यसैया 50:1 - लिम्बु1 यहवे दाङ्बे़ल्ले़ अक्खे पाःत्तुरो, “आङ्गाॽ नाजङ्सक् साप्तुङ्पिरुङ्बाल्ले़ चोगुल्ले़ के़म्मा मे़बाङ्सु मे़देसुआङ् वये़बाबि? इग्र आङ्गाॽ आत्तिन् सिङ्नात्साबे़ल्ले़ कुहुक्को खे़निॽ सङ्निङ्बे? मेःन्लो, खे़निॽ लायोहाॽरे़ चोगुल्ले़ खे़निॽ के़म्सङ्सिबारो, हे़क्क्याङ् खे़निॽ माःन्नाङ् खे़निॽ लायोल्ले़ चोगुल्ले़ माःङ्घा मे़बाङ्सुबारो॥ Gade chapit la |
यसैया 50:1
27 Referans Kwoze
वेॽ यहुदिहाॽ हे़क्के आनिगे़आङ् यहुदि थाःक्सिगे़॥ आनिगे साहाॽआङ् खे़ङ्हाॽरे़ खुनिॽ साहाॽ कुइसिक् नुबा नु लुङ्माॽ के़दुक्पा मे़जोक् हे़क्केसाङ् आनिगे आबाङे साहाॽ योःक्पा योःक्मा चोःक्मासिआङ् सङ्मासि पोःक्खे़आङ् वाॽ॥ कर कुभा आनिगे मे़न्छुमा साहाॽ तगिए योःग्मा मे़बोःक्खे़आङ् मे़वाॽ॥ आनिगे प्याङ्सिगे़न् इक्ताप् नु चे़ल्ले़क्सेॽ इक्ताप्हाॽ मे़नाप्ति मे़देॽरिगे़आङ् आनिगे थेआङ् चोःक्मा मे़न्छुक्मनाबा पोःक्खिगे़आङ् वयिगे़॥”
माङ्निङ्वाॽपान् के़बाःप्पाहाॽओबा थिक्पारे़ कुमेःत्तिल्ले़ एलिसान् फे़ःक्तुआङ् मे़त्तु, “आदाङ्बारे़ के़से़वारोबा आङ्गाॽ आये़म्बान् मासिङ्घे़रे़॥ खुने़ॽ यहवे दाङ्बे़न् साॽरिक् मिङ्सो इङ्धाङ् पिरुआङ् वये़बा पाःन्निन् आदाङ्बारे़ के़निसुआङ्ङे वाॽ॥ कर आल्ल आङ्गाॽ ने़प्फु आस्सा ये़म्बित्छाहाॽ तेॽमासिआङ् योग्बा चोःक्मासिरे़ लागि खुने़ॽ कुसिङ्नात्साबे़न् तार पत्॥”
यहवे दाङ्बे़ल्ले़ अक्खे पाःत्तुॽ, “कुभा मनाःल्ले़ आबाङे कुमेःत्तिन् नाॽरुरो हे़क्क्याङ् खे़न् मे़न्छुमाःल्ले़ खुने़ॽ ले़रुआङ् वेॽ ये़म्बित्छाःन्नु मेःक्खिम् चोगुरो हे़क्केने़भग्र खे़न् मनाःल्ले़ याम्मो खे़न् मे़न्छुमान् हिम्मो नुःक्मा ताःप्मा मे़सुक्तुन्लो॥ हे़क्के चोःक्माल्ले़ के़रे़क् लाजेन् चिःन्जिन् के़घुबा पोङ्लो॥ कर इस्राइलए, खे़ने़ॽ यरिक् के़धाङ्बे़न्हाॽनु के़बोःत्ते़रो हे़क्क्याङ् याम्मो आङ्गाॽओ नुःङ्मा तामा निङ्वाॽ के़जोगुरो!”
खे़ङ्हाॽरे़ खुन्छिॽ ये़म्बित्छा नु मे़न्छुमा साहाॽ मिओ मिधिङ्मनादेमनाबा सिदुङ्जभा मे़जोगुसि॥ खे़ङ्हाॽरे़ थुम्म्या मे़इसु, हे़क्क्याङ् कित्चाक् मे़जोगु, खम्भ्याङ् यहवे दाङ्बे़ल्ले़ कुनिमो आत्तिन् पाःन्निन् ताप्फे़ःम्बा चोगे़ खे़न् चोःक्मारे़ लागि खुन्छिॽ आप्फेक् मे़सङ्सिङ्ङाङ् खुने़ॽ कुसिक् मे़भोःक्खु॥
थेआङ्भे़ल्ले़ आङ्गाॽ नु आङ्गाॽ आसुवाङ्हाॽ मे़ङ्मारे़ लागि, से़प्मारे़ लागि नु वरे़ङ्ले़ङ् मिङ्ङे मामा पिमारे़ लागि मे़सङ्घिगे़आङ् वयिगे़॥ आनिगे, ये़म्बित्छा नु मे़न्छुमा के़रे़क् योक् पोङ्मारे़ लागिरक् मे़सङ्घिगे़बा पान् वये़ल्ले़ग आङ्गाॽ स्वाःत् मे़म्बाःत्ते वयाङ्बा वये़॥ थेआङ्भे़ल्ले़ खे़म्म्याक्लक् पाःन्निल्ले़ग पयम् हाङ्ङिन् तुक्खे चाःप्मा मे़लाॽरुम्बा वये़॥”
के़रे़क् आसुत्थो मना हे़क्तङ्बा पोःक्खिगे़आङ् वयिगे़रो, हे़क्क्याङ् आनिगे साम्योबा याःम्बक्हाॽ के़रे़क् चिःन्जिःन् के़घुबा कुद्रे़क् चाङ् हे़क्तङ्बा पोःक्खे़आङ् वाॽरो॥ आनिगे के़रे़क् ते़त्लाफे़क्वा कुइसिक् इले़मिघे़रिगे़रो, हे़क्क्याङ् आनिगे लायोल्ले़ सुरित् केजङ्ङिल्ले़ हे़क्के पक्खि तेॽरिगे़रो॥
Piblisite