यसैया 53:1 - लिम्‍बु

¹ मनाहाॽरे़ नुगप् मे़बिरुसिरो, “आनिगे इङ्‌घङ्‌ङिन् हाःत्‍ले़ नसान् चोगुआङ् वाॽबे? हे़क्‍क्‍याङ् यहवे दाङ्‌बे़ल्‍ले़ कुमुक्‍साम्‍मिन् हात् ओःन्‍मे़धाक्‍तुआङ् वाॽबे?

यसैया 53:1 Referans Kwoze

युहुन्‍ना 12:38

कङ्‌ग माङ्‌निङ्‌वाॽपान् के़बाःप्‍पा यसैयाःल्‍ले़ अक्‍खे पाःत्तुबान् के़रे़बारो— “यहवे दाङ्‌बे, हाःत्‍ले़ आनिगे इङ्‌घङ्‌ङिन् नसान् चोगुबे? हे़क्‍क्‍याङ् यहवे दाङ्‌बाल्‍ले़ कुमुक्‍साम्‍मिन् आत्तिन् ओसेःन्‍दाङ् चोगुबे?”

१ कोरन्‍थि 1:18

सिलाम्‍साक्‍मा सिङ्‌ङिल्‍ले़न् सुनाइङ्‌ङिङ्‌ग के़मे़क्‍पार के़बेःक्‍पाहाॽरे़ खुनिॽ लागि अदङ् पाःन्‍लो, कर आनिॽ से़न्‍लप् के़घोबार के़बप्‍पाहाॽरे़ लागिग निङ्‌वाॽफुमाङ्‌ङिल्‍ले़ कुमुक्‍साम्‍लो॥

युहुन्‍ना 1:12

कर खुने़ॽ नसान् के़जोःक्‍पाहाॽ नु निङ्‌वाॽओ के़दाःक्‍पाहाॽ के़रे़क् निङ्‌वाॽफुमाङ्‌ङिल्‍ले़ कुमुॽइदाङ्‌सा पोङ्‌मा युक् पिरुसिरो॥

मत्ति 16:17

ये़सुरे़ खे़न् मे़त्तु, “योनारे़ कुस्‍सा सिमोने, खे़ने़ॽग मुॽइसाबाने़रो थेआङ्‌भे़ल्‍ले़ कङ्‌ग मे़न्‍छाम् याप्‍मिहाॽरे़ ओसेःन्‍दाङ् के़म्‍जोगे़बा मेःन्, कर साङ्‌ग्राम्‍पेदाङ्‌ङोबा पानुदिङ् आम्‍बारे़ खे़ने़ॽ ओसेःन्‍दाङ् के़जोगे़बारो॥

मत्ति 11:25

खे़न् ये़म्‍मो ये़सुरे़ तुवा चोगु, “आम्‍बे, साङ्‌ग्राम्‍पेदाङ् नु इक्‍सादिङ् खाम्‍बेःक्‍माल्‍ले़ दाङ्‌बाए, इङ्‌गाॽ नोगे़न् पिने़, थेआङ्‌भे़ल्‍ले़ खे़ने़ॽग सिक्‍कुम्‍साबाहाॽ हे़क्‍क्‍याङ् चाःप्‍पाहाॽनु के़माॽरुबा पाःन्‍निन् हिन्‍जाॽ हे़क्‍तङ्‌बाहाॽ ओसेःन्‍गे़धाक्‍तुसिरो॥

१ कोरन्‍थि 1:24

कर निङ्‌वाॽफुमाङ्‌ङिल्‍ले़ उःत्तुसिबा ने़प्‍माङ् यहुदि नु ग्रिक सुवाङ्‌हाॽरे़ लागि ख्रिस्‍ते़ङ्‌ग निङ्‌वाॽफुमाङ्‌ङिल्‍ले़ कुमुक्‍साम् नु कुसिक्‍कुम् निङ्‌वाॽरो॥

यसैया 40:5

हे़क्‍क्‍याङ् यहवे दाङ्‌बे़ल्‍ले़ कुमिमिदिङ् ओसेःन्‍धाङ् मे़जोगुरो, खे़ब्‍याङ् के़रे़क् मे़न्‍छाम् याप्‍मिहाॽरे़ खे़न् थिक्‍ले़ङ्‌ले़ सोरिक् मे़निसुरो, थेआङ्‌भे़ल्‍ले़ यहवे दाङ्‌बे़ल्‍ले़ए पाःन्‍निन् पाःत्तुआङ् वाॽरो॥’”

यसैया 52:10

यहवे दाङ्‌बे़ल्‍ले़ आबाङे कुसेसे मुक्‍साम्‍मिन् ओसेःन्‍धाङ् चोगुरो, खुने़ॽ कुमनाहाॽ ताङ्‌से़ःप्‍तुसिरो हे़क्‍क्‍याङ् खे़न् इक्‍सादिङ् खाम्‍बेःक्‍मोबा के़रे़क् मे़न्‍छाम् याप्‍मिहाॽरे़ मे़निसुरो॥

यसैया 51:9

पोगे़ॽओ, पोगे़ॽओ, यहवे दाङ्‌बाए, हे़क्‍क्‍याङ् आभाॽरे़ॽओ! के़मुक्‍साम्‍मिन् ओगप्‌ चोगे़ॽआङ् आनिगे आभाॽरे़ॽओ! उनाहुरिबा ये़म्‍मो ओगप्‌ के़जोगुबा हे़क्‍केए पोगे़ॽओ, राहाब आजाजाबे़न् स्‍याक् स्‍याक् के़भुॽबान् खे़ने़ॽएरो, खे़ब्‍याङ् खे़न् असेःक्‍किन् फ्‍याक् लस्‍सुर के़धुबुरो॥

युहुन्‍ना 1:7

काक् मे़न्‍छाम्‍गे़न् याप्‍मिहाॽरे़ खे़न् से़न्‍दाङ्‌गे़न् ओःत्तिःन् नसान् मे़जोगुर फाॽआङ् खे़न् ओःत्तिःल्‍ले़ कुयाःम्‍बेओ तोःन्‍दि पिसे़ खुने़ॽ त्‍ये़बारो॥

यसैया 62:8

यहवे दाङ्‌बे़ल्‍ले़ लत्‍छा यम्‍बा माङ्‌हुप् चोगुआङ् वाॽरो हे़क्‍क्‍याङ् खुने़ॽ आबाङे कुमुक्‍साम्‍मिल्‍ले़ खे़न् के़त्तुरो, “आल्‍लआङ्‌धो खे़ने़ॽ के़जाहाॽ के़निङ्‌मिहाॽ मे़बिआसिङ्‌ङिल्‍लो हे़क्‍क्‍याङ् वेॽ लाजेॽबा मनाहाॽरे़ खे़ने़ॽ के़जे़ल्‍ले़क्‍सेॽ थिन् मे़ङ्‌घोसुन्‍लो॥

लुका 18:31

ये़सुरे़ थिक्-ने़त् (१२) कुहुॽसाम्‍बाहाॽ थिक्‍ले़प्‍माङ् तेॽरुसिआङ् मे़त्तुसि, “आल्‍ल खे़प्‍से़म्‍मे़ॽओ, आनिॽग यरुसले़म थो आबेःक्‍ल आबत्‍लो॥ खे़प्‍मो उन्‍छेःन्‍बा माङ्‌निङ्‌वाॽपान् के़बाःप्‍पाहाॽरे़ मे़न्‍छाम्‍साःल्‍ले़ कुयाःम्‍बेओ मे़साप्‍तुबा के़रे़क् पाःन्‍निन् के़त्‍लो॥

यसैया 59:16

आत्तिन्‍हाॽआङ् मे़होःप्‍ले़त्‍छ फाॽआङ् खुने़ॽ निसुरो, हे़क्‍क्‍याङ् पाःन्‍दङ्‌साबा हाःत्ताङ् मे़होप्‍ते़बाल्‍ले़ चोगुल्‍ले़ साॽरिक् कुनिङ्‌वाॽ मये़रो॥ कल्‍ले़चोगुल्‍ले़ खुने़ॽ आबाङे कुमुक्‍साम्‍मिल्‍ले़ खे़ल्‍ले़ लागि से़न्‍लप् तारुरो, खे़ब्‍याङ् खुने़ॽए कुसाम्‌योबा याःम्‍बक्‍के़ल्‍ले़ खे़न् तक्‍तुरो॥