यसैया 5:19 - लिम्बु19 खे़ङ्हाॽरे़ निङ्वाॽफुमाङ्ङिन्नाङ् किनाःन्दि मे़बिरुआङ् मे़बाःत्तुरो, “हाराआङ् थेहाॽइ चोगे़ॽओ, थे चोःक्मा के़सुक्तु आनिगे चाल्लिक् ओसेःन् आधाक्ते़ॽओ॥ इस्राइलबा सेसे निङ्वाॽफुमाङ्ङिल्ले़ चोःक्मा निङ्सेःक् के़जोगुबे़न् आनिगे ओमे़प्मा निङ्वाॽ कत्तुम्बे़रो॥” Gade chapit la |
यसैया 5:19
13 Referans Kwoze
कर खे़ङ्हाॽरे़ ‘यहवे दाङ्बे़ल्ले़ के़लिःप्पा कुगक्’ फाॽआङ् पेलिगे़न् पाःन्जाःन् आप्फाल्ले़आङ् ओगाप् मे़न्जोगुन्ल थेआङ्भे़ल्ले़ कुभारे़ खे़न् हे़क्के मे़जोगुने़भग्र आङ्गाॽ आइङ्घङ्ङिन् खे़ङ्हाॽरे़ खुन्छिॽ लागि से़क्खाए के़लिःप्पा कक् पोङ्ॽ॥ मनाहाॽरे़ कुहिङ्वे़त् निङ्वाॽफुमाङ्, मुक्साम्दाङ्बा यहवे दाङ्बे़ल्ले़ कुबाःन्जाक्किन् मे़इगुआङ् वाॽ॥
यहवे दाङ्बे़ल्ले़ कुबाःन्नो के़गिबा के़यङ्बासे, खुने़ॽ कुबाःन्जाक्किन् खे़प्साम्मे़ॽओ, “आमिङ्ङिल्ले़ चोगुल्ले़ खिनिॽ आबाङे मनाहाॽरे़ के़म्जिःत्तिआङ् के़म्से़न्दिरो॥ खे़ब्याङ् किनाःन्दि मे़बाःत्ल खिनिॽ अक्खे के़म्मे़त्तिरो, ‘यहवे दाङ्बे़न् के़रे़क्नुःल्ले़ पयम् यम्बा चोःक्पे़न् खुने़ॽ आबाङे ओसेःन्धाङ् चोगुररो हे़क्क्याङ् खिनिॽ के़से़ःप्तिररो॥ हे़क्क्याङ् खिनिॽ के़सःत्तिबे़न् आनिगे ओमे़प्मा खोसुम्बे़ररो’ कर खे़ङ्हाॽरे़ खुन्छिॽ चाःत्थि पेःक्लो॥
यहुदिःल्ले़ सुम्सि लिसि कुदिःक्लक् निरु सुरुर पत्छे़, हे़क्केःल्ले़ हाङ्ङिल्ले़ चुक्सा फे़जाधिक् याङ्सिङ् हे़क्क्याङ् खे़न् निरुसुरुबा साप्लाथङ्मा लक्किन् हे़गुआङ् मिओ लाप्फुसु केःत्तु॥ के़रे़क् साप्लाथङ्मान् मिओ खाप्पुथ्यःङ् मे़म्बोङ्ङे थारिक् खे़ल्ले़ हे़क्केए चोगुआङ् पत्छे़॥
खे़निॽ पाःन्निल्ले़ यहवे दाङ्बे़न् नासे़र के़याःन्दुम्माङ् वाॽ॥ कर खे़निॽ से़ःन्गे़दोसुम्ॽ, “आनिगे आक्खेलॽरिक् खुने़ॽ नासे़र याःन्दुम्बे़बे?” कर खे़निॽ अक्के के़बाःत्तुम्माङ् नार के़याःन्दुम्ॽ, “ताप्फे़ःम्बा याःम्बक् के़जोःक्पाहाॽ के़रे़क् यहवे दाङ्बे़ल्ले़ कुमिक्साओ नुबाए मे़जोक् हे़क्क्याङ् खुने़ॽ खे़ङ्हाॽनु कुनिङ्वाॽ ताःॽ,” इग्र “खासे़न् के़लोःम्बा निङ्वाॽफुमाङ्ङे़न् आत्ति वाॽबे?”
Piblisite