यसैया 5:26 - लिम्‍बु

²⁶ खुने़ॽ माःङ्‌घाबा मे़न्‍छाम् सुवाङ्‌हाॽरे़ खुन्‍छिॽ लागि लत्‍थिक् निसा लेःत्तुरो, हे़क्‍क्‍याङ् खुने़ॽ योॽबा लाजेःल्‍ले़ कुनुप्‍मो थारिक् के़युङ्‌बा सुवाङ्‌हाॽ ख्‍योःक्‌वालाम्‍बा उःत्तुसिरो, खे़ङ्‌हाॽ हाराआङ् चाःत्‍चाःत् लॽरिक् मे़दारो!

यसैया 5:26 Referans Kwoze

जकरिया 10:8

“खे़ङ्‌हाॽ आङ्‌गाॽ उःत्तुङ्‌सिङ्‌ङाङ् सुप्‍सुङ्‌सिङ्‌लो, थेआङ्‌भे़ल्‍ले़ से़क्‍खाए मे़ल्‍लुङ् हुङुङ्‌ङाङ् खे़ङ्‌हाॽ थे़ॽरुङ्‌सिङ्‌ङाङ् मे़वाॽरो हे़क्‍क्‍याङ् तगि कुइसिक् निःत्‍मे़न्‍दे़त्ते यरिक् मे़बोङ्‌लो॥

यसैया 7:18

“खे़न् ये़म्‍मो यहवे दाङ्‌बे़ल्‍ले़ योसमा मिस्र लाजेॽओबा थक्‍सुबाहाॽ नु अस्‍सुर लाजेॽओबा थक्‍सुबाहाॽ मे़दार फाॽआङ् ख्‍योःक्‌वालाम्‍बा उःत्तुसिॽ॥ खे़ङ्‌हाॽरे़ सिजाहाॽ कुइसिक् खे़ने़ॽ के़गब्रिङ् के़म्‍बन्‍नाङ् सक्‌वाहाॽ कुइसिक् के़म्‍सिक्‍काङ् के़म्‍से़त्॥

यसैया 18:3

इक्‍सादिङ् खाम्‍बेःक्‍मोबा के़रे़क् मे़न्‍छाम् याप्‍मिसे, खे़निॽग योॽबा लाजेॽओ के़युङिरो! कोःक्‍मा फाङ्‌जङ् थे़गु माङ्‌वाहाॽओ मिक्‍सेःन्‍ले़ लागि लत्‍छा निसाधिक् मे़हाक्‍तुरो, खिनिॽ खे़न् निसान के़निसुम्‍लो! हे़क्‍क्‍याङ् थङ्‌ले़ लागि थुत्‍थुरिःप्‍पान् लाइक्‍लो, खे़न् खे़निॽ के़घे़प्‍सुम्‍लो॥

साम्‌योथिम् इङ् 28:49

यहवे दाङ्‌बे़ल्‍ले़ माःङ्‌घालाम्, इक्‍सादिङ् खाम्‍बेःक्‍माल्‍ले़ नासमा कुयाओनु सुबुबुना कक्‍कफिःक्‍माल्‍ले़ मु फत्तुबा कुइसिक् खिनिॽ कुसिङ् के़न्‍निःत्तुम्‍मिन्‍बा पाःन्‍दाङ् के़बाःप्‍पा लत्‍छा सुवाङ्‌समा मनाहाॽ खिनिॽ तक्‍ले़ङ्‌वाओ तारुसिॽ,

यसैया 11:12

यहवे दाङ्‌बे़ल्‍ले़ के़रे़क् मे़न्‍छाम् सुवाङ्‌हाॽरे़ खुन्‍छिॽ लागि लत्‍छा निसाधिक् हाक्‍तुरो, हे़क्‍क्‍याङ् इस्राइल लाजेॽलाम् लाःक्‍कात् मे़लःत्तुसिबा मनाहाॽ नु फुत्‍छिङ्‌छाःङ् के़से़बा यहुदाबा मनाहाॽ इक्‍सादिङ् खाम्‍बेःक्‍मोबा के़रे़क् पिसाङ्‌लाम् फुक्‍खु तारुसिरो॥

मलाकि 1:11

“नाम्‍गे़त् पिसाङ् नु नाम्‍धा पिसाङ् थारिक् के़रे़क् मे़न्‍छाम् सुवाङ्‌लुम्‍मो आङ्‌गाॽ आमिङ्‌ङिन् पयम् यम्‍बा पोङ्‌ॽ॥ के़रे़क् ते़न्‍हाॽओ आङ्‌गाॽ आमिङ्‌ङो मे़न्‍छाम् सुवाङ्‌हाॽरे़ सुक्‍पा मे़हाःन्‍दुॽ हे़क्‍क्‍याङ् सुत्‍थो हुक्‍सोयाङ् मे़दारुॽ, थेआङ्‌भे़ल्‍ले़ के़रे़क् मे़न्‍छाम् सुवाङ्‌हाॽरे़ आङ्‌गाॽ मिङ्‌सो इङ्‌धाङ् मे़बिआरो,” मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ॥

हबकुक 1:8

खुन्‍छिॽ अन्‍हाॽ थे़रिङ्‌बाहाॽनुःल्‍ले़ हारा मे़लोःक्‍लो हे़क्‍क्‍याङ् युःन्‍छिक् के़लःम्‍बा पराबाहाॽनुःल्‍ले़ के़आःप्‍पा मे़जोक्‍लो॥ खे़ङ्‌हाॽरे़ खुन्‍छिॽ अन्‍गे़युक्‍पाहाॽ माःङ्‌घाबा लाजेॽलाम् मे़दारो, खे़ङ्‌हाॽरे़ खुन्‍छिॽ अन्‍हाॽरे़ खाम्‍बाङ्‌ङिन् मे़बागुरो मयाःल्‍ले़ सानाःत्तिन् लप्‍मारे़ लागि पेबा कुइसिक् खे़ङ्‌हाॽ सुबुबुना तगि मे़सुःक् मे़बेःक्‍लो॥

योएल 2:7

थक्‍सुबाहाॽ कुइसिक् खे़ङ्‌हाॽरे़ मे़भत्तुसिरो, थक्‍लिहाङ्‌हाॽ हे़क्‍के खे़ङ्‌हाॽरे़ लुङ्‌धाक्‍किन् मे़लिङुरो॥ खे़ङ्‌हाॽरे़ खुन्‍छिॽ थे़ःक्‍पे़प्‍पा तिःक्‍लाःन् फे़त्‍मे़न्‍लाःन्‍दुन्‍लो, के़रे़क् लत्‍छा तिःक्‍लाओ पे़न्‍बे़न् लाङ्‌मे़घेःक्‍लो॥

मे़रिङ् साप्‍पन् 4:19

आनिगे के़नाःप्‍पाहाॽ ताङ्‌साक्‍पोबा मुयाहाॽनुःल्‍ले़ साॽरिक् पजात् के़जाप्‍पा मे़जोगे़रो॥ खे़ङ्‌हाॽरे़ कोःक्‍मा फाङ्‌जङ् थे़गु माङ्‌वाहाॽओ मे़नाःत्तिगे़रो, मुरे़क् खारे़क्‍पा एःक्‍सादे़न्‍हाॽओ खे़ङ्‌हाॽरे़ मे़सुगिगे़रो॥

यर्मिया 51:27

“मे़न्‍छाम् सुवाङ्‌हाॽओ मिक्‍सेन् निसान फोःक्‍खे़म्‍मे़ॽओ॥ थङ् इक्‍लान् मुक्‍खे़म्‍मे़ॽओ! बेबिलोनरे़ कुदक्‍ले़ङ्‌वाओ खे़ङ्‌हाॽ के़रे़क् मुरा मे़त्ते़म्‍सिम्‍मे़ॽओ! खे़ल्‍ले़ कुदक्‍ले़ङ्‌वाओ थक्‍मारे़ लागि खे़ङ्‌हाॽ यारिप् चोगे़म्‍सिम्‍मे़ॽओ! आरारातबा, मिन्‍निबा नु असकनजबा थक्‍सुबाहाॽ खिनिॽ फे़त्ते़म्‍सिम्‍मे़ॽओ॥ लत्‍छा थक्‍मोबा थिक् युक्‍तिङ् चोगे़म्‍मे़ॽओ, निःङ्‌खुःक्‌वाःल्‍ले़ कुबन्‍ज्‍याङ्‌माहाॽ हे़क्‍के आत्तातान्‍ने यरिक् अन्‍हाॽ तारे़म्‍सिम्‍मे़ॽओ!

यर्मिया 5:15

इस्राइलबा मे़न्‍छाम् याप्‍मिसे, आङ्‌गाॽ यहवे दाङ्‌बे़ल्‍ले़ माःङ्‌घालाम्‍बा लत्‍छा सुवाङ्‌धिक् खिनिॽनु थक्‍से़ फे़त्तुङ्‌ल पत्तारो॥ खे़ङ्‌ग लत्‍छा के़धुम्‍बा उन्‍छेःन्‍बा सुवाङ्‌लो॥ खे़ङ्‌हाॽरे़ खुन्‍छिॽ पाःन्‍दाङ्‌ङिन् के़ल्‍ले़सुम्‍मिन्‍लो खे़ङ्‌हाॽ मे़बाःप्‍पान् कुसिङ् के़न्‍निःत्तुम्‍मिल्‍लो॥

यर्मिया 4:13

ओमे़त्ते़म्‍मे़ॽ, खिनिॽ निङ्‌मिन् खाॽमिःप्‍पान् हे़क्‍के तार पत्‍लो॥ खे़ल्‍ले़ कुधङ्‌ङोबा अन्‍लाहाॽ किप्‍मा के़घुबा सुरित् केजङ् कुइसिक् मे़दारो हे़क्‍क्‍याङ् खे़ल्‍ले़ कुअन्‍हाॽ मुयाहाॽनुःल्‍ले़आङ् मे़जात्‍लो॥ चिःत्ते़स्‍ये़रो, आनिगे़ग सुधाम् पोःक्‍खिगे़! आनिगे हदॽ मे़गिगे़रो!

यसैया 39:3

खे़ब्‍याङ् माङ्‌निङ्‌वाॽपान् के़बाःप्‍पा यसैयान् हिजकिया हाङ्‌ङे़ॽओ पेआङ् मे़त्तु, “खे़न् मनाहाॽरे़ थे़मा मे़बाःत्तु, हे़क्‍क्‍याङ् खे़ङ्‌हाॽ आत्तिलाम् मे़द्‌ये़आङ् मे़वये़?” हिजकियाःल्‍ले़ पाःत्तु, “खुन्‍छिॽग माःङ्‌घाबा लाजेॽ बेबिलोनलाम् आङ्‌गाॽओ मे़द्‌ये़आङ् मे़वये़॥”

यसैया 30:16

खे़निॽ के़बाःत्तुम्, ‘मेःन्‍ना, आनिगे़ग अन्‍हाॽ युक्‍तुम्‍सिम्‍बे़आङ् खे़त्तासिगे़रो॥’ कल्‍ले़चोगुल्‍ले़ खे़निॽ के़घे़त्तासिरए पोङ्‌लो! खिनिॽ के़बाःत्तुम्, ‘आनिगे हारा के़लोःक्‍पा अन्‍हाॽ युक्‍तुम्‍सिम्‍बे़आङ् खे़त्तासिगे़रो॥’ कल्‍ले़चोगुल्‍ले़ खे़निॽ के़नाःप्‍पाहाॽ खिनिॽनुःल्‍ले़ मे़जाःत्‍लो॥

यसैया 13:5

इक्‍सादिङ् खाम्‍बेःक्‍मे़ल्‍ले़ नासमा कुया माःङ्‌घा माःङ्‌घाबा लाजेॽलाम् खे़ङ्‌हाॽ मे़दार मे़बत्‍लो॥ यहवे दाङ्‌बे़ल्‍ले़ साॽरिक् कुसाक्‍के़न् पोगे़बाल्‍ले़ चोगुल्‍ले़ के़रे़क् लाजेॽहाॽ खाप्‍पुथ्‍यःङ् चोःक्‍मारे़ लागि खुने़ॽ तार पत्‍लो॥

यसैया 13:2

“खल्‍ले़ःक् थेआङ् के़होप्‍पा कोःक्‍माओ लत्‍छा निसाधिक् हाक्‍ते़ॽओ॥ हे़क्‍क्‍याङ् खे़ङ्‌हाॽ यम्‍बा इक्‍लाःल्‍ले़ फे़ःक्‍ते़से़ॽओ हे़क्‍क्‍याङ् सुहाङ्‌युक्‍पाहाॽ पयम् लाम्‍धेःप्‍पो हुक्‍चाःल्‍किःल्‍ले़ ‘लासाम्‍मे़ॽ’ मे़त्ते़से़ॽओ॥

निङ्‌वाॽफु साम्‍लोसुम् 72:8

खुने़ॽग थिक् वरःङ्‌लाम्‍बा वेॽसमा वरःङ् थारिक् हाङ्‌युक् चोगुरो, हे़क्‍क्‍याङ् युफ्रेतिस वहःङ्‌लाम्‍बा इक्‍सादिङ् खाम्‍बेःक्‍माल्‍ले़ कुनुप्‍मो थारिक् हाङ्‌युक् चोगुरो॥

निङ्‌वाॽफु साम्‍लोसुम् 60:4

खे़ने़ॽ मिङ्‌सो इङ्‌धाङ् के़बिबाहाॽ मिक्‍सेन् के़बिरुसिरो, हे़क्‍केलॽरिक् खे़ङ्‌हाॽ तोङ् लिरे़ मे़न्‌याङ्‌ङे मे़घे़त्‍छिङ् मे़बेःक्‍लो॥ सेला

यसैया 10:3

निङ्‌वाॽफुमाङ्‌ङिल्‍ले़ खिनिॽ खुम्‍दिङ् के़बिरिल्‍ले़ हे़क्‍क्‍याङ् माःङ्‌घा लाजेॽलाम्‍बा तुक्‍खे लाक्‍खेहाॽ खिनिॽ सम्‍धाङ् पाङ्‌घु तासुल्‍ले़ खे़निॽ आक्‍खे के़जोगुम्‍बे? हे़क्‍क्‍याङ् नाङ्‌सिङ्‌से़ हाःत्‍ले़ॽओ के़बेगिबे? खे़निॽ याङ्‌साकुन्‍धेहाॽ आत्ति के़जिक्‍खुम्‍मिल्‍ले़ ताङ्‌बाबे?

यसैया 13:3

आङ्‌गाॽ यहवे दाङ्‌बे़ल्‍ले़ कन् याःम्‍बक्‍किन् चोःक्‍मारे़ लागि सुत्‍थो चोःक्‍मनासिबा थक्‍सुबाहाॽ मुरा मे़त्तुङ्‌सिङ्‌ङाङ् वाॽरो॥ आङ्‌गाॽ आसाक्‍के़न् ओःन्‍धाक्‍ताम्‍सिम्‍मे़ॽ फाॽआङ् थङ् के़जोःक्‍पा आधक्‍सुबाहाॽ इङ्‌जाङ् पिरुङ्‌सिङ्‌ङाङ् वाॽरो॥ हे़क्‍क्‍याङ् आङ्‌गाॽ थङ् चोःक्‍मा नाःन्‍दुङ्‌ङिल्‍ले़ खे़ङ्‌हाॽ मे़सःत्‍लो॥”

यसैया 13:4

कोःक्‍मा फाङ्‌जङ् थे़गु माङ्‌वाहाॽओ हयङ् किल्‍लिङ् के़बोङ्‌बा, यम्‍बा मनालुप्‍लि हे़क्‍तङ्‌बा इक्‍लान् खे़प्‍से़म्‍मे़ॽओ! हे़क्‍क्‍याङ् हाङ्‌जुम्‍हाॽओलाम् के़लःम्‍बा हयङ् किल्‍लिङ्‌हाॽ, इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ थिक्‍मे़त् मे़भुङ्‌सिङ्‌ङिल्‍ले़ के़लःम्‍बा इक्‍लान् खे़प्‍से़म्‍मे़ॽओ! मुक्‍साम्‍दाङ्‌बा यहवे दाङ्‌बे़ल्‍ले़ थङ् चोःक्‍मारे़ लागि आबाङे खुने़ॽ कुधक्‍सुबाहाॽ फुक्‍खुसिर याक्‍लो॥

यसैया 31:9

खे़ङ्‌हाॽरे़ खुन्‍छिॽ हाङ्‌यक्‍किन् किमा यङ्‌मारे़ चोगुल्‍ले़ लुःन्‍लो, हे़क्‍क्‍याङ् खे़ङ्‌हाॽरे़ खुन्‍छिॽ थक्‍मोबाहाॽरे़ थङ्‌ङिल्‍ले़ निसान मे़निसुआङ् आल्‍ल आक्‍खेने चोःक्‍मा पाःप्‍मा मे़लॽरो॥” खे़न् मिन् सियोन कोःक्‍माओ नु मिधुङ्‌दिङ् मिराःक्‍किन् यरुसले़म ये़क्‌यक्‍को युङ् फाॽआङ् यहवे दाङ्‌बे़ल्‍ले़ पाःत्तुरो॥

इजकिएल 38:17

“मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—ताःन्‍दिबा ताये़म्‍मो आङ्‌गाॽ आमनाहाॽरे़ खुन्‍छिॽ तक्‍ले़ङ्‌वाओ खे़ने़ॽ ताःत्‍ने़ फाॽआङ् इस्राइलबा माङ्‌निङ्‌वाॽपान् के़बाःप्‍पा आसे़वारोबाहाॽलाम् उवा चोगुङ्‌ङिल्‍ले़, आङ्‌गाॽ यरिक् ये़म् तगि पाःत्तुङ्‌ङाङ् वयाङ्‌बा मनान् थे खे़ने़ॽएने़बि?