याङ्गे़साॽबाहाॽरे़ खुन्छिॽ युक्किन् नाप्मासि नु निङ्घुम्मो के़धाबा आमनाहाॽरे़ खुन्छिॽ खासे़न् मे़न्जोःक्मारे़ लागि, हे़क्क्याङ् मेमेदुमाहाॽरे़ मे़गत्तुबा पाःन्हाॽ नाप्मासिरे़ लागि खे़ब्याङ् ये़त्छाबा ये़त्छामाहाॽरे़ मे़गत्तुबा पाःन्हाॽ नाप्मासिरे़ लागि खे़ङ्हाॽरे़ अक्खे मे़जोगुरो॥
यसैया 5:23 - लिम्बु23 अक्तङ्बा मनाहाॽरे़ सुरुत्याङ् मे़जआङ् ताप्फे़ःम्बा याःम्बक् के़जोःक्पाहाॽ आप्तिक् मेःन्नेबा मे़जोगुसिरो, हे़क्क्याङ् कुदोःप्मा याःम्बक् के़जोःक्पाहाॽ खासे़न् मे़ल्लोःन्दुन् मे़म्बिरुसिन्लो॥ Gade chapit la |
यसैया 5:23
22 Referans Kwoze
ने़प्माङ् हुक्हाॽ फे़न्याःम्बक् चोःक्मा के़ले़बा चोक्लो, युक्साबाहाॽरे़ मिक्तोःक्हाॽ मे़नाःक्तुरो हे़क्क्याङ् खासे़न्लोःम्बाहाॽरे़ याङ् चामा मे़नाःक्तुरो॥ आयुक्युक्पाहाॽरे़ च्या चोःक्मा निङ्वाॽ मे़जोगुॽ हाबा खे़न्ने चोःक्मारे़ लागि इङ्जाङ् मे़जोगुरो, खे़ङ्हाॽ के़रे़क् मे़दङ्सिङ्ङाङ् चे़म्भन् मे़जोगुरो॥
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
खे़ब्याङ् खे़न् ने़प्फु कुसुम् मे़न्दम्मनाबा मनाहाॽ त्ये़सिआङ् खुने़ॽ कुदोःप्मा युङ्ने़सि, हे़क्क्याङ् निङ्वाॽफुमाङ्ङिन् नु हाङ्ङिन् खुने़ॽ माङ्देसुसिआङ् वाॽ फाॽआङ् मनाहाॽरे़ खुन्छिॽ तगि खे़न् नादुम्दुम्बा आप्तिक् कुःत्ते़सु॥ कल्ले़चोगुल्ले़ खे़ङ्हाॽरे़ नाबोते़न् ये़क्यक् लाःक्कात् मे़लःत्तुआङ् लुङ्ङिल्ले़ मे़ले़प्तु मे़से़रु॥
थेआङ्भे़ल्ले़ खिनिॽ आप्तिक्हाॽ यरिक् वाॽ हे़क्क्याङ् खिनिॽ यम्बा लायोहाॽ के़जोगुम्माङ् वाॽबान् निसुङ्लो॥ साम्योबाहाॽ खिनिॽ तुक्खे के़जाःत्तुम्सिम्लो हे़क्क्याङ् खिनिॽग स्वाःत्ताङ् याङ् के़दाःक्तुम्लो हे़क्क्याङ् खासे़न्लोम्मा हिम्हाॽओ याङ्गे़साॽबाहाॽ कुदोःप्मा खासे़न् लोःम्मा पिमासि के़म्भाःक्तुम्सिम्मिन्लो॥
कन् माङ्निङ्वाॽपान् के़बाःप्पाहाॽ नु निङ्वाॽफुसाम्बाहाॽ चे़ल्ले़क्सेॽ थिःल्ले़ चोगुल्ले़ होॽदोन् होॽदोन् मे़लॽरो॥ थिःल्ले़ चोगुल्ले़ खे़ङ्हाॽरे़ खुन्छिॽ ले़सोत् मे़ले़ङ्ने़न्लो, खे़ङ्हाॽ थिःल्ले़ चोगुल्ले़ इजो इजो मे़लॽरो॥ चे़ल्ले़क्सेॽ थिःल्ले़ खे़ङ्हाॽ थःत्ता मे़बोःक्खे़आङ् मे़वाॽरो, खे़ङ्हाॽ थिःल्ले़ मयुसिआङ् इजो इजो पे़ःङ्गक् पे़ःङ्गक् मे़लॽरो॥ निङ्वाॽफुमाङ्ङिल्ले़ पिरुसिबा सुफोन् मे़निसुल्ले़ खुन्छिॽ थना ले़ङ्लो, हे़क्क्याङ् खे़ङ्हाॽरे़ चोःक्मा मे़गोःत्तुबा पाःन्निन् निःन्धो चोःक्मा मे़न्छुक्तुन्लो॥
आत्तिन्हाॽरे़ मनाहाॽ पाःन्नो मे़धासुसिआङ् आप्तिक्साबा मे़जोगुसिरो, हे़क्क्याङ् खासे़न् लोःम्मादे़न्नो तुःन्देॽ मे़गुःत्तुसिआङ् चे़न्नो मे़धासुसिरो॥ खे़ब्याङ् कुदोःप्मा मनाहाॽ मे़न्वाॽमनाबा पान् मे़धिक्तुसिआङ् खासे़न्लोम्मा मे़ङ्घोम्नाबा मे़जोगुसिरो हे़क्तङ्बा मनाहाॽ यहवे दाङ्बे़ल्ले़ मे़क्खुसिरो॥
Piblisite