यसैया 5:16 - लिम्बु16 कर मुक्साम्दाङ्बा यहवे दाङ्बे़ल्ले़ कुमिङ्ङिन् खासे़न्लाम्बा थोधो पोङ्लो, हे़क्क्याङ् निङ्वाॽफुमाङ्ङिन् सेसेबा चोक्लो फाॽआङ् आबाङे कुसाम्योबालाम् ओसेःन्धाङ् चोःक्सिङ्लो॥ Gade chapit la |
यसैया 5:16
34 Referans Kwoze
खे़न् ये़म्मो खिनिॽ अक्खे के़बाःत्तुम्लो, “यहवे दाङ्बान् नुगे़न् पिरे़म्मे़ॽओ, खुने़ॽ पयम् यम्बा चोक् फाॽआङ् यम्बा इक्लाओ इङ्भोसे़म्मे़ॽओ॥ खुने़ॽ चोगुबा याःम्बक्किन् इक्सादिङ् खाम्बेःक्कोबा मे़न्छाम् सुवाङ्हाॽ चे़क्ते़म्सिम्मे़ॽओ, हे़क्क्याङ् खुने़ॽ कुमिङ्ङिन् के़रे़क्नुःल्ले़ यम्बा पोःक्खे़आङ् वाॽ फाॽआङ् उवा चोगे़म्मे़ॽओ॥
यहवे दाङ्बाए, पयम् यम्बा नु मुक्साम्मिन् आदाङ्बारे़न्नेरो, मिमिदिङ् नु हाङ्वा माङ्वान् आदाङ्बारे़न्नेरो, साङ्ग्राम्पेदाङ् नु इक्सादिङ् खाम्बेःक्मो के़वाॽबा के़रे़क् पाःन्हाॽ आदाङ्बारे़न्नेरो॥ हाङ्जुम्मिन्नाङ् आदाङ्बारे़न्नेरो, यहवे दाङ्बाए, के़रे़क् पाःन्हाॽ सम्धाङ् के़युङ्बा आदाङ्बा हाङ्ने़रो॥
मे़न्छाम् सुवाङ्हाॽरे़ खुन्छिॽ लुम्मो खिनिॽ के़दारुम्बा सिरिङ्ममा आङ्गाॽ आमिङ्ङिन्, आक्ख्यारिक् यम्बा नु सेसेबा चोक् फाॽआङ् आङ्गाॽ ओसेःन्धाङ् चोगुङ्ॽ॥ हे़क्क्याङ् खिनिॽ लाम्बाए खे़ङ्हाॽरे़ खुन्छिॽ मिक् तगि आङ्गाॽ आसेसेन् ओसेःन्धाङ् चोगुङ्ॽ, आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ॽ, खे़ब्याङ् आङ्गाॽए यहवे दाङ्बाआ फाॽआङ् मे़न्छाम् सुवाङ्हाॽरे़ निङ्वाॽ मे़घोसुॽ॥
खे़ङ्हाॽरे़ खुन्छिॽ लुम्मो आङ्गाॽ पिरुङ्सिङ्बा आबाङे खुन्छिॽ साएहाॽ मे़निसुसिरो॥ हे़क्क्याङ् आहुक्कोबा याःम्बक्हाॽ मे़निसुरो, हे़क्केःल्ले़ खे़ङ्हाॽरे़ आङ्गाॽ आमिङ्ङिन् सेसेसाङ्साङ् मे़जोगुरो॥ खे़ङ्हाॽरे़ याकुबरे़ पयम् यम्बा कुसेसे निङ्वाॽफुमाङ्ङिन् सेसेबा फाॽआङ् मे़बाःत्तुरो, हे़क्क्याङ् इस्राइलबा निङ्वाॽफुमाङ्ङिन् मिङ्सो इङ्धाङ् मे़बिरुरो॥
“हे़क्क्याङ् फिलादेल्फियाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् सेसे नु से़क्खाबा हे़क्क्याङ् दाउद हाङ्ङिल्ले़ कुदिमिक् के़गप्पे़ल्ले़ पाःत्तुबारो॥ खुने़ॽ हन्दुबान् हाःत्ले़आङ् सुप्मा मे़सुक्तुन्, हे़क्क्याङ् खुने़ॽ सुबुबान् हाःत्ले़आङ् हम्मा मे़सुक्तुन्लो॥
खे़न् लिसि कुहिङ्वे़त् पाथुङ्साहाॽरे़ खुनिॽ नासिङ्गे़न् थक्को तुक्सि लाप्हाॽ मे़बत्छे़, हे़क्क्याङ् खुनिॽ नासिङ्गे़न् थक्किन् नु लाप्पिल्ले़ कुधिम् काक् पिसाङ् मिक् इस्सेःङ् पत्छे़रो॥ खे़ङ्हाॽ से़न्दिक् ले़न्दिक् चक्मे़ल्लॽए अक्खे मे़बाःत्तुर साम्मे़लोःॽ, “मुक्साम्दाङ्बा निङ्वाॽफुमाङ्ङिन् सेसे, सेसे, सेसेबा चोक्लो॥ खुने़ॽ उनाहुरिओ वये़, आल्लोआङ् वाॽ, हे़क्क्याङ् ताःन्दिआङ् तारो॥”
मुक्साम्दाङ्बा यहवे दाङ्बे़ल्ले़ अक्खे पाःत्तुरो— “सिदोनए, आङ्गाॽ खे़ने़ॽ के़निङ्मिआरो, हे़क्क्याङ् आङ्गाॽ खे़ने़ॽ थे़मा मे़त्ने़ खे़न्लाम्बा आमिमिदिङ्ङिन् ओसेःन्धाङ् चोगुङ्लो, आङ्गाॽ खे़ने़ॽ के़दक्ले़ङ्वाओ खासे़न् चोःक्ने़ल्ले़ खम्भ्याङ् खे़ने़ॽ के़लुम्मो आङ्गाॽ सेसेन् ओसेःन्धाङ् चोगुङ्ङिल्ले़ ओगे़मबा के़रे़क्ले़ आङ्गाॽए यहवे दाङ्बाआ फाॽआङ् निङ्वाॽ मे़घोसुरो॥
खिनिॽ के़म्दे़म्सि के़म्देॽरिबा मे़न्छाम् सुवाङ्हाॽलाम् हे़क्क्याङ् फुत्छिङ्ज्याङ् के़से़रि के़बेगिबालाम् सुम्निङ् ताःत्निङ्ङिल्ले़ आङ्गाॽ आनिङ्वाॽ के़दाबा सिदुङ्जभा कुइसिक् आङ्गाॽ ताःक्निङ्ॽ॥ हे़क्क्याङ् खिनिॽ लुम्मो आङ्गाॽ सेसेबा चोःक्काबा पाःन्निन् ओसेःन्धाङ् चोगुङ्ङिल्ले़ के़रे़क् मे़न्छाम् सुवाङ्हाॽरे़ मे़निसुॽ॥
हे़क्क्याङ् खाॽमिःत्ते़ल्ले़ लाजेन् पन्छुबा कुइसिक् खे़ने़ॽ आङ्गाॽ आमना इस्राइलिहाॽ थङ्ङो के़भत्तुसिॽ॥ ताःन्दि के़दाबा ये़म्मो, गोगए, आङ्गाॽ आलाजेःल्ले़ कुदक्ले़ङ्वाओ खे़ने़ॽ ताःत्ने़रो, हे़क्केलॽरिक् मनाहाॽरे़ खुन्छिॽ तगि खे़ने़ॽलाम्बा आसेसेन् ओसेःन्धाङ् चोगुङ्ङिल्ले़ आङ्गाॽए यहवे दाङ्बाआ फाॽआङ् के़रे़क् मे़न्छाम् सुवाङ्हाॽरे़ निङ्वाॽ मे़घोसुरो॥
आल्ल आङ्गाॽ, नबुकदनेसररे़ साङ्ग्राम्पेदाङ्बा पयम् हाङ्ङिल्ले़ कुनारा, कुमिङ्सो कुधाःङ्सो फोसुङ्ॽ हे़क्क्याङ् मिमिदिङ् पिरुङ्ॽ, थेआङ्भे़ल्ले़ खुने़ॽ थे़मा चोगुसाङ् नुबा चोगुॽ, हे़क्क्याङ् कुयाःम्बक्हाॽ के़रे़क् कुदोःप्मा चोक्॥ हे़क्क्याङ् खुने़ॽ यम्बा के़हे़न्छिङ्बाहाॽ नःम्नःम्बा चोःक्मा सुक्तुसिरो॥
मुक्साम्दाङ्बा यहवे दाङ्बे़ल्ले़ अक्खे पाःत्तुॽ, “आङ्गाॽ आसे़वारोबा याकुबे़न् पिरुङ्बा लाजेॽ, इस्राइलबा मनाहाॽ आप्फेक् खुन्छिॽ लाजेॽओ याम्मो मे़युङ्ॽ॥ थेआङ्भे़ल्ले़ आङ्गाॽ खे़ङ्हाॽ फुत्छिङ्ज्याङ् से़सुङ्देसुङ्सिङ्ङाङ् मे़वये़बा माःङ्घाबा लाजेॽहाॽओलाम् याम्मो सुप्सुङ्सिङ्ॽ॥ आङ्गाॽ आमनाहाॽरे़ खुन्छिॽ लुम्मो आङ्गाॽ आसेसेन् इक्सादिङ् खाम्बेःक्मोबा मे़न्छाम् सुवाङ्हाॽ ओसेःन्धाक्तुङ्सिङ्ॽ॥
Piblisite