यसैया 53:6 - लिम्बु6 आनिॽ के़रे़क् लाम् के़बोःप्पा मे़ल्लुक्हाॽ हे़क्तङ्बा आवये़रो, आनिॽ आबाङे लाम्मो लाङ् आघेगे़रो, कर आनिॽ के़रे़क्ले़ आजोगुम्बा लायोन् यहवे दाङ्बे़ल्ले़ खुने़ॽ कुसम्धाङ् चुक्ते़र याःन्दुरो॥ Gade chapit la |
यसैया 53:6
25 Referans Kwoze
कुॽइगे़भे़म्बे़ल्ले़ आबाङे कुलाम्मिन् नाःप्मा नाॽरुररो हे़क्क्याङ् लायो के़जोःक्पाल्ले़ कुनिङ्वाॽओ इःत्तुबा पाःन्निन् ले़रुदेसुररो॥ खे़ब्याङ् यहवे दाङ्बा ले़प्साङ् नुःङ्लरो, हे़क्क्याङ् खुने़ॽ खे़न् लुङ्माॽ तुक्तुरो॥ आनिॽ निङ्वाॽफुमाङ् पिसाङ् खे़न् हिसिङ्लरो, हे़क्क्याङ् खुने़ॽ खे़न् साम्बान् मे़न्हुङ्ङे ले़प्मि पिरुरो॥
“कर खुने़ॽ खाःम्मा नु तुक्खे थःप्पाङ्माग यहवे दाङ्बे़ल्ले़ कुनिङ्वाॽ वये़रो॥ यहवे दाङ्बे़ल्ले़ खुने़ॽ कुहिङ्मन्निन् खुने़ॽनु याम्मो तङ्मारे़ लागि वयागे़न् सिदुङ्जभा कुइसिक् चोगुरो॥ हे़क्केसाङ् खुने़ॽ कुमुॽइदाङ्साहाॽ निसुसिरो हे़क्क्याङ् खुने़ॽ कुधाक् चाॽरो॥ खे़ब्याङ् निङ्वाॽफुमाङ्ङिल्ले़ चोःक्मा निङ्वाॽ चोगुबा पाःन्हाॽ खुने़ॽलाम्बा कुलिङ्दो के़त्लो॥
खे़ङ्हाॽग साॽरिक् खुन्छिॽ सिक्के़लाःक्पा कोःत्चोसिरो, खे़ङ्हाॽ आभे़ल्ले़आङ् मे़ङ्घाने़न्लो, खे़ङ्हाॽ खासिङ् मे़न्निःप्मनाबा मे़ःन्दा पित् के़गम्बासिरो॥ खे़ङ्हाॽ के़रे़क् आबाङे खुन्छिॽ लाम्मो लाङ्मे़घेःक्काङ् मे़वाॽरो, के़रे़क्ले़ आबाङे खुन्छिॽ नुबा के़बोङ्बा पाःन्हाॽरक् मे़गोःत्तुरो॥
थेनाधे मनाहाॽरे़ आङ्गाॽ मे़जिःत्तारो, खे़ङ्हाॽग निःप्मे़न्दे़त्ते आध्गेक् इनुःल्ले़ यरिक् मे़वाॽरो॥ थेनाधे आनिङ्मि के़बोङ्बाहाॽरे़ आदक्ले़ङ्वाओ इङ्ले़क् पाःन्हाॽ मे़बाःत्तुरो, खे़ङ्हाॽरे़ आङ्गाॽ से़प्मा मे़गोःत्तारो॥ आङ्गाॽ मे़ङ्घुःत्तेबा चिगक्वाहाॽ साक्के़ल्ले़क् नुःक्मा मे़बाङ्ङारो॥
कल्ले़चोगुल्ले़ आङ्गाॽ खुने़ॽ लत्छा मिङ्सो इङ्धाङ्ले़ युक्नादे़न् पिरुङ्लो, हे़क्क्याङ् मे़नाप्तुसिबा चिगक्वाहाॽ मुक्कुम्साबाहाॽनु खुने़ॽ कुलक् फःक्खुआङ् हाःत्तुसिरो, खुने़ॽ आबाङे ते़न्दे़आङ्ङे खुने़ॽ कुहिङ्मन्निन् सिदुङ्जभा चोगुरो, हे़क्क्याङ् लायोबाहाॽनु कुदङ्बा पोःक्खे़रो॥ खुने़ॽ यरिक् लायोबाहाॽरे़ खुन्छिॽ लायोहाॽ कुयुरो खे़ब्याङ् खे़ङ्हाॽरे़ ले़प्मि मे़घोसुर फाॽआङ् पेलि फाक्तुरो॥”
“आमनाहाॽ के़माबा मे़ल्लुक् मे़बोःक्खे़आङ् मे़वाॽरो, खे़ङ्हाॽरे़ खुन्छिॽ मे़ल्लुक्कम्बाहाॽरे़ खे़ङ्हाॽ लाम्मे़भोःत्छुसिआङ् मे़वाॽरो हे़क्क्याङ् कोःक्मा फाङ्जङ् थे़गु माङ्वाहाॽओ खे़ङ्हाॽ मे़मये़र मे़हिसु मे़देसुसिआङ् मे़वाॽरो॥ खे़ङ्हाॽरे़ खुन्छिॽ लाम्मिन् मे़मासु मे़देसुरो खे़ब्याङ् आप्फेक् मे़ल्लुक् लुप्पो नुःङ्मा तामारे़ लागि खुन्छिॽ लाम्मिन् निङ्वाॽ इःप्मा मे़न्छुक्तुन्लो॥
कर खे़ङ्हाॽरे़ आबाङे खुन्छिॽ लाम्मिन् मे़सेगुआङ् मे़वाॽरो खे़ब्याङ् खे़ङ्हाॽरे़ खुन्छिॽ याम्साम्मिन् आबाङे खुन्छिॽ सिक्के़ले़ःङ्बा याःम्बक्हाॽओ सःत्लो॥ कुम्बाबा पित् वयागे़न् सिदुङ्जभा के़जोःक्पे़ङ्ग मना के़से़प्पा हे़क्तङ्बारो॥ थुःम्बा वयागे़न् सिदुङ्जभा के़जोःक्पे़ङ्ग कोःत्चोःल्ले़ कुनिःङ्मा के़ए़ङ्बा कुइसिःक्लो॥ हाःत्ले़ कुजा सिदुङ्जभा तोःन्दुॽ, खे़ङ्ग फाक्किल्ले़ कुमाक्खिॽ के़दोम्बा कुइसिःक्लो॥ आत्तिल्ले़ साङ्सिङ् सुक्पा हाःन्दु, खे़ङ्ग नावाइत्ला से़वा के़मे़प्पा हे़क्तङ्बारो॥
Piblisite