लो, कर खिनिॽ निङ्वाॽओ लायोलाम् हिन्दे़म्मे़ॽओ हे़क्क्याङ् यहवे दाङ्बा खिनिॽ निङ्वाॽफुमाङ्ङो नुःक्खे़म्मे़ॽओ॥ थेआङ्भे़ल्ले़ खुने़ॽ कुलुङ्माॽ स्याःत् के़लॽबा, साॽरिक् के़नुॽबा, हारा कुसिक् मे़म्बोःक्मनाबा नु लुङ्माॽ आदुक्तुक्पा चोक्लो, खम्भ्याङ् खुने़ॽ तुक्खे लाक्खे तारुल्ले़ कुनिङ्वाॽ तुक्लो॥
मे़न्छाम् याप्मिए, आत्तिन् पाःन्निन् नुबा चोक्, खुने़ॽ खे़न् खे़ने़ॽ ओसेःन्गे़धाक्ते़आङ् वाॽरो॥ हे़क्क्याङ् यहवे दाङ्बे़ल्ले़ खे़ने़ॽलाम् थे़मा खोमा निङ्वाॽ चोगु? खे़ने़ॽ कुदोःप्मा याःम्बक् चोगे़ॽ, कम्भ्रक् निङ्वाॽ चोगुॽ हे़क्क्याङ् वेॽहाॽ लुङ्माॽ तुक्ते़से़ॽओ खे़ब्याङ् निङ्वाॽफुमाङ्ङिन्नु नःम्नःम्माङ् वये़ॽओ॥
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
Piblisite