यसैया 51:5 - लिम्बु5 आङ्गाॽ आसाम्योबा पाःन्हाॽ हारा निःत्ताङ् तारो, आङ्गाॽ आसे़न्लप्पिन् लाम्मोसा तार पत्लो, हे़क्क्याङ् आङ्गाॽ आमुक्साम्मिल्ले़ मे़न्छाम् सुवाङ्हाॽओ खासे़न् तारुङ्लो॥ वरःङ्ङिल्ले़ कुयाओ के़युङ्बाहाॽरे़ आङ्गाॽ ओमे़मे़त्तारो, खे़ब्याङ् आङ्गाॽ आमुक्साम्मो खे़ङ्हाॽरे़ लाम् ओमे़मे़त्तुरो॥ Gade chapit la |
कुत्चाॽए वागप्खाम्मो के़युङ्बाहाॽरे़ खुने़ॽ ओमे़मे़त्तुरो, तगि ले़ङ्हङ् के़जोःक्पा यम्बा वालाधाहाॽ मे़ये़प्लो॥ यहवे दाङ्बा खे़ने़ॽ के़निङ्वाॽफुमाङ्ङिल्ले़ लागि, इग्र इस्राइलबा सेसे निङ्वाॽफुमाङ्ङिल्ले़ कुमिङ्सो इङ्धाङ्ले़ लागि खे़ङ्हाॽरे़ खे़ने़ॽ के़स्सा ये़म्बित्छा मे़न्छुमाहाॽ खुन्छिॽ साम्म्याङ् युप्पानु सोरिक् माःङ्घा माःङ्घालाम् मे़दारुसिरो॥ थेआङ्भे़ल्ले़ खुने़ॽ कुहाङ्वा कुमाङ्वारे़ के़गाप्ते़आङ् वाॽरो॥
यहवे दाङ्बे़ल्ले़ कुदक्ले़ङ्वाओ के़बोक्पाहाॽ के़रे़क् मे़मे़क्लो॥ खुने़ॽ थो साङ्ग्राम्पेदाङ् लाम्बानु हुःक्ल खे़ङ्हाॽ फे़ःक्तुसिरो, इक्सादिङ् खाम्बेःक्मान् के़रे़क् पिसाङ् यहवे दाङ्बे़ल्ले़ खासे़न् चोगुरो॥ खुने़ॽ सेगुबा हाङ्ङिन् मुक्साम् पिरुरो, हे़क्क्याङ् खुने़ॽ आबाङे सेःन्दुबा हाङ्ङिन् थङ् के़नाःम्बा चोगुरो॥”
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
खे़ने़ॽ के़दक्ले़ङ्वाओ मे़जोगुबा आक्तङ्बा फे़जुम्भे़यारे़आङ् खे़ने़ॽ नाःम्मा के़न्छुक्ने़ल्लो, हे़क्क्याङ् खे़ने़ॽ आप्तिक् के़गुःप्पा मनाहाॽ खे़ने़ॽ याङ्ना आप्तिक् के़गुःत्तुसिरो॥ कङ्ग यहवे दाङ्बे़ल्ले़ कुसे़वारोबाहाॽरे़ खुन्छिॽ लागि याङ्सा कुन्धेरे़न् लक्लो, खे़ब्याङ् आङ्गाॽलाम् खे़ङ्हाॽरे़ खुन्छिॽ आप्तिक् मेःन्नेबा पर्माःङ्गि हाबा कन्लो॥’”
आत्तिन्हाॽआङ् मे़होःप्ले़त्छ फाॽआङ् खुने़ॽ निसुरो, हे़क्क्याङ् पाःन्दङ्साबा हाःत्ताङ् मे़होप्ते़बाल्ले़ चोगुल्ले़ साॽरिक् कुनिङ्वाॽ मये़रो॥ कल्ले़चोगुल्ले़ खुने़ॽ आबाङे कुमुक्साम्मिल्ले़ खे़ल्ले़ लागि से़न्लप् तारुरो, खे़ब्याङ् खुने़ॽए कुसाम्योबा याःम्बक्के़ल्ले़ खे़न् तक्तुरो॥