यसैया 50:7 - लिम्बु7 कर आङ्गाॽ सिरिङ्ममा मे़बोङ्ने़ल्लो, थेआङ्भे़ल्ले़ यहवे दाङ्बा निङ्वाॽफुमाङ्ङिल्ले़ फाॽआरो॥ कल्ले़चोगुल्ले़ आङ्गाॽ आनारान् थिङ्धिङ् मे़त्तुङ्लो, कुनिङ्वाॽ इसिःक् चोःक्मा निङ्सेक् चोगुङ्लो, खे़ब्याङ् आङ्गाॽ आना मे़धाने़न् फाॽआङ् आङ्गाॽ निसुङ्लो॥ Gade chapit la |
यसैया 50:7
21 Referans Kwoze
यहवे दाङ्बे़ल्ले़ अक्खे पाःत्तुरो— “सुये़म्मो आङ्गाॽ खे़ने़ॽ नुगप् पिने़रो, हे़क्क्याङ् से़न्लप् पिमा ये़न्नो आङ्गाॽ खे़ने़ॽ फाॽने़रो॥ चिजि खक्खक् के़बोङ्बा इस्राइलबा लाजेन् याम्मो फोङ्मारे़ लागि हे़क्क्याङ् खे़न् लाजेःल्ले़ आबाङे कुन्दाङ्बाहाॽ याम्मो नुःक्मा पिमासिरे़ लागि आङ्गाॽ खे़ने़ॽ से़ःप्ने़ कत्ने़रो खे़ब्याङ् मनारे़ लागि आङ्गाॽ खे़ने़ॽ माङ्हुप् चोःक्ने़रो,
यर्मियाए, खे़प्से़ॽओ आइन् लत्छा लिमा सुक्मे़न्दे़प्मनाबा हाङ्यक् हे़क्तङ्बा के़धुम्बा चोःक्ने़आङ् वाॽरो खे़न् ये़क्यक्किङ्ग फे़न्जेॽ सित्लाङ् इग्र कासाःल्ले़न् लुङ्धाक् हे़क्तङ्बा चोक्लो यहुदाबा हाङ्हाॽ, सुहाङ्युक्पाहाॽ, निङ्वाॽफुसाम्बाहाॽ हे़क्क्याङ् मनाहाॽलुम्मो खे़ने़ॽ के़रे़क् लाजेःल्ले़ कुदक्ले़ङ्वाओ थधप् मे़ल्लॽए के़ये़प्लो॥
“मे़गिसे़न्ने़ॽ, खे़ने़ॽ सिरिङ्ममो थामा मे़बोङ्ने़ल्लो, कुनामे़न्छाॽ के़म्मे़त्ते़ल्ले़ मे़ङ्गिओ, खे़ने़ॽ चुक्मा के़म्बोङ्ने़ल्लो॥ खे़ने़ॽ के़वे़न्ने़ल्ले़बा नुःम्मे़न् निङ्वाॽ के़भेःत्छुरो, हे़क्क्याङ् मेमेदुमा के़बोःक्खे़बा इङ्दोन् खे़ने़ॽ याम्मो आभे़ल्ले़आङ् निङ्वाॽ के़न्इःत्तुल्लो॥
“इक्सादिङ् खाम्बेःक्मोबा मे़न्छाम् सुवाङ्से, खिनिॽ के़रे़क्ले़ खे़प्से़म्मे़ॽओ॥ इक्सादिङ् खाम्बेःक्मो नु खे़प्मो के़युङ्बासे, खिनिॽ के़रे़क्ले़ सिङ्सिङ् ये़क्ये़क्काङ् खे़प्से़म्मे़ॽओ॥ हे़क्केलॽरिक् यहवे दाङ्बे़न् कुसेसे हिम्मोलाम्, यहवे दाङ्बा निङ्वाॽफुमाङ्ङिन्ने खिनिॽ तक्ले़ङ्वाओ तोःन्दि पोङ्लरो॥
खे़ने़ॽ के़लागि हाङ्हाॽ पानुदिङ् पा हे़क्के हे़क्क्याङ् हाङ्माहाॽ मा हे़क्के कम्ब्राङ् के़मे़प्पा मे़बोङ्लो॥ खे़ङ्हाॽरे़ खे़ने़ॽ खाम्बाङ्ङो थारिक् अःक्खुम् मे़भन्छिङ्ङाङ् से़वा के़म्मे़त्लो, हन्नाङ् नःम्नःम्बा मे़बोङ्ङाङ् मिङ्सो इङ्धाङ् के़म्बिरो॥ हे़क्केलॽरिक् यहवे दाङ्बाआ फाॽआङ् खे़ने़ॽ निङ्वाॽ के़घोसुरो, आङ्गाॽ आलाम् ओगे़मे़प्पाहाॽ निङ्वाॽ तुक्मो मे़न्धाने़ल्लो॥”
Piblisite