यसैया 50:10 - लिम्बु10 खे़निॽओ हाःत्ले़ यहवे दाङ्बे़न् मिङ्सो इङ्धाङ् पिरुबे? हे़क्क्याङ् आत्तिल्ले़ खुने़ॽ कुसे़वारोबे़ल्ले़ कुबाःन्निन् खे़प्सुबे? ओःत्ति मेःन्ने खामाक्मो लाङ्गे़घेःक्पे़ल्ले़ यहवे दाङ्बान् ताःक्पो चोगुररो, हे़क्क्याङ् आबाङे कुनिङ्वाॽफुमाङ्ङो कुनिङ्वान् युक्खुररो॥ Gade chapit la |
यसैया 50:10
45 Referans Kwoze
खम्भ्याङ् यहवे दाङ्बे़न्नु के़गिबाहाॽ ताॽमे़जे़क्खे़, हे़क्क्याङ् यहवे दाङ्बे़ल्ले़ खे़ङ्हाॽरे़ खुन्छिॽ पाःन्निन् सिङ्सिङ् ये़क्ये़क्काङ् खे़प्सु॥ यहवे दाङ्बे़न्नु के़गिबाहाॽ हे़क्क्याङ् खुने़ॽ कुमिङ्ङिन् इङ्धाङ् के़बिबाहाॽरे़ खुन्छिॽ निङ्वाॽसोक् किप्मनाबा साप्लाथःङ्मो खुने़ॽ कुदगिए मे़साप्तु॥
खे़ब्याङ् खे़ङ्हाॽ तानाम् आन्देन् मे़बोगे़आङ् तकोबा मुरे़क् खारे़क् थेआङ् के़होप्पा ये़ःङ्घादे़न्नो मे़बे॥ खे़ङ्हाॽ मे़लःन्दे़ मे़बेःल्ले़ ये़म्सिङ्ङाङ् यहोसापातरे़ मे़त्तुसि, “यहुदाबा नु यरुसले़मबा यक्युङ्बासे, आङ्गाॽ आबाःन्निन् खे़प्से़म्मे़ॽ! यहवे दाङ्बा खिनिॽ निङ्वाॽफुमाङ्ङिन् नसान् के़जोगुम्बाओ खिनिॽ थधप् मे़ल्लॽए पत्छे़म्मे़ॽ, हे़क्क्याङ् खुने़ॽ खिनिॽ के़दक्ति के़भत्छिॽ॥ खुने़ॽ कुमाङ्निङ्वाॽपान् के़बाःप्पाहाॽ नसान् चोगे़म्सिम्मे़ॽ, खम्भ्याङ् खिनिॽ कुलिङ्दो के़गे़प्पा के़बोक्खिरो॥”
आनिगे निङ्वाॽफुमाङ्ङे, थे आदाङ्बारे़ खे़ङ्हाॽ खासे़न् के़न्जोगुसिन्बि? थेआङ्भे़ल्ले़ आनिगे लाजेन् थङ्ङो फप्मारे़ लागि के़भे़म्बार के़बप्पा कन् यरिक् थक्सुबा सुम्हाॽनु थक्मा आनिगे मुक्साम् थे़माआङ् मे़गत्तुम्बे़न्॥ आनिगे थे चोःक्मा के़बोङ्बा खे़न् आनिगे मे़निसुम्बे़न्, कर आनिगे मिक्के़ल्ले़ आदाङ्बा ओमे़त्तासिगे़ॽ॥”
कल्ले़चोगुल्ले़ कुदोःप्मा खासे़न्निन् आनिॽलाम् माःङ्घा पोःक्खे़आङ् वाॽरो॥ साम्योबा पाःन्निल्ले़ आनिॽ सिॽमा आन्छुक्ने़न्लो आनिॽ खागे़ओःप्पा लाम्मिन् ओआमे़त्तुम्लो, कर के़रे़क् खागे़माक्पा चोक्लो॥ ओःत्तिःल्ले़ लाम्मिन् आहक्सुम्लो, कर माक्स्दिःङ्ग्याःप्पा खामाक्मो लाङ्आघेःक्लो!
से़न्दिक् आङ्गाॽ आसक्मा साम्मिल्ले़ खे़ने़ॽ के़हङ्लो, तानाम् आङ्गाॽ आयाम्साम्मिल्ले़ खे़ने़ॽ चाहाब् के़जोःक्लो॥ हे़क्क्याङ् खे़ने़ॽ के़घासे़न्निन् इक्सादिङ् खाम्बेःक्को ओसेःन्धाङ् पोङ्लो, खे़ब्याङ् इक्सादिङ् खाम्बेःक्कोबा मे़न्छाम् सुवाङ्हाॽरे़ साम्योबा पाःन्हाॽ मे़हुॽसिङ्लो॥
खे़न् एगाङ् नबुकदनेसररे़ मे़त्तुसि, “सद्रक, मेसक नु अबेद्नगोरे़ खुन्छिॽ निङ्वाॽफुमाङ्ङिल्ले़ कुनारा पोररो, खुने़ॽ कुमाङ्लाइङ्बे़न् पाङ्घुआङ् कुसे़वारोबाहाॽ ताङ्से़ःप्तुसि॥ खे़ङ्हाॽरे़ खुने़ॽ नसान् मे़जोगु, खे़ङ्हाॽ आङ्गाॽ आइङ्जाङ्ङिन् खे़म्मा मे़न्दे़न्दे़न् हे़क्क्याङ् खुन्छिॽ हिङ्मे़न् आप्फेक् के़साक्पो मे़धासु॥ खे़ङ्हाॽरे़ खुन्छिॽ आप्फेक् निङ्वाॽफुमाङ्ङिन्नाङ्धो वेॽ आत्तिन् माङ्ङिन्नाङ् साबन् मे़भन्छिङ्ङाङ् माङ्से़वा मे़म्मे़त्तुन्॥
खे़ब्याङ् यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्ङिल्ले़ हाग्गैन् पाङ्घुबाल्ले़ चोगुल्ले़, सालतिएलरे़ कुस्सा यरुबाबेल, यहोसादाकरे़ कुस्सा तुम् निङ्वाॽफुसाम्बा यहोसुन् नु के़वाॽबा के़याःक्पा के़रे़क् मनाहाॽरे़आङ् यहवे दाङ्बा खुन्छिॽ निङ्वाॽफुमाङ्ङिल्ले़ कुइक्लान् हे़क्क्याङ् माङ्निङ्वाॽपान् के़बाःप्पा हाग्गैःल्ले़ कुइङ्घङ्ङिन् मे़इःत्तु मे़नाःत्तु॥ खम्भ्याङ् मनाहाॽ यहवे दाङ्बे़न्नु मे़गिसे़रो॥
Piblisite