यसैया 55:9 - लिम्‍बु

⁹ ताङ्‌साङ्‌बे़न् इक्‍सा खाम्‍बेःक्‍नुःल्‍ले़ थाःङ् पत्‍लो, खे़म्‍भलॽरिक्‍के आङ्‌गाॽ आलाम्‍हाॽ हे़क्‍क्‍याङ् आङ्‌गाॽ इःत्तुङ्‌बा पाःन्‍हाॽ खिनिॽ के़इःत्तुम्‍बान्‍नुःल्‍ले़आङ् यम्‍बा चोक्‍लो॥

यसैया 55:9 Referans Kwoze

निङ्‌वाॽफु साम्‍लोसुम् 103:11

साङ्‌ग्राम्‍पेदाङ्‌ङिन् इक्‍सादिङ् खाम्‍बेःक्‍लाम् यरिक् चाङ्‌जाङ् लॽरो, हे़क्‍केलॽरिक्‍के खुने़ॽ मिङ्‌सो इङ्‌धाङ् के़बिबाहाॽ साॽरिक् लुङ्‌माॽ तुक्‍तुसिरो॥

मत्ति 11:25

खे़न् ये़म्‍मो ये़सुरे़ तुवा चोगु, “आम्‍बे, साङ्‌ग्राम्‍पेदाङ् नु इक्‍सादिङ् खाम्‍बेःक्‍माल्‍ले़ दाङ्‌बाए, इङ्‌गाॽ नोगे़न् पिने़, थेआङ्‌भे़ल्‍ले़ खे़ने़ॽग सिक्‍कुम्‍साबाहाॽ हे़क्‍क्‍याङ् चाःप्‍पाहाॽनु के़माॽरुबा पाःन्‍निन् हिन्‍जाॽ हे़क्‍तङ्‌बाहाॽ ओसेःन्‍गे़धाक्‍तुसिरो॥

निङ्‌वाॽफु साम्‍लोसुम् 77:19

वाभे़ल्‍ले़ङ्‌ङो लाङ्‌गे़घेगे़आङ् कुदिम्‍बे केःम्‍बा वरःङ्‌ङोलाम् के़बेरो, कर आत्तान्‍नाङ् के़लाङ्‌योक् निमे़दे़त्ते़ल्‍लो॥

निङ्‌वाॽफु साम्‍लोसुम् 36:5

यहवे दाङ्‌बाए, चक्‍मे़ल्‍लॽए मनाहाॽ लुङ्‌माॽ के़दुक्‍तुसिबा पाःन्‍निन् साङ्‌ग्राम्‍पेदाङ् थारिक् के़रे़आङ् वाॽरो॥ हे़क्‍क्‍याङ् नसाःन्‍साबा के़जोःक्‍पा पाःन्‍निन् ताङ्‌साक्‍पो थारिक् से़रे़आङ् वाॽरो॥

निङ्‌वाॽफु साम्‍लोसुम् 89:2

खे़ने़ॽग मनाहाॽ चक्‍मे़ल्‍लॽए लुङ्‌माॽ के़दुक्‍तुसिबान् आङ्‌गाॽ पाःत्तुङ्‌लो, हे़क्‍क्‍याङ् नसाःन्‍साबा के़जोःक्‍पा पाःन्‍निन् साङ्‌ग्राम्‍पेदाङ् कुइसिक् सदादिङ् वाॽ फाॽआङ् आङ्‌गाॽ इङ्‌भोसुङ्‌लो॥

२ सामुए़ल 7:19

यहवे दाङ्‌बे, हे़क्‍केसाङ् कन् के़रे़क्‍हाॽग खे़ने़ॽ के़निमाओ लत्‍छा चुक्‍पासा पाःन्‍लो॥ खे़ने़ॽ के़से़वारोबाल्‍ले़ कुहिम्‍सयङ्‌हाॽरे़ लागि के़बोङ्‌बा ताःन्‍दिबा पाःन्‍निन्‍ने के़बाःत्तुरो॥ यहवे दाङ्‌बा निङ्‌वाॽफुमाङ्‌ङे, खे़ने़ॽ मनाहाॽरे़ लागि सदादिङ् हाबा अक्‍खेए के़जोगुबि?

यसैया 14:24

मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुआङ् माङ्‌हे़क्‍सिङ्‌लो, “आङ्‌गाॽ निङ्‌सेःक् चोगुङ्‌ङाङ् के़वाॽबा के़रे़क् पाःन्‍हाॽ के़त्‍लो, आङ्‌गाॽ चोःक्‍मा निङ्‌वाॽ निःन्‍धो चोगुङ्‌बा कुइसिक् पोङ्‌लो॥

निङ्‌वाॽफु साम्‍लोसुम् 92:6

खासिङ् मे़न्‍निःप्‍मनाबाल्‍ले़ कन् पाःन्‍निन् कुसिङ् निःप्‍मा मे़सुक्‍तुन्‍लो, कन् पाःन्‍निन् अदङ् मनाःल्‍ले़ मे़ले़सुन् मे़निसुन्‍लो—