यसैया 49:25 - लिम्बु25 कर यहवे दाङ्बे़ल्ले़ अक्खे पाःत्तुरो— “ओरो, थक्सुबाहाॽलाम् पुङ्लाहिम्मो साक्पा के़धाबाहाॽ हे़क्क्याङ् कुॽइगे़भे़म्बाहाॽलाम् मे़नाप्तुसिबा चिगक्वाहाॽ नाप्मा सुक्मे़दे़त्लो॥ आत्तिन्हाॽ खे़निॽनु खे़माॽ मे़जोक् आङ्गाॽ खे़ङ्हाॽनु खे़माॽ चोःक्कारो, खे़ब्याङ् आङ्गाॽ आस्सा आएहाॽ से़ःप्तुङ्सिङ्लो॥ Gade chapit la |
यसैया 49:25
39 Referans Kwoze
यरुसले़ःम्मिल्ले़ कुदक्ले़ङ्वाओ थङ् के़जोःक्पा के़रे़क् मे़न्छाम् सुवाङ्हाॽ यहवे दाङ्बे़ल्ले़ अक्तङ्बा लत्छा माङ्दुक्मे़ल्ले़ तरुसिर याःन्दुसिॽ—खे़ङ्हाॽ लाङ्ङिल्ले़ मे़दक्सिङ्ङाङ् मे़ये़प्पा ते़न्नोए खुन्छिॽ ने़क्सान् हर्गिॽ किबेक्, खे़ङ्हाॽरे़ खुन्छिॽ मिक्किन् खुन्छिॽ मिक्हङ्ङोए हर्गिॽ किबेक्, हे़क्क्याङ् खे़ङ्हाॽरे़ खुन्छिॽ ले़सोःत्ते़न् खुन्छिॽ मुराओए किबेःक्लो॥
इक्सादिङ् खाम्बेःक्कोबा मे़न्छाम् सुवाङ्हाॽरे़ यहवे दाङ्बे़ल्ले़ कुमनाहाॽ नुःङ्मा पेःक्मा मे़भाॽरुसिरो, हे़क्क्याङ् यहवे दाङ्बे़ल्ले़ कुलाजेॽओ युङ्से़ के़दाबा मनाहाॽरे़ इस्राइलिहाॽ से़वा मे़मे़त्तुसिआङ् याःम्बक् मे़जोगु मे़बिरुसिरो॥ खे़न् इस्राइलिहाॽ के़दे़म्बा के़घेःङ्बाहाॽ इस्राइलिहाॽरे़ मे़दे़म्सु मे़घेःक्खुसिरो, खे़ब्याङ् इस्राइलिहाॽरे़ खुन्छिॽ निङ्मिहाॽ सम्धाङ् युक् मे़जोगुरो॥
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
मिस्र लाजेॽओ खे़न् लुङ् सित्लाङ्ङिन् मुक्साम्दाङ्बा यहवे दाङ्बे़ल्ले़ कुलागि लत्छा मिक्सेन् नु तोःन्दि पोङ्ॽ॥ आयुक्युक्पा नु साक्के़ल्ले़क् के़जोःक्पा मनाहाॽरे़ मे़जोगुल्ले़ यहवे दाङ्बान् कुभाॽरे़ लागि पेलि मे़भाक्तुॽ, हे़क्क्याङ् खुने़ॽ खे़ङ्हाॽरे़ खुन्छिॽ लागि लत्छा से़न्लप्दाङ्बाधिक् नु के़से़ःप्पाधिक् पाङ्घुयुसुॽ, खे़ब्याङ् खे़ल्ले़ खे़न् मनाहाॽ खुन्छिॽ निङ्मिहाॽलाम् से़ःप्तुसिॽ॥
याङ्गे़साॽबा मनाहाॽरे़ खुन्छिॽ लागि हे़क्क्याङ् ये़त्तुक्खे के़दुम्बा कुधेआङ् के़होःप्पाहाॽरे़ लागि खे़ने़ॽ से़ःप्सिङ्मादे़न् के़बोक्खे़आङ् के़वाॽरो, सुरित् केजङ् हुःल्ले़ वाइःप्सिङ्मादे़न् हे़क्क्याङ् नाम्से़ःक्किल्ले़ इःम्सिङ्मादे़न् नाम्जिःक्खोॽ के़बोक्खे़आङ् के़वाॽरो॥ थेआङ्भे़ल्ले़ कुनिङ्वाॽ के़जिःप्पाहाॽरे़ खुन्छिॽ सक्माःङ्ग लुङ्धाक्को के़दोःक्पा सुरित् केजङ् कुइसिःक्लक् लॽरो,
खिनिॽ ताङ्गे़से़ःप्पा यहवे दाङ्बा खिनिॽ निङ्वाॽफुमाङ्ङिल्ले़ अक्खे पाःत्तुॽ, “आसाक्के़न् पोगे़आङ् थेआङ् मे़न्निबे़न्निल्ले़ खिनिॽ पिनिङ्बा चल्लाङ्ना खोर्यान् खे़त्तुङ्ल पत्तारो॥ खिनिॽ लाङ् ए़त्छिङ्ल के़याःम्बा चल्लाङ्ना खोर्यान् आल्लआङ्धो आफाल्ले़आङ् थुङ्मा मे़बोङ्ने़ल्लो॥
मुक्साम्साबा यहवे दाङ्बे़ल्ले़ उवा चोगुरो, “खे़प्से़ॽओ, आङ्गाॽ खे़ने़ॽ के़निङ्मिआरो॥ के़अन्लाहाॽ मिःक्खोॽ सुःङ्गु सुःङ्गु मिधिक्खुङ् पिने़रो, हे़क्क्याङ् के़वे़म्बा के़स्सा खिरिङ्बाहाॽ ताभेःल्ले़ मे़से़रुसिरो॥ आल्लआङ्धो खे़ने़ॽ लाजेॽओ सा के़न्नाःत्ने़ल्लो, खम्भ्याङ् खे़ने़ॽ के़इङ्घङ्साबाहाॽरे़ खुन्छिॽ इक्लान् आल्लआङ्धो याम्मो खे़म्मे़दे़त्ने़न्लो॥”
Piblisite