यसैया 55:12 - लिम्बु12 खिनिॽ निङ्वाॽ ताआङ् के़बेगिरो, हे़क्क्याङ् सनारुङ्ङाङ् लाम् के़म्लोसिरो॥ कोःक्मा फाङ्जङ् नु थे़गु माङ्वाहाॽ खिनिॽ पिसाङ् साम्मे़लोरो, खे़म्ब्याङ् ते़म्बेॽओ के़युङ्बा के़रे़क् सिङ्बुङ्हाॽरे़ हिप्ला मे़हिप्तुरो॥ Gade chapit la |
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
ताङ्साङ्बे, सःत्ते़ॽआङ् यम्बा इक्लाओ साम्लोरे़ॽओ, इक्सादिङ् खाम्बेःक्के, ये़ये़ लॽरे़ॽओ॥ कोःक्मा फाङ्जङ्से, खे़निॽ इक्लान् लःत्ते़म्मे़ॽआङ् साम्लोरे़म्मे़ॽओ! थेआङ्भे़ल्ले़ यहवे दाङ्बे़ल्ले़ आबाङे कुमना इस्राइलिहाॽ आःन्छिङ्मा पिरुसिआङ् वाॽरो, हे़क्क्याङ् तुक्खे के़दुम्बा खुने़ॽ कुमनाहाॽ लुङ्माॽ तुक्तुसिआङ् मे़वाॽरो॥
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
कोःक्मा फाङ्जङ्हाॽ मे़यक्खु हे़क्क्याङ् थे़गु माङ्वाहाॽ मे़घे़त्तुरो हे़क्केसाङ् आफाल्ले़आङ् मे़न्नुप्नाबा मिःम्जि मे़प्मा मे़ले़त्ने़ल्लो, आङ्गाॽ चोगुङ्बा सनारुङ्ले़न् माङ्हुप्पिन्नाङ् मे़ङ्गे़प्मनाबा मे़बोङ्ने़ल्लो,” खे़ने़ॽ लुङ्माॽ के़दुक्पा यहवे दाङ्बे़ल्ले़ पाःत्तुॽ॥
बेबिलोनलाम्बा लःन्दे़म्मे़ॽआङ् पेगे़म्मे़ॽओ, बेबिलोनबा मनाहाॽलाम् खे़त्तासिम्मे़ॽओ॥ के़सःप्पा इक्लाःल्ले़ अःक्ताम्मे़ॽर कन् पाःन्निन् उवा चोगे़म्मे़ॽओ॥ इक्सादिङ् खाम्बेःक्माल्ले़ नासमा कुयाओ थारिक् कन् पाःन्निन् चे़क्ताम्सिम्मे़ॽओ॥ “यहवे दाङ्बे़ल्ले़ आबाङे कुसे़वारोबा याकुबे़न् चोःक्युम्भो पिरुआङ् वाॽ” पाःत्ताम्मे़ॽओ॥
खे़प्मो के़युङ्बाहाॽरे़ नुगे़न् तोःम्मा साम्लोन् साम्मे़मे़त्तुरो हे़क्क्याङ् खुन्छिॽ निङ्वाॽ ताआङ् पसःत् मे़सःत्लो॥ आङ्गाॽ आहाङ्वा मुॽइःल्ले़ खे़ङ्हाॽ यरिक् चोगुङ्सिङ्लो॥ हे़क्क्याङ् खे़ङ्हाॽ सुःल्लिक् मे़म्बोङ्ने़ल्लो॥ आङ्गाॽ खे़ङ्हाॽ मिङ्सो इङ्धाङ् पिरुङ्सिङ्लो खे़ब्याङ् खे़ङ्हाॽ कुनामे़न्छाॽ मे़म्बोङ्ने़न्लो॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
सःप्मा एःप्मा नु निङ्वाॽ तामा इक्ला हे़क्क्याङ् ते़न्धाम् मेःक्खिम्मोबा चामुक् थिमुक्ले़ हयङ् किल्लिङ् के़घे़प्सुम्ॽ॥ मनाहाॽरे़ आङ्गाॽ आहिम्मो नुगे़न् तोःम्मा सिदुङ्जभाहाॽ मे़दारुआङ् मे़दाःल्ले़ खे़ङ्हाॽ साम्मे़लोबा साम्लोन् खिनिॽ के़घे़प्सुम्लो, “‘मुक्साम्दाङ्बा यहवे दाङ्बान् नुगे़न् पिरे़म्मे़ॽओ थेआङ्भे़ल्ले़ खुने़ॽ के़नुॽबा चोक्लो हे़क्क्याङ् खुने़ॽ सदादिङ् लुङ्माॽ तुक्तुसिरो॥’” “आङ्गाॽ कन् लाजेॽओबा नुॽमादामे़न् तगिबा हे़क्के चोगुङ् पिरुङ्सिङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
हे़क्क्याङ् केःम्बा सिङ्बुङ्ङिन् योयोक् के़आःप्पा नु ताङ्बा सिङ्बुङ्ङिन् केःम्बा के़जोःक्पा, आङ्गाॽ यहवे दाङ्बाआ फाॽआङ् के़रे़क् सिङ्बुङ्हाॽरे़ निङ्वाॽ मे़घोसुरो॥ सरेःक्याःप्पा सिङ्बुङ्ङिन् के़हेबा के़जोःक्पा नु के़हेबा सिङ्बुङ्ङिन् कुहिङ्वे़त् के़जोःक्पा आङ्गाॽएरो॥ आङ्गाॽ यहवे दाङ्बान् पाराङ्ङाङ् वाॽरो, खम्ब्याङ् आङ्गाॽ पाःत्तुङ्बान् चोगुङ्ङेरो!’”