यसैया 51:6 - लिम्बु6 खे़निॽ आबाङे मिक्किन् हन्दे़म्मे़ॽआङ् थाःङ् ताङ्साङ्बो ओमये़म्मे़ॽओ, हे़क्क्याङ् यो इक्सा खाम्बेःक्किन् ओमे़त्ते़म्मे़ॽओ॥ ताङ्साङ्बे़न् मिःक्खोॽ हे़क्के माबेःक्लो, खे़ब्याङ् इक्सादिङ् खाम्बेःक्किन् चाङ्देत् कुसिङ् कुद्रे़क् पोङ्बेःक्लो॥ खे़म्ब्याङ् खे़प्मो के़युङ्बाहाॽ सिजा कुइसिक् मे़सिरो, कर आङ्गाॽ आसे़न्लप्पिन् सदादिङ् आभे़ल्ले़साङ् वाॽरो, आङ्गाॽ आसाम्योबा पाःन्निन् आभे़ल्ले़आङ् मे़मे़क्ने़ल्लो॥ Gade chapit la |
यसैया 51:6
27 Referans Kwoze
ताङ्साङ्बो के़बप्पा के़रे़क् खेःम्सिक्पाहाॽ मे़मा मे़बेःक्लो, हे़क्क्याङ् ताङ्साङ्बान् किप्नाबा साप्ला थङ्मान् हे़क्के कित्छिङ् पेःक्लो॥ चे़ल्ले़क्सेल्ले़ कुबुङ्ङोनु इगे़ले़म्बा कुभे़क्वाहाॽ मुत्थाबा हे़क्के खे़म्ब्याङ् पएप्पाल्ले़ कुबुङ्ङोनु इगे़सुॽबा कुजाॽहाॽ मुत्थाबा हे़क्के ताङ्साङ्बोबा खेसे-खेःम्सिक्पाहाॽ मक्मे़धारो॥
खे़निॽ मिक्किन् थाःङ् फोःक्खाम्मे़ॽआङ् ताङ्साङ्बे़न् ओमे़त्ते़म्मे़ॽओ, कङ्हाॽ के़रे़क् हाःत्ले़ चोगुबाबे? थे खुने़ॽए मेःम्बि, खुने़ॽ खेःम्सिक्पाल्ले़ कुबन्ज्याङ्माहाॽ थिक्थिक् चोगु तारुसिरो हे़क्क्याङ् के़रे़क् थिक्थिक् लॽरिक् मिङ् लोःक्तुसिआङ् उःत्तुसिरो॥ खुने़ॽ पयम् यम्बा कुमुक्साम् नु मुक्साम्साबा कुमुक्किल्ले़ चोगुल्ले़ खे़ङ्हाॽओ लत्छाआङ् मे़म्माने़ल्लो॥
“खे़ने़ॽ के़मना नु के़सेसे ये़क्यक्किल्ले़ लागि फे़न्याःम्बक्किन् मे़ङ्से़, लायोन् नुम्से़, कुॽइगे़भे़म्बान् लायोलाम् ले़प्मि नाःक्से़, नुप्मे़न्दिङ् साम्योबा याःम्बक् ताःत्छे़, सुफो नु माङ्निङ्वाॽपान्निन् निःन्धो चोःक्से़ हे़क्क्याङ् साॽरिक् सेसेबादे़न्निन् माङ्थोःक्ना चोःक्से़ नुबोङ् ‘नुसिहाॽ’ इङ्जाङ् पोःक्खे़आङ् वाॽ॥
बा खे़ल्ले़चोगुल्ले़ निङ्वाॽफुमाङ्ङिल्ले़ माङ्हे़क् चोगुबा मे़न्नुप्मनाबा लक्किन् उःत्तुसिबाहाॽरे़ मे़घोसुर फाॽआङ् ख्रिस्ते़न् कुसङ् माङ्हुप्ले़न् पाःन्दङ्साबारो, थेआङ्भे़ल्ले़ खे़ङ्हाॽरे़ थिक्सिगेःक्समा माङ्हुप्पिल्ले़ कुदक्ले़ङ्वाओ मे़जोगुबा लायोलाम् खे़ङ्हाॽ थे़ॽमासि फाॽआङ् खुने़ॽ स्ये़बारो॥
कोःक्मा फाङ्जङ्हाॽ मे़यक्खु हे़क्क्याङ् थे़गु माङ्वाहाॽ मे़घे़त्तुरो हे़क्केसाङ् आफाल्ले़आङ् मे़न्नुप्नाबा मिःम्जि मे़प्मा मे़ले़त्ने़ल्लो, आङ्गाॽ चोगुङ्बा सनारुङ्ले़न् माङ्हुप्पिन्नाङ् मे़ङ्गे़प्मनाबा मे़बोङ्ने़ल्लो,” खे़ने़ॽ लुङ्माॽ के़दुक्पा यहवे दाङ्बे़ल्ले़ पाःत्तुॽ॥
“कङ्ग आङ्गाॽ आलागि नुहःल्ले़ कुये़म्मोबा ये़न्हाॽ कुसिक् लॽरो, थेआङ्भे़ल्ले़ इक्सादिङ् खाम्बेःक्मे़न् वदप्मे़ल्ले़ याम्मो मे़मे़ङ्ङान् फाॽआङ् माङ्हे़क् चोगुङ्ङाङ् वयाङ्लो, हे़क्केलॽरिक्के आल्लआङ्धो खे़ने़ॽनु आसाक्के़न् मे़भोङ्ङाल्लो, आङ्गाॽ खे़ने़ॽ आभे़ल्ले़आङ् मे़भे़ःक्ने़न् फाॽआङ् माङ्हे़क् चोगुङ्ङाङ् वाॽरो॥
Piblisite