यसैया 55:11 - लिम्बु11 हे़क्केलॽरिक्के आङ्गाॽ पाःत्तुङ्बा आबाःन्जाःक्किन्नाङ् पोङ्लो॥ खे़न् आबाःन्जाःक्किन् थेनाधे याङ्ना आङ्गाॽओ मे़नुःङ्ने़ल्लो, कर आङ्गाॽ चोःक्मा कोःत्तुङ्बा याःम्बक्किन् खे़ल्ले़ चोगुरो, खे़ब्याङ् आङ्गाॽ याःम्बक् चोःक्मारे़ लागि पाङ्घुङ्बान् खे़ल्ले़ कुलिङ्दो के़त्तुरो॥ Gade chapit la |
यसैया 55:11
29 Referans Kwoze
आनिगे निङ्वाॽफुमाङ्ङिन् चक्मे़ल्लॽए नोगे़न् पिरुम्बे़ॽरो, थेआङ्भे़ल्ले़ आनिगे निङ्वाॽफुमाङ्ङिल्ले़ कुसुनाइङ्ङिन् खिनिॽओ तारुम्बे़ल्ले़ खे़ङ्ग मे़न्छाम्गे़न् याप्मिरे़ खुनिॽ पाःन्जान् हे़क्के मेःन्, कर निङ्वाॽफु पाःन्जाक्किन् कुइसिःक्के खिनिॽ ते़न्दिङ् के़जोगुम्॥ आल्ल खिनिॽ नसान् के़जोःक्पाहाॽओ निङ्वाॽफुमाङ्ङिल्ले़ कुबाःन्जान्निन् याःम्बक् चोःक्नु याक्लो॥
“कङ्ग आङ्गाॽ आलागि नुहःल्ले़ कुये़म्मोबा ये़न्हाॽ कुसिक् लॽरो, थेआङ्भे़ल्ले़ इक्सादिङ् खाम्बेःक्मे़न् वदप्मे़ल्ले़ याम्मो मे़मे़ङ्ङान् फाॽआङ् माङ्हे़क् चोगुङ्ङाङ् वयाङ्लो, हे़क्केलॽरिक्के आल्लआङ्धो खे़ने़ॽनु आसाक्के़न् मे़भोङ्ङाल्लो, आङ्गाॽ खे़ने़ॽ आभे़ल्ले़आङ् मे़भे़ःक्ने़न् फाॽआङ् माङ्हे़क् चोगुङ्ङाङ् वाॽरो॥
“कर खुने़ॽ खाःम्मा नु तुक्खे थःप्पाङ्माग यहवे दाङ्बे़ल्ले़ कुनिङ्वाॽ वये़रो॥ यहवे दाङ्बे़ल्ले़ खुने़ॽ कुहिङ्मन्निन् खुने़ॽनु याम्मो तङ्मारे़ लागि वयागे़न् सिदुङ्जभा कुइसिक् चोगुरो॥ हे़क्केसाङ् खुने़ॽ कुमुॽइदाङ्साहाॽ निसुसिरो हे़क्क्याङ् खुने़ॽ कुधाक् चाॽरो॥ खे़ब्याङ् निङ्वाॽफुमाङ्ङिल्ले़ चोःक्मा निङ्वाॽ चोगुबा पाःन्हाॽ खुने़ॽलाम्बा कुलिङ्दो के़त्लो॥
“हे़क्क्याङ् खे़निॽनु आङ्गाॽ आमाङ्हुप्पिन् आम्भा कन् पोङ्ॽ॥ आङ्गाॽ आयाम्साम्मिन् खे़निॽ सम्धाङ् वाॽ, हे़क्क्याङ् आङ्गाॽ आबाःन्जाःक्किन् खे़निॽ मुराओ केःत्तुङ् पिनिङ्ङाङ् वाॽ, खे़न् आबाःन्जाःक्किन् खे़ने़ॽ के़म्ब्राओलाम्, खे़ने़ॽ के़स्सा के़एहाॽरे़ खुनिॽ मुराओलाम्, हे़क्क्याङ् खे़ङ्हाॽरे़ खुन्छिॽ साहाॽरे़ मुराओलाम् आल्लआङ्धो सदादिङ्ले़ लागि आभे़ल्ले़आङ् मे़माने़ल्लो॥”
“आङ्गाॽ यहवे दाङ्बान् पाराङ्ङाङ् वाॽ! ये़म्मिन् के़रे़आङ् वाॽ, हे़क्क्याङ् आङ्गाॽ एगाङ् मे़नुःङ्ङाङ्॥ आङ्गाॽ आनिङ्वाॽ मे़नुःक्ङान्ॽ, हे़क्क्याङ् खे़ने़ॽ आङ्गाॽ खे़ने़ॽ आलुङ्माॽ स्याःत् के़ल्लॽने़न्॥ खे़ने़ॽ के़जोगुबा फे़न्याःम्बक्हाॽरे़ कुले़क्वा आङ्गाॽ खासे़न् चोःक्ने़ॽ,” मुक्साम्दाङ्बा यहवे दाङ्बे़ल्ले़ पाःत्तुरो॥
आङ्गाॽ यर्मियालाम्बा पाःत्तुङ्बा के़रे़क् ये़त्तुक्खेहाॽ, इक्सादिङ् खाम्बेःक्मोबा मे़न्छाम् सुवाङ्हाॽरे़ खुन्छिॽ सम्धाङ् तारुङ्ॽ फाॽआङ् किबु लाम्सुङ्सिङ्ङाङ् वयाङ् इग्र कन् साप्पन्नो साप्ते़बा के़रे़क् ये़त्तुक्खेहाॽ बेबिलोन लाजेॽ सम्धाङ् तारुङ्ङाङ् आङ्गाॽ खे़न् खुम्दिङ् पिरुङ्ॽ॥
कर आङ्गाॽ आसे़वारोबाहाॽ, आङ्गाॽ आमाङ्निङ्वाॽपान् के़बाःप्पाहाॽ इङ्जाङ् पिरुङ्सिङ्बा आबाःन्जाःक्हाॽ नु आङ्गाॽ आइङ्जाङ्हाॽरे़ थे खिनिॽ पाधे़बाहाॽ मे़गाःक्तुसिन्नाङ् मे़वये़म्बि? खे़ब्याङ् लायोलाम् मे़हिन्दे़आङ् खे़ङ्हाॽरे़ मे़बाःत्तु, “मुक्साम्दाङ्बा यहवे दाङ्बे़ल्ले़ आनिगे सुत्ना नु ये़प्ले़क् कुइसिक् आनिगे थे़मा मे़प्मा निःन्धो चोगुआङ् वये़ खे़न् आनिगे़नु चोगुआङ् वाॽरो॥”
Piblisite