यसैया 57:10 - लिम्‍बु

¹⁰ खिनिॽ के़जोगुम्‍बा याःम्‍बक्‍किल्‍ले़ चोगुल्‍ले़ आबाङे के़नासिरो, करसाङ् खिनिॽ हे़क्‍के चोःक्‍मा के़ल्‍ले़रुमिन्‍लो॥ याम्‍गे़सिङ्‌बा नावा इःत्‍लाहाॽरे़ सक्‍मा आबिरो हे़क्‍क्‍याङ् आफाल्‍ले़आङ् मे़न्‍धुम्‍ना आम्‍बोङ्‌ने़न् के़लॽरिरो॥”

यसैया 57:10 Referans Kwoze

यर्मिया 2:25

इस्राइलए, वेॽ साम्‍माङ्‌हाॽरे़ खुन्‍छिॽ एगाङ् एगाङ् लाङ्‌घेगे़ॽआङ् के़लाङ्‌ङिन् तुक्‍ल मे़याःन्‍दे़न्‍ने़ॽओ, हे़क्‍क्‍याङ् कुजाबोःप्‍मे़न् सर्गे़ङ् हेर मे़जोगे़न्‍ने़ॽओ॥ कर खे़ने़ॽ के़बाःत्तुॽ, ‘मेःन्! आङ्‌गाॽ खे़न् ले़प्‍मा मे़सुक्‍कान्‍लो॥ आङ्‌गाॽ वेॽ सुवाङ्‌समा माङ्‌साम्‍माङ्‌हाॽ आसिराॽ मे़धाङे़आङ् मे़वाॽरो॥ आङ्‌गाॽग खे़ङ्‌हाॽ नाःप्‍मा तिम्‍मासिए पोङ्‌लो॥’”

यर्मिया 18:12

“कर खे़ङ्‌हाॽरे़ अक्‍तङ्‌बा नुगप् के़म्‍बि, ‘आनिगे थेआङ् हे़क्‍के चोगुम्‍बे़? आहाॽ, आनिगे हे़क्‍के मे़जोगुम्‍बे़न्॥ आनिगे आबाङे निङ्‌वाॽ थाप्‍थाप् हादिङ् के़धक्‍पा नु ताक्‍के़भे़ॽबाए पोःक्‍खिगे़र वयिगे़रो॥’”

यर्मिया 5:3

यहवे दाङ्‌बाए खे़ने़ॽ से़क्‍खान् के़गोःत्तुरो॥ खे़ने़ॽ खे़ङ्‌हाॽ के़हिप्‍तुसिरो, कर खे़ङ्‌हाॽरे़ निङ्‌वाॽए मे़म्‍बिरुन्‍लो खे़ने़ॽ पे़दःक् थाम् के़मे़त्तुसि कर खे़ङ्‌हाॽ हुॽसिङ्‌मा मे़न्‍दे़न्‍दे़न्‍लो॥ खे़ङ्‌हाॽ हादिङ् के़धक्‍पा मे़बोःक्‍खे़रो हे़क्‍क्‍याङ् आबाङे लायोहाॽलाम् मे़न्‍नुःक्‍खे़न्‍लो॥

रोमि 7:9

तगि इङ्‌गाॽ साम्‌योथिम्‍मिन् कुसिङ् मे़न्‍निःत्ते वयाङ्‌ङिल्‍ले़ नुबा वये़, कर साम्‌योइङ्‌जाङ्‌ङिन् कुसिङ् निःत्तुङ्‌ङिल्‍ले़ इङ्‌गाॽ आहिङ्‌मन्‍नो लायोन् कुहिङ्‌वे़त् पोःक्‍खे़आङ् इङ्‌गाॽ स्‍याङ्‌लो॥

हबकुक 2:13

मुक्‍साम्‍दाङ्‌बा यहवे दाङ्‌बे़ल्‍ले़ कन् निःन्‍धो चोगुआङ् मे़वाॽने़म्‍बि? मनाहाॽरे़ स्‍याङ्‌मे़न्‍दाङ् मे़जोगुबान् मिःल्‍ले़ खाप्‍पु पोङ्‌लो, खे़ङ्‌हाॽरे़ मे़जोगुबान् थेनाधे हने़बा पोङ्‌लो॥

इजकिएल 24:12

कर कङ्‌ग थेनाधेरक् पोङ्‌लो, हिङ्‌धोःक्‍किन् इःङ्‌मादेमा सुक्‍मे़दे़त्‍ने़न्‍लो॥ खे़ल्‍ले़चोगुल्‍ले़ मिओ कन् लाप्‍फुसे़ॽओ॥

यर्मिया 9:5

खे़ङ्‌हाॽ के़रे़क्‍ले़ खुन्‍छिॽ चुम्‍हाॽ इङ्‌मे़ले़क्‍तुसिरो, आत्तिन्‍नाङ्‌ से़क्‍खा मे़म्‍बाःत्‍ने़न्‍लो॥ खे़ङ्‌हाॽरे़ खुन्‍छिॽ ले़स्‍सोःप्‍पान् इङ्‌ले़क् पाःप्‍मा मे़हुॽरुआङ् वाॽरो॥ खे़ङ्‌हाॽ लायो चोःक्‍मारे़ मे़नासे़आङ् मे़वाॽरो॥

यर्मिया 3:3

खे़ल्‍ले़चोगुल्‍ले़ चे़रे़ङ्‌नाम् थे़रे़ङ्‌नाम्‍बा पाङ्‌गे़न्‍दिङ् वहित्तिन् मे़ध्‍ये़ने़ल्‍लो, हे़क्‍क्‍याङ् हाङ्‌वामा ये़म्‍मो पाङ्‌गे़न्‍दिङ् वगेःक्‍माआङ् पप्‍मा नाॽरे़रो॥ खे़ने़ॽ के़नारान्‍नाङ् के़त्‍निमा कुइसिक् निदे़त्‍लो, खे़ने़ॽ के़नुःम्‍मा थेआङ् होप्‍लो॥

यर्मिया 2:36

खे़ने़ॽग के़ये़प्‍ले़क्‍किन् के़ले़क्‍खुरो हे़क्‍क्‍याङ् के़बाःप्‍पाःत् ना नु कत्‍ना के़वाॽरो खे़ने़ॽ मिस्ररे़आङ् इङ्‌ले़क्‍को के़धासे़रो, हे़क्‍केलॽरिक्‍के अस्‍सुरे़ल्‍ले़ खे़ने़ॽ निङ्‌साङ् पुक्‍मो के़धारो॥

यसैया 47:13

खे़ने़ॽ के़म्‍बिबा सुजाहाॽलाम् खे़ने़ॽ के़नासे़आङ् के़वाॽरो! खागे़इक्‍पाहाॽ, लाबा, नाम् खेःम्‍सिक्‍पा ओगे़मे़प्‍पाआङ् लाधक्‍मा ताःन्‍दि के़दाबा पान् के़बाःप्‍पाहाॽ मे़दाररो, हे़क्‍क्‍याङ् खे़ने़ॽ के़सम्‍धाङ् तामा के़इःप्‍पा पाःन्‍हाॽलाम् के़म्‍से़ःप्‍लरो॥