सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
यसैया 51:9 - लिम्बु9 पोगे़ॽओ, पोगे़ॽओ, यहवे दाङ्बाए, हे़क्क्याङ् आभाॽरे़ॽओ! के़मुक्साम्मिन् ओगप् चोगे़ॽआङ् आनिगे आभाॽरे़ॽओ! उनाहुरिबा ये़म्मो ओगप् के़जोगुबा हे़क्केए पोगे़ॽओ, राहाब आजाजाबे़न् स्याक् स्याक् के़भुॽबान् खे़ने़ॽएरो, खे़ब्याङ् खे़न् असेःक्किन् फ्याक् लस्सुर के़धुबुरो॥ Gade chapit la |
यसैया 51:9
40 Referans Kwoze
खे़न् ये़न्नो यहवे दाङ्बे़ल्ले़ किप्मा के़घुबा हे़क्क्याङ् कुमुक् के़याक्पा नु यम्बा ताभेःल्ले़ खे़न् खइक् खइक् के़इक्सिङ्बा के़उःङ्सिङ्बार लाङ्गे़घेःक्पा, वरःङ्ङो के़याक्पा आजाजाबा लिब्याताने़न् पाक्ले़ पाक्ले़ च्ये़प्तुरो, खे़ब्याङ् वरःङ्ङो खे़न् के़वे़ःङ्सिङ्बाआङ् के़युङ्बा असेःक्पे़न् खुम्दिङ् पिरुआङ् स्ये़रुरो॥
आङ्गाॽ आसाम्योबा पाःन्हाॽ हारा निःत्ताङ् तारो, आङ्गाॽ आसे़न्लप्पिन् लाम्मोसा तार पत्लो, हे़क्क्याङ् आङ्गाॽ आमुक्साम्मिल्ले़ मे़न्छाम् सुवाङ्हाॽओ खासे़न् तारुङ्लो॥ वरःङ्ङिल्ले़ कुयाओ के़युङ्बाहाॽरे़ आङ्गाॽ ओमे़मे़त्तारो, खे़ब्याङ् आङ्गाॽ आमुक्साम्मो खे़ङ्हाॽरे़ लाम् ओमे़मे़त्तुरो॥
गिदोनरे़ खे़न् मे़त्तु, “आदाङ्बे, खे़प्से़ॽओ, यहवे दाङ्बे़न् से़क्खाए आनिगे़नु वाॽने़भग्र कन् के़रे़क् पाःन्हाॽ आनिगे थेआङ् तुमुम्बे़बे? खे़न् के़रे़क् निङ्वाॽ के़माबा खुने़ॽ कुयाःम्बक्हाॽ थे़मा पोःक्खे़बे, आनिगे पाधे़बाहाॽलाम् खे़न् खे़म्सुम्बे़आङ् वाॽ, खे़ङ्हाॽरे़ अक्खे मे़बाःत्तुआङ् वये़, ‘थे यहवे दाङ्बे़ल्ले़ मिस्र लाजेॽलाम् आनिॽ आलःत्ते़ आभे़त्ते़बा मेःम्बि?’ कर आल्लग यहवे दाङ्बे़ल्ले़ आनिॽ आनाॽरे़आङ् वाॽ, हे़क्क्याङ् मिद्यानिहाॽरे़ खुन्छिॽ हुक्को आनिॽ हुक्आसुप्ते़ आदेसे़आङ् वाॽ॥”
यहवे दाङ्बा खिनिॽ निङ्वाॽफुमाङ्ङिल्ले़ खिनिॽ लागि मिस्र लाजेॽओ चोगुबा कुइसिक् आत्तिन् माङ्ङिल्ले़ कुसुवाङ्ङिन् वेॽसमा सुवाङ्लाम् लःत्तुसिआङ् आप्फेक् कुमना चोगुसिआङ् वाॽबे? खिनिॽए मिक् तगि खुने़ॽ पयम् यम्बा कुमुक्साम्मिन् नु कुमुक्किन् ओगप् चोगु॥ खुने़ॽ पयम् यम्बा माङ्दुक्मा नु ते़न्धङ् पोगे़र याःन्दु, ने़हिनिङ्वाॽरे़ मे़न्धाप्मनाबा नु निङ्वाॽ के़माबा याःम्बक्हाॽ चोगुआङ् किप्मा के़घुबा पाःन्हाॽ पोःक्खे़र याःन्दु॥
“कल्ले़चोगुल्ले़ इस्राइलिहाॽ मे़त्ते़से़ॽ, ‘आङ्गाॽ यहवे दाङ्बाआ, आङ्गाॽ खिनिॽ ताङ्से़ःप्निङ्ॽ हे़क्क्याङ् मिस्रिहाॽरे़ योक् के़म्जोगिबालाम् से़न्ने़निङ्ॽ॥ आङ्गाॽ मुक्साम्साबा आहुक्किल्ले़ साःप्सुङ्सिङ्ङाङ् मिस्रिहाॽ किप्मा के़घुबा खुम्दिङ् पिरुङ्सिङ् हे़क्क्याङ् खिनिॽ ताङ्से़ःप्निङ्ॽ॥
खे़ङ्हाॽरे़ पयम् यम्बा तुक्खेवा वरःङ्ङिन् मे़लस्सुरो, खे़ङ्हाॽरे़ वाभे़ल्ले़ङ्हाॽ चिजि ये़म्ये़म् मे़जोगुरो हे़क्क्याङ् निल वहःङ्ङोबा केःम्बा कुदिम्बेहाॽ चप्तुलाःत्लो॥ अस्सुररे़ यम्बा कुहे़न्छिङ्मा कुआङ्दिङ्ङिन् यो मक्थारो हे़क्क्याङ् मिस्ररे़ कुहाङ् तक्काःत्तिन् माबेःक्लो॥
Piblisite