यसैया 5:29 - लिम्बु29 खे़ङ्हाॽ मे़अःक्के़ल्ले़ केबे़न् हुःक्पा कुइसिक् लॽरो, हे़क्क्याङ् खे़ङ्हाॽ के़वे़म्बा केबे़न् हे़क्के मे़हुःक्लो॥ खे़ङ्हाॽरे़ सान् मे़दे़म्सुल्ले़ हागाःक् हागाःक् मे़लॽरो, खे़ब्याङ् खे़न् सान् खे़ङ्हाॽलाम् के़नाप्पा हाःत्ताङ् होप्लो॥ Gade chapit la |
यसैया 5:29
20 Referans Kwoze
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥
कर कन्हाॽग लत्छा अक्तङ्बा सुवाङ्सिरो, खे़ङ्हाॽ इङ्ले़क्को मे़ध्ये़आङ् मे़नाप्तुसिआङ् मे़वाॽरो॥ खे़ङ्हाॽ के़रे़क् लुम्बाःत्तो मे़ध्ये़आङ् मे़याक्लो इग्र पुङ्लाहिम्मो साक्पा मे़ध्ये़आङ् मे़याक्लो॥ खे़ङ्हाॽ मे़नाप्तुसिआङ् के़नाङ्बा के़धेःक्पा हाःत्ताङ् होप्लो, खे़ङ्हाॽ मे़नाप्तु मे़देॽरुसिबा याङ्साकुन्धेहाॽ नुःक्ताम् पिराम्सिम्मे़ॽ के़लॽबा हाःत्ताङ् होप्लो॥
चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् थे़रिङ्बे़न् लःम्भे़म्बा कुइसिक् आङ्गाॽ ताआरो॥ एदोमे़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?”
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
दाङ्बे़ल्ले़ आङ्गाॽ अक्खे मे़त्ताङ्लो, “यम्बा केबान् से़रुबा साओ हुःक्लो, हे़क्क्याङ् पित् मे़ःन्दा के़गप्पा यम्बा लुप्हाॽ आक्ख्यारिक् साॽरिक् मे़अःक् मे़भिःक्साङ् खे़ङ्हाॽरे़ यङ्मा मे़से़रुबालाम् केबान् यङ्मा मे़सिने़ल्लो— हे़क्केलॽरिक्के सियोन कोःक्मान् नु खे़ल्ले़ कुभाङ्जङ्हाॽओ थङ् चोःक्से़ मुक्साम्दाङ्बा यहवे दाङ्बान् युरो॥
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
Piblisite