यसैया 5:7 - लिम्बु7 मुक्साम्दाङ्बा यहवे दाङ्बे़ल्ले़ कुजे़ल्ले़क्सेॽ इक्किङ्ग इस्राइलबा हिम्सयङ्लो, हे़क्क्याङ् यहुदाबा मनाहाॽग खुने़ॽ कुयाम्नाःम्मिल्ले़ सिङ्सेॽ इक्लो॥ खुने़ॽग नुबा खासे़न् पोङ् के़लॽबा निङ्साङ् चोगुरो, कर माक्खिॽ वरक् पोःक्खे़रो, साम्योबा पोङ् के़लॽबा निङ्साङ् चोगुरो, कर तुक्खेलाक्खे नु मे़रिङ् पोःक्खे़रो॥ Gade chapit la |
यसैया 5:7
47 Referans Kwoze
“खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽ इक्ताप्पोलाम् नाम्सुना, सःप्फा नु हिम्चे़म्भे़न् हे़क्तङ्बा मारुक्हाॽरे़न्नाङ् थिबोङ्लक् निङ्वाॽफुमाङ्ङिन् के़बिरुम्, कर नुःरिक्काङ् खासे़न् के़न्जोगुम्सिम्मिन्, वेॽ मनाहाॽ लुङ्माॽ के़न्दुक्तुम्सिम्मिन्, हे़क्क्याङ् नसान् के़न्जोगुम्मिन्लो॥ कन् नाःप्माए के़बोङ्बा साम्योथिम्बा पाःन्हाॽ के़न्नाःत्तुम्मिन्लो॥ खिनिॽग थिबोङ्लक् निङ्वाॽफुमाङ्ङिन् के़बिरुम्मिल्ले़ कन् नुःरिक्काङ् खासे़न् चोःक्मा, वेॽ मनाहाॽ लुङ्माॽ तुक्मासि नु नसान् चोःक्मा के़लॽबा साम्योथिम्मोबा नाःप्माए के़बोङ्बा पाःन्हाॽआङ् चोगे़म्मे़ॽओ॥
मे़न्छाम् याप्मिए, आत्तिन् पाःन्निन् नुबा चोक्, खुने़ॽ खे़न् खे़ने़ॽ ओसेःन्गे़धाक्ते़आङ् वाॽरो॥ हे़क्क्याङ् यहवे दाङ्बे़ल्ले़ खे़ने़ॽलाम् थे़मा खोमा निङ्वाॽ चोगु? खे़ने़ॽ कुदोःप्मा याःम्बक् चोगे़ॽ, कम्भ्रक् निङ्वाॽ चोगुॽ हे़क्क्याङ् वेॽहाॽ लुङ्माॽ तुक्ते़से़ॽओ खे़ब्याङ् निङ्वाॽफुमाङ्ङिन्नु नःम्नःम्माङ् वये़ॽओ॥
खे़न् मनाःल्ले़ खे़न् यान् मयुरो हे़क्क्याङ् खे़ॽयोबा लुङ्हाॽ खप्सुआङ् लाप्फुसुरो, हे़क्क्याङ् खे़ॽयो के़रे़क्नुःल्ले़ नुबा चे़ल्ले़क्सेःन् लेःत्तुरो॥ खे़न् चे़ल्ले़क्सेॽ इक्किल्ले़ कुलुम्मो लत्छा याक्माहिम्धिक् चोगुरो खे़ब्याङ् याक्पेःल्ले़ कुबेसाङ् लत्छा चे़ल्ले़क्सेॽ एःम्मादे़न् थिक्काङ् चोगुरो॥ हे़क्क्याङ् के़लिम्बा चे़ल्ले़क्सेॽ थोःक्पिला फाॽआङ् खे़ल्ले़ निङ्साङ् चोःक्मा हेःक्तुरो कर खे़ॽयोग के़सुःप्पा चे़ल्ले़क्सेॽनि थोःक्ते़रो॥
कल्ले़चोगुल्ले़ दाङ्बे़ल्ले़ सियोने़ल्ले़ कुस्सा मे़न्छिन्हाॽरे़ खुन्छिॽ थे़गेःक्को याङ्घेःक्के— याङ्घेःक्किल्ले़ थिम्सु पिरुसिरो॥ हे़क्क्याङ् यहवे दाङ्बे़ल्ले़ पयम् यम्बा माङ्दुक्मान् पाङ्घु तासुरो हे़क्क्याङ् खे़ङ्हाॽरे़ खुन्छिॽ थे़गेःक्मुरिक्हाॽ लिगोॽ लुःक्पेःक्ल याःन्दुसिरो॥”
मु नु थाःङ् थे़गेःक्पोनु लाङ्दाप्पेओ थारिक् याङ्घेःक् मे़म्बप्मनाबादे़न् आत्तिआङ् होप्लो॥ के़गाःम्बै के़गाःम्बा, ते़ःम्भुक्किल्ले़ हिप्मनाबा कबहाॽ हे़क्क्याङ् के़गिबा याङ्घेःक्हाॽरक् पत्लो॥ खे़न् याङ्घेःक्हाॽ मे़न्यॽए इमे़ङ्घेःङ्ङे पत्लो, खे़ब्याङ् निःङ्गेःल्ले़आङ् चुन्जुम्बा पोङ्ल फाॽआङ् मे़न्आम्मे वाॽरो॥
सिङ्सिङ् ये़क्ये़क् लॽरे़म्मे़ॽ! सिङ्नात् ले़प्मा तङ्बेन् तामा इःत्ते़आङ् वाॽ फाॽआङ् निङ्वाॽ चुक्पा के़जोगुम्माङ् याङ्गे़साॽबा आप्फेक् फुॽनुसाॽहाॽ फाॽमासि के़न्दे़न्दिन्ने़भग्र, खे़न् याङ्गे़साॽबे़ल्ले़ खिनिॽ तक्ले़ङ्वाओ यहवे दाङ्बाओ पेलिगे़न् तुवा चोगुॽ, हे़क्क्याङ् लायोबा आप्तिक्को के़ध्ये़ॽइ॥
यहवे दाङ्बे़ल्ले़ मे़त्तु, “मिस्र लाजेॽओ आङ्गाॽ आमनाहाॽ साॽरिक् ताप्फे़ःल्लिक् मे़मे़त्तुसिआङ् तुक्खे मे़जाःत्तुसिर मे़याक्, खे़न् आङ्गाॽ निसुङ्ङाङ् वाॽ॥ याःम्बक्को मना के़भम्बा मिस्रिहाॽरे़ खुन्छिॽ हुक्कोलाम् से़म्मारे़ लागि खे़ङ्हाॽरे़ खुन्छिॽ पेलिन् आङ्गाॽ खे़प्सुङ्ङाङ् वाॽ॥ खे़ङ्हाॽरे़ खुनिॽ तुक्खेन् नु के़साक्पा मे़दुमुबान् आङ्गाॽ कुसिङ् निःत्तुङ्ॽ॥
याम्मो आङ्गाॽ ओमे़त्तुङ्, हे़क्क्याङ् नाम्मिल्ले़ कुसिगाङ् के़बोङ्बार के़बप्पा के़रे़क् मे़न्वाॽमनाबा पाःन्हाॽ निसुङ्लो— तुक्खे चाःप्मा याःम्बक्हाॽरे़ मिक्वान् निसुङ्लो, हे़क्क्याङ् खे़ङ्हाॽ हाङ्हाङ् के़मे़प्पा हाःत्ताङ् होप्लो॥ के़युक्पाहाॽरे़ खुन्छिॽ ले़प्माङ् मुक्साम् वये़रो, हे़क्क्याङ् मे़युक्तुसिबाहाॽ हाङ्हाङ् के़मे़प्पा हाःत्ताङ् होःप्ते़रो॥
इस्राइले़ङ्ग हुम्बे़त् के़दाप्पा चे़ल्ले़क्सेल्ले़ कुबुङ्लो, खे़ल्ले़ आप्फेक् लागि कुजाॽ थोःक्ते़र याःन्दुरो॥ आक्ख्यारिक् यरिक् कुजाॽहाॽ थोःक्ते़ खे़म्म्याक्के यरिक् ले़त्ति तोःम्मादे़न्हाॽ चोगुरो, लाजेन् आक्ख्यारिक् नुबा पोःक्खे़रबे खे़म्भ्यारिक् यरिक् सेसे लुङ्हाॽ के़घे़म्सिङ्बा चोगुरो॥
Piblisite