मे़दे़म्सु मे़देॽरुसिबाहाॽनु सोसोरिक् सॽसिङ्मा हे़क्क्याङ् मे़से़रुसिबाहाॽरे़ खुनिॽ लुम्मो तोःक्माआङ् चोःम्मानुःल्ले़ वेॽ नुबा थेआङ् होप्लो॥ हे़क्केसाङ् यहवे दाङ्बे़ल्ले़ कुसिक्के़न् मे़जिःक्तुन्लो खे़ब्याङ् खुम्दिङ् पिमासिरे़ लागि खुने़ॽ कुहुक्किन् आल्लसाङ् फोःक्खुआङ्ङे पत्लो॥
यसैया 5:25 - लिम्बु25 खे़ल्ले़चोगुल्ले़ यहवे दाङ्बान् आबाङे कुमनाहाॽरे़ खुन्छिॽ तक्ले़ङ्वाओ कुसिक् पोगे़आङ् वाॽरो॥ खे़न् मनाहाॽ खुम्दिङ् पिमासि फाॽआङ् खुने़ॽ कुहुक्किन् थाःङ् फोःक्खुआङ् पत्लो, हे़क्क्याङ् आल्ल खे़ङ्हाॽ हिप्तुसिरो॥ कोःक्मा फाङ्जङ् थे़गु माङ्वाहाॽ यङ्लो खम्ब्याङ् के़सिबा मनाहाॽरे़ खुन्छिॽ नासिङ्गे़न् चेधक्लाहाॽ माराम्हाॽओ ताम्जिॽ कुइसिक् ने़रो॥ कम्भ्यारिक्साङ् खुने़ॽ कुसाक्के़न् पोःक्मा मे़जिप्तुन्नाङ् खुम्दिङ् पिमासिरे़ लागि आल्लसाङ् खुने़ॽ कुहुक्किन् हाबा थाःङ् पोगे़आङ् पत्लो॥ Gade chapit la |
यसैया 5:25
60 Referans Kwoze
एफ्राइम्मिल्ले़ कुधाःक्हाॽ नु मनस्सेःल्ले़ कुधाःक्हाॽ आबाङे खुन्छिॽ तक्ले़ङ्वाओ मे़बोक्लो, हे़क्क्याङ् याङ्सि खे़ङ्हाॽ थिक्हुप् मे़बोङ्ङाङ् यहुदान् मे़भत्तुरो॥ करसाङ् यहवे दाङ्बे़ल्ले़ कुसिक् पोःक्मान् मे़न्जिःक्के वाॽरो, हे़क्क्याङ् आल्लसाङ् खुने़ॽ कुहुक्किल्ले़ साःप्सुसिआङ्ङे पत्लो॥
खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
दाङ्बे, खे़ने़ॽ साम्योबा के़याःम्बक् कुइसिक् खे़ने़ॽ के़साक्के़न्निन् नु के़सिक् पोःक्मान् खे़ने़ॽ के़ये़क्यक्, के़सेसे कोःक्मा यरुसले़मलाम् खे़त्ते़देसे़ॽओ॥ आनिगे लायो नु आनिगे पाधे़बाहाॽरे़ खुन्छिॽ फे़न्याःम्बक्किल्ले़ चोगुल्ले़ आनिगे कब्रिङ् पिसाङ्बा मनाहाॽरे़ खुन्छिॽ तगि यरुसले़म नु खे़ने़ॽ के़मनाहाॽ कुनामे़न्छाॽ मे़प्मा चाहाक् पोःक्खिगे़आङ् वयिगे़रो॥
निङ्वाॽफुमाङ्ङिल्ले़ कुसुनाइङ्ङिन् थिम्मे़न्दङ् सुवाङ्हाॽरे़ मे़घे़प्सुआङ् से़न्लप् मे़ङ्घोसुन्ल फाॽआङ् खे़ङ्हाॽरे़ सुनाइङ् इङ्भन् चोःक्मा आनिगे याप्मि साक्मा तम्सिङ् मे़जोगुर मे़वाॽरो॥ अक्खेलॽरिक् निङ्वाॽफुमाङ्ङिल्ले़ कुनिमाओ खे़ङ्हाॽरे़ खुनिॽ लायोन् लुम्सिङ्ल पत्लो॥ कर आल्लग निङ्वाॽफुमाङ्ङिल्ले़ कुसिक्के़न् खे़ङ्हाॽओ चुक्ते़आङ् वाॽरो॥
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
कर यहवे दाङ्बे़ल्ले़ कुसाक्के़न्निन् कुमनाहाॽरे़ खुन्छिॽ सम्धाङ् मे़न्धाए थारिक् खे़ङ्हाॽरे़ खुने़ॽ कुइङ्साबाहाॽ येःप्मासि कुनामे़न्छाॽ मे़प्मासि, खुने़ॽ कुबाःन्जाक्हाॽओ चे़ॽया इङ्दो पाःप्मा नु माङ्निङ्वाॽपान् के़बाःप्पा खुने़ॽ कुमनाहाॽ केॽमासि मे़ल्ले़रुन् हे़क्क्याङ् खे़प्मो ताङ्मालाम् मे़बोःक्खे़न्॥
आङ्गाॽ मनाहाॽरे़ खुन्छिॽ सम्धाङ् ये़त्तुक्खे तारुङ्लो, हे़क्क्याङ् खे़ङ्हाॽ मिक्फःम्बा हे़क्के लाङ्मे़घेःक्लो, थेआङ्भे़ल्ले़ यहवे दाङ्बे़ल्ले़ कुदक्ले़ङ्वाओ खे़ङ्हाॽरे़ लायो मे़जोगुआङ् मे़वाॽरो॥ आल्ल खुन्छिॽ माक्खिन् च्वाःत् हे़क्के नु खुन्छिॽ हिदुःत् थे़ङाःङ्हाॽ हि हे़क्के से़आङ् ने़रो॥
“खे़न्हाॽरे़ खुन्छिॽ सम्धाङ् लिसि परिक्ले़न् मे़क्मासिमा तारुङ्ॽ फाॽआङ् आङ्गाॽ यहवे दाङ्बे़ल्ले़ पाःत्तुङ्ॽ॥ खे़ङ्हाॽ थङ्ङो मे़से़रुसिॽ, खे़ङ्हाॽरे़ खुन्छिॽ के़सिबा थक्हाॽ ख्याबाहाॽरे़ मे़जसिॽ हे़क्क्याङ् पुहाॽरे़ मे़अगु मे़जसिॽ खे़ब्याङ् के़नम्बा के़याःक्पाहाॽ ताम्भुङ् थक्साहाॽरे़ मे़हाॽरु मे़जसिॽ हे़क्क्याङ् मे़मे़क्खुसिॽ॥
यहवे दाङ्बे़ल्ले़ आङ्गाॽ अक्खे पाःप्मा पाङ्ङारो, “इक्ताप्पो पिॽहि लुम्मनाबा हे़क्के, पोगुगे़न् कुजान् सुम्माआङ् इक्ताप्पो ले़प्मना थामनाबा हे़क्के, खे़न् पोगुगे़न् कुजान् आत्तिल्ले़आङ् याम्मो मे़सुप्सुम्बा हे़क्के मना के़सिबाहाॽरे़ खुन्छिॽ चेहाॽ लुम्सिङ्ङाङ् के़रे़क् पिसाङ् से़रे़आङ् ने़रो॥”
खे़ल्ले़ याःन्दिक् आङ्गाॽ आसाक्के़न्निन् खे़ङ्हाॽरे़ खुन्छिॽ सम्धाङ् चुक् हे़क्क्याङ् आङ्गाॽ खे़ङ्हाॽ लाप्फेसुङ्सिङ्ॽ, खम्भ्याङ् आङ्गाॽ आनारान् खे़ङ्हाॽलाम् चिक्खुङ्ङाङ् खे़ङ्हाॽ खाप्पुथ्यःङ् मे़मे़क्॥ यरिक् तुक्खे लाक्खेहाॽ नु के़साक्पा पाःन्हाॽ खे़ङ्हाॽरे़ खुन्छिॽ सम्धाङ् इदारो॥ खे़ब्याङ् खे़ल्ले़ याःन्दिक् खे़ङ्हाॽरे़ अक्खे मे़बाःत्तुॽ, ‘आनिॽ निङ्वाॽफुमाङ्ङिन् आनिॽ लुम्मो होप्पाल्ले़ चोगुल्ले़ए आनिॽ सम्धाङ् अक्तङ्बा के़साक्पा तुक्खे लाक्खेहाॽ त्ये़बाग मेःम्बि?’
याम्मो यहवे दाङ्बे़ल्ले़ मोसान् मे़त्तु, “हारुने़न् मे़त्ते़ॽ, ‘खे़ने़ॽ के़दक्काःत्तिन् याङ्सिङ्ङे़ॽआङ् मिस्रओ के़ने़ने़बा च्वाःत्, इग्र वहःङ्, खावा, नु वरक्कोबा च्वाःत्तिन् माक्खिॽ पोङ्बेःक्ल फाॽआङ् खे़ङ्हाॽरे़ कुसम्धाङ् के़हुक्किन् सन्छे़ॽ॥’ हे़क्क्याङ् खे़ङ्हाॽ माक्खिॽ पोङ्ॽ॥ मिस्र लाजेॽ के़रे़क् के़ने़बा च्वाःत्, खर्बा नु लुङ्बाक्वा च्वाःत्हाॽआङ् माक्खिॽ पोङ्ॽ॥”
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
कर खे़ने़ॽग के़ने़मादे़न् इःप्पुङ्ङाङ् होप्लो, खे़ने़ॽ के़जे थक्किन् किबेःक्ल फाॽआङ् लाःक्कात् लाप्मे़भुसुआङ् ने़रो॥ कन् के़जे थक्के़न् थङ्ङो मे़से़रुसिबा थक्सुबाहाॽरे़ खुन्छिॽ चे थक्हाॽरे़ लुप्तुआङ् ने़रो॥ के़रे़क् के़सिबा थक्हाॽ लुङ्ङे लुङ् के़ने़बा याक्पेॽफिःप्मो लाप्मे़भुसुसिआङ् मे़ने़बाल्ले़ चोगुल्ले़ मनाहाॽरे़ चिराक् चिराक् मे़लाःक्तुसिरो॥
वरक् के़जाःक्पा मनाःल्ले़ वरक्के़न् चोगुल्ले़ आक्खेलॽरिक् कुहुक्के़न् सन्छुॽ, हे़क्केलॽरिक्के आबाङे से़ःप्सिङ्मारे़ लागि हुक्हाॽ मे़सन्छुरो॥ खे़ङ्हाॽरे़ खुन्छिॽ हुक्हाॽ ओगप् चोःक्मा के़ले़बा मे़ले़ङ्सिङ्साङ् निङ्वाॽफुमाङ्ङिल्ले़ खे़ङ्हाॽरे़ खुन्छिॽ आङ्दिङ् लॽमान् यो थासु पिरुसिरो॥
खे़ल्ले़चोगुल्ले़, खे़ङ्हाॽरे़ खुन्छिॽ सम्धाङ् मि हे़क्तङ्बा खुने़ॽ कुसिक्के़न् थासुरो हे़क्क्याङ् ते़न्धङ्ङो खे़ङ्हाॽ मे़क्खुसिरो॥ खे़ल्ले़चोगुल्ले़ खे़ङ्हाॽरे़ खुन्छिॽ के़रे़क् पिसाङ् मि तिरे़रो, हम्भसाङ् खे़ङ्हाॽरे़ कुसिङ् मे़न्निःत्तुल्लो॥ खे़न् मिःल्ले़ खे़ङ्हाॽ मे़क्खुसिरो, हे़क्केसाङ् खे़न् पाःन्निन् खे़ङ्हाॽरे़ खुन्छिॽ निङ्वाॽओ मे़न्युक्खुल्लो॥”
के़रे़क् लाम्हाॽरे़ कुया कुदिङ् के़मनाहाॽ खुन्छिॽ थना ले़क्खे़आङ् हर्जुॽ मे़जोःन्दे़आङ् मे़ने़रो॥ खे़ङ्हाॽग सावागे़म्बाल्ले़ कुइओ के़धाबा पे़ःङ्वा कुसिक् मे़लॽरो, खे़ङ्हाॽओ यहवे दाङ्बे़ल्ले़ कुसिक् पोःक्मे़न् थासुआङ् वाॽरो॥ हे़क्क्याङ् खुन्छिॽ निङ्वाॽफुमाङ्ङिल्ले़ साॽरिक् फे़ःक्तुसिआङ् मे़वाॽरो॥
“खे़ङ्हाॽ मे़लःन्नाङ् मे़बेःक्किल्ले़ आङ्गाॽ आदक्ले़ङ्वाओ पिफ्युङ् के़जोःक्पाहाॽरे़ खुन्छिॽ के़सिबा थक्हाॽ खे़ङ्हाॽरे़ मे़निसुरो॥ खे़न् के़सिबा थक्हाॽ के़जाबा फेॽबाःत्हाॽ आभे़ल्ले़आङ् मे़न्छिने़न्लो हे़क्क्याङ् खे़न् चेधक्हाॽ के़ओॽबा मिन् आभे़ल्ले़आङ् मे़सिने़न्लो, खे़न् निगे़दे़प्पे़न् के़रे़क् मे़न्छाम् सुवाङ्हाॽरे़ खुन्छिॽ लागि साॽरिक् सिक्के़ले़ःङ्बा पोङ्लो॥”
फारोल्ले़ कुहुक्हाॽ मक्थाआङ् खुने़ॽ कुबेसाङ् कुसुम् मे़न्दम्मनाबा पोङ्ङाङ्ने़ःल्ले़, आङ्गाॽ बेबिलोनबा हाङ्ङिल्ले़ कुहुक्हाॽ के़धुम्बा चोगुङ् पिरुङ्ॽ॥ हे़क्क्याङ् आङ्गाॽ आदाभेन् बेबिलोनबा हाङ्ङिल्ले़ कुहुक्को केःत्तुङ् पिरुङ्ङाङ् खुने़ॽ मिस्र लाजेःल्ले़ कुदक्ले़ङ्वाओ कन् फे़त्तुआङ् फे़न्निल्ले़, आङ्गाॽए यहवे दाङ्बा फाॽआङ् मिस्र लाजेःल्ले़ निङ्वाॽ खोसुॽ॥
खे़ङ्हाॽरे़ खुन्छिॽ हिम्धाःङ्हाॽ वेॽहाॽरे़ मे़देॽरुरो हे़क्क्याङ् खुन्छिॽ इक्ताप्हाॽ नु मेःत्हाॽआङ् वेॽहाॽरे़ मे़देॽरु मे़बिरुसिरो॥ आङ्गाॽ मुक्साम्साबा आहुक्किन् सन्छुङ्लो हे़क्केःल्ले़ कन् के़रे़क् पाःन्हाॽ लाजेॽओ के़युङ्बा मनाहाॽओ के़त्लो॥ आङ्गाॽ यहवे दाङ्बे़ल्ले़ कन् पाःन्निन् पाःत्तुङ्लो॥
“हे़क्क्याङ् मुक्साम्दाङ्बा यहवे दाङ्बे़ल्ले़ अक्खे पाःत्तुॽ—यरुसले़ःम्मोबा मनाहाॽग ताम्भुङ्ङोबा सिङ्हाॽरे़ कुलुम्मो के़दाप्पा चे़ल्ले़क्सेल्ले़ कुबुङ्हाॽ हे़क्तङ्बा मे़जोक्॥ थेआङ्भे़ल्ले़ खे़ङ्हाॽ याप्मि याःम्बक् मे़म्बिमनाबा मे़जोक्, आङ्गाॽ खे़ङ्हाॽ मिधिङ्मासिरे़ लागि मिओ लाप्फेसुङ्सिङ्ङाङ् मे़ने़॥
Piblisite