यसैया 49:5 - लिम्बु5 यहवे दाङ्बे़ल्ले़ए कुसे़वारोबा पोङ्मारे़ लागि आम्मारे़ कुसाप्पोःक्को नावागे़न् चइःत् चोगाङ्लो॥ आबाङे कुमनाहाॽ हे़क्क्याङ् इस्राइलबा फुत्छिङ्छाङ् के़से़बा मनाहाॽ नुःक्मा ताःप्मासिरे़ लागि युक्तिङ् चोगाङ्लो॥ खुने़ॽए आङ्गाॽ मिङ्सो इङ्धाङ् पिआरो, खुने़ॽग आङ्गाॽ आमुक्साम्मिल्ले़ कुबुन्लो॥ Gade chapit la |
यसैया 49:5
30 Referans Kwoze
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साःहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
कर निङ्वाॽफुमाङ्ङिल्ले़ इङ्गाॽ सामे़न्वाःन्छिङ्ङेआङ्धोए लुङ्माॽ तुक्ताङ्, हे़क्क्याङ् सेगाङ्ङाङ् से़वा चोःक्से़ उःत्ताङ्लो॥ निङ्वाॽफुमाङ्ङिल्ले़ इङ्गाॽ थिम्मे़न्दङ् सुवाङ्हाॽ ये़सुरे़ कुयाःम्बेओ सुनाइङ् इङ्भोसुङ्सिङ्ल फाॽआङ् आबुगे़न् कुस्सान् ओःन्धाक्मा कुसिराॽ थाङे़॥ खे़न् ये़म्मो इङ्गाॽ आत्तिन् मनाहाॽआङ् सुजा मे़नाःक्तुङ्सिङ्ङिन्,
आम्भा खुने़ॽए यहवे दाङ्बे़ल्ले़ कुहिम्मिन् चोगुॽ, हे़क्क्याङ् खुने़ॽ हाङ् मिङ्सो इङ्धाङ् खोसुॽ हे़क्क्याङ् खुने़ॽ कुहाङ्युक्नाओ युङ्ङाङ् हाङ्युक् चोगुॽ, खम्भ्याङ् खे़न् हाङ्युक्नाःल्ले़ कुबेसाङ् निङ्वाॽफुसाम्बा थिक् पोङ्ॽ॥ हे़क्क्याङ् खे़न् ने़प्फुरे़ खुन्छिॽ लुम्मो नादङ् पोङ्ॽ॥’
खे़ब्याङ् नहेम्याहःल्ले़ खे़ङ्हाॽ मे़त्तुसि, “आल्ल खिनिॽ पेगे़म्मे़ॽ हे़क्क्याङ् साभःङ्जा से़से़म्मे़ॽआङ् कुजा के़नुॽबा कुजा चे़म्मे़ थुङे़म्मे़ॽ॥ कुजा मे़ङ्गप्मनाबाहाॽ खुन्छिॽ तःक् लक् हाक्ताम्सिम्मे़ॽ॥ थेआङ्भे़ल्ले़ आनिॽ यहवे दाङ्बे़ल्ले़ कुलागि आइन्बा ये़न्निन् सेसेबा चोक्॥ खे़ल्ले़चोगुल्ले़ मे़रिङ् मे़धक्ते़म्मिन्ने़ॽ थेआङ्भे़ल्ले़ यहवे दाङ्बे़ल्ले़ के़सःत्तिर के़याःन्दिबा पाःन्निल्ले़ खिनिॽ के़धुम्बा के़बोक्खिरो॥”
Piblisite