यसैया 51:12 - लिम्बु12 यहवे दाङ्बे़ल्ले़ पाःत्तुॽ, “खिनिॽ हाङ्हाङ्वा के़बिबाङ्ग आङ्गाॽएरो, याःन्सुङ् हे़क्के इगे़ले़म्बाआङ् के़सिबा के़बेःक्पा मनाहाॽनु खे़निॽ थेआङ् के़गिसिबाबे? Gade chapit la |
यसैया 51:12
37 Referans Kwoze
“यहवे दाङ्बे़ल्ले़ से़क्खासाङ् यरुसले़म के़युङ्बाहाॽ हाङ्हाङ् मे़त्तुसिरो, हे़क्क्याङ् खुने़ॽ खे़न् के़लुःम्बा हिम्यःक्हाॽ लुङ्माॽ तुक्तुआङ् ओमे़त्तुरो॥ खे़ब्याङ् खे़प्मोबा मुरे़क् खारे़क्पा ये़ःङ्घादे़न्निन् अदन सिङ्सेॽइक्के़न् कुसिङ् चोगुरो, हे़क्क्याङ् चा मे़न्नुॽमनाबा खाम्बेःक्के़न् यहवे दाङ्बे़ल्ले़ कुसिङ्सेॽइक् हे़क्के चोगुरो॥ पसःत् सःप्मा नु निङ्वाॽ तामा, हे़क्क्याङ् नुगे़न् पिमा नु साम्लोमारे़ इक्लान् खे़ॽयो खोदे़त्लो॥
ताङ्साङ्बे, सःत्ते़ॽआङ् यम्बा इक्लाओ साम्लोरे़ॽओ, इक्सादिङ् खाम्बेःक्के, ये़ये़ लॽरे़ॽओ॥ कोःक्मा फाङ्जङ्से, खे़निॽ इक्लान् लःत्ते़म्मे़ॽआङ् साम्लोरे़म्मे़ॽओ! थेआङ्भे़ल्ले़ यहवे दाङ्बे़ल्ले़ आबाङे कुमना इस्राइलिहाॽ आःन्छिङ्मा पिरुसिआङ् वाॽरो, हे़क्क्याङ् तुक्खे के़दुम्बा खुने़ॽ कुमनाहाॽ लुङ्माॽ तुक्तुसिआङ् मे़वाॽरो॥
यहवे दाङ्बे़ल्ले़ पाःत्तुरो, “खिनिॽ यङ्मा किमाओ के़धाबा कन् माङ्हाॽ हाःत्छिआङ् आङ्गाॽ इङ्ले़क् पान् याप्मि के़मे़त्ति खे़ब्याङ् सगप् याप्मि निङ्वाॽ के़भेःत्छिबाबे? थे आङ्गाॽ कन् पाःन्हाॽरे़ कुयाःम्बेओ यरिक् ये़म् थारिक् स्वाःत् युङ्ङाबाल्ले़ चोगुल्ले़ आङ्गाॽ मिङ्सो इङ्धाङ् पिमा याप्मि के़ले़रे़बाबि?
“नासिगे़न् थक्ला के़गप्पा मे़न्छाम् याप्मिए, खे़ने़ॽ खे़ङ्हाॽनु इग्र खे़ङ्हाॽरे़ खुन्छिॽ पाःन्निन्नु मे़गिसे़न्ने़ॽ॥ खे़ङ्हाॽरे़ खुन्छिॽ यङ्मासे़प्मा पाःन्निल्ले़ खे़ने़ॽ सिक्वाःल्ले़ के़सिक्पा नु तिङ्ङिल्ले़ के़लक्पा हे़क्क्याङ् ताङ्साक्खे़बक्पाहाॽरे़ के़म्सिक्पा हे़क्के लॽसाङ् मे़गिसे़न्ने़ॽ॥ खे़ङ्हाॽ पिफ्युङ्बासिसाङ् खे़ङ्हाॽरे़ खुन्छिॽ नामाक्मालाम् खे़ने़ॽ के़निङ्साङ् मे़बुगे़न्ने़ॽ॥
Piblisite