यसैया 53:10 - लिम्बु10 “कर खुने़ॽ खाःम्मा नु तुक्खे थःप्पाङ्माग यहवे दाङ्बे़ल्ले़ कुनिङ्वाॽ वये़रो॥ यहवे दाङ्बे़ल्ले़ खुने़ॽ कुहिङ्मन्निन् खुने़ॽनु याम्मो तङ्मारे़ लागि वयागे़न् सिदुङ्जभा कुइसिक् चोगुरो॥ हे़क्केसाङ् खुने़ॽ कुमुॽइदाङ्साहाॽ निसुसिरो हे़क्क्याङ् खुने़ॽ कुधाक् चाॽरो॥ खे़ब्याङ् निङ्वाॽफुमाङ्ङिल्ले़ चोःक्मा निङ्वाॽ चोगुबा पाःन्हाॽ खुने़ॽलाम्बा कुलिङ्दो के़त्लो॥ Gade chapit la |
यसैया 53:10
62 Referans Kwoze
कर साम्योथिम्मिल्ले़ तारुबा खुम्दिङ्ङिल्ले़ कुमे़ल्लुङ्ङिन् ख्रिस्तरे़ हुङुआङ् आनिॽ आधे़ॽरे़रो॥ खुने़ॽ सिलाम्साक्मा सिङ्सम्दाङ् फोःन्छिङ्ङिल्ले़ खुने़ॽ आबाङे आनिॽ खुम्दिङ्ङिन् कुयुदेॽरुरो॥ थेआङ्भे़ल्ले़ साम्योसाप्लाओ साप्ते़आङ् पत्, “सिङ्सम्दाङ् के़भोःन्छिङ्बा के़सिबाङ्ग निङ्वाॽफुमाङ्ङिल्ले़ खुम्दिङ् पिरुबारो॥”
मुक्साम्दाङ्बा यहवे दाङ्बे़ल्ले़ उवा चोगुरो, “ताभेए! आमे़ल्लुक्कम्बे़ल्ले़ कुदक्ले़ङ्वाओ पोगे़ॽओ, खुने़ॽग निःत्ताङ्बा आन्जुम् आन्देङ्बारो॥ मे़ल्लुकम्बे़न् थे़क्तुक् साक्खाःक् हिप्ते़म्मे़ॽओ, हे़क्क्याङ् मे़ल्लुक्हाॽ फुत्छिङ्ज्याङ् मे़बोङ्लो, हे़क्क्याङ् आहुक्किल्ले़ चुजुक्साहाॽ साःप्सुङ्सिङ्लो॥
कल्ले़चोगुल्ले़ आङ्गाॽ खुने़ॽ लत्छा मिङ्सो इङ्धाङ्ले़ युक्नादे़न् पिरुङ्लो, हे़क्क्याङ् मे़नाप्तुसिबा चिगक्वाहाॽ मुक्कुम्साबाहाॽनु खुने़ॽ कुलक् फःक्खुआङ् हाःत्तुसिरो, खुने़ॽ आबाङे ते़न्दे़आङ्ङे खुने़ॽ कुहिङ्मन्निन् सिदुङ्जभा चोगुरो, हे़क्क्याङ् लायोबाहाॽनु कुदङ्बा पोःक्खे़रो॥ खुने़ॽ यरिक् लायोबाहाॽरे़ खुन्छिॽ लायोहाॽ कुयुरो खे़ब्याङ् खे़ङ्हाॽरे़ ले़प्मि मे़घोसुर फाॽआङ् पेलि फाक्तुरो॥”
खे़न्नुःल्ले़ग ख्रिस्तरे़ कुमाक्खिॽइल्ले़ आक्ख्याक् यरिक् सुत्थो आजोक्! खुने़ॽ मे़न्नुप्मनाबा सेसेमाङ्लाम् कुसाङ् के़लबा सिदुङ्जभा पोङ्से़ निङ्वाॽफुमाङ्ङो आबाङे तोःन्छिङ्लो॥ आजुनि निङ्वाॽफुमाङ्ङिन् से़वा चोःक्मा आसुक्तुम्ल फाॽआङ् कुमाक्खिॽइल्ले़ सिमे़न्नो के़देॽबा याःम्बक्लाम् आनिॽ खासिङ्ङिन् सुत्थो चोगुॽरो॥
खुने़ॽग वेॽ मानिङ्वाॽफुसाम्बा कुइसिक् थिक्याःन्धक् सिदुङ्जभा तोःम्मा मे़बोङ्ने़ल्लो॥ खे़ङ्हाॽरे़ग काक्नुःल्ले़ तगि आबाङे लायोहाॽरे़ लागि हे़क्क्याङ् मे़न्छाम् याप्मिहाॽरे़ खुनिॽ लायोहाॽरे़ लागि सिदुङ्जभा मे़जोगुरो॥ कर ये़सुरे़ग थिक्ले़ङ्माओ सिलाम्साक्मा सिङ्सम्दाङ् मनाहाॽरे़ खुनिॽ लायोन् ले़प्मि पिसे़ आबाङे तोःन्छिङ्ङाङ् सिदुङ्जभा पोःक्खे़रो॥
“खे़ने़ॽ के़मना नु के़सेसे ये़क्यक्किल्ले़ लागि फे़न्याःम्बक्किन् मे़ङ्से़, लायोन् नुम्से़, कुॽइगे़भे़म्बान् लायोलाम् ले़प्मि नाःक्से़, नुप्मे़न्दिङ् साम्योबा याःम्बक् ताःत्छे़, सुफो नु माङ्निङ्वाॽपान्निन् निःन्धो चोःक्से़ हे़क्क्याङ् साॽरिक् सेसेबादे़न्निन् माङ्थोःक्ना चोःक्से़ नुबोङ् ‘नुसिहाॽ’ इङ्जाङ् पोःक्खे़आङ् वाॽ॥
आङ्गाॽ आसे़वारोबा याकुबे़न् पिरुङ्बा, खे़ङ्हाॽरे़ खुन्छिॽ पाधे़बाहाॽ मे़युङे़बा लाजेॽओ खे़ङ्हाॽ मे़युङ्॥ खे़ङ्हाॽ नु खे़ङ्हाॽरे़ खुन्छिॽ साहाॽ, खे़ङ्हाॽरे़ खुन्छिॽ एगाङ्, खे़ङ्हाॽरे़ खुन्छिॽ मे़न्छाॽहाॽ, थाःक्हाॽरे़ खुन्छिॽ एगाङ् थाःक्हाॽ सदादिङ् आभे़ल्ले़साङ् खे़प्मो मे़युङ्ॽ॥ हे़क्क्याङ् आङ्गाॽ आसे़वारोबा दाउदे़न् सदादिङ् खे़ङ्हाॽरे़ खुन्छिॽ हाङ् पोङ्ॽ॥
खे़ङ्हाॽ मे़त्ते़से़ॽ, ‘आङ्गाॽ कुहिङ्वे़त् वाॽआबा कुइसिक्, मुक्साम्दाङ्बा यहवे दाङ्बे़ल्ले़ पाःत्तुॽ, ताक्के़भे़ॽबा मनाहाॽ मे़सिःल्ले़ आङ्गाॽ मे़सःत्तान्॥ खे़ङ्हाॽ खुन्छिॽ कुॽइभे़म्मा लाम्हाॽओनु मे़नुःङ्ल के़लॽबारक् आङ्गाॽ निङ्वाॽ चोगुङ्ॽ हे़क्केलॽरिक् खे़ङ्हाॽ हिङ्मा मे़सुक्ल॥ इस्राइलबा मनासे! हिआसिम्मे़ॽ! खिनिॽ कुॽइभे़म्मा लाम्मोनु नुःक्खे़म्मे़ॽ, खिनिॽ थेआङ् के़स्ये़ॽइबाबे?’
हाङ्ङिल्ले़ कुमिङ्ङिन् आभे़ल्ले़साङ् तिःत्लरो, नाम्मिन् ओःप्पा कुइसिक् चक्मे़ल्लॽए खुने़ॽ कुमिङ्सो कुधाःङ्सो पोङ्लरो॥ के़रे़क् मे़न्छाम् याप्मिहाॽरे़ खुने़ॽलाम्बा हाङ्वागे़न् मुॽइसाम् मे़घोसुरो, हे़क्क्याङ् खुने़ॽ मुॽइसाम् पिरुर फाॽआङ् इक्सादिङ् खाम्बेःक्मोबा मे़न्छाम् सुवाङ्हाॽरे़ ले़न्दिक् नाम्धाधा निङ्वाॽफुमाङ्ङिन् पेलि मे़भाक्तुररो॥
खे़ल्ले़चोगुल्ले़ निङ्वाॽफुमाङ्ङिल्ले़ के़उःत्तिबा हिङ्मन्नो सुम्बोधासाबा के़बोःक्खिनि, हे़क्क्याङ् खिनिॽ नोनिङ्वाॽसोक्, नसाःन्, नु के़जोगुम्बा नोयाःम्बक्हाॽ खुने़ॽ कुमुक्साम्मिल्ले़ कुलिङ्दो के़गे़त्ति के़बिरिनि फाॽआङ् आप्फाल्ले़साङ् चक्मे़ल्लॽए खिनिॽ निङ्वाॽ इःत्तासिगे़र खिनिॽ याःम्बोओ तुवा चोगुम्बे़ॽरो॥
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
आङ्गाॽ पाःत्तुङ्, “आङ्गाॽ साॽरिक् याःम्बक्क चोगुङ्लो, कर खे़न् हने़ पोःक्खे़रो॥ आङ्गाॽ थेनाधे नु हने़ याःम्बुधिक् चोगुङ्लो, हे़क्केसाङ् आङ्गाॽ थे खोमा के़बोङ्बा वाॽ, खे़न् निङ्वाॽफुमाङ्ङिल्ले़ कुहुक्को वाॽरो, खे़ब्याङ् आङ्गाॽ आघोमा आहाङ्से़म्मिन् निङ्वाॽफुमाङ्ङिल्ले़ कत्तुरो॥”
Piblisite