हाङ्माल्ले़ कुनु के़धुङ्बा अङे़ःक्वा हे़क्केए मुक्साम्साबा हाङ्हाॽ नु मुक्के़गुबा मे़न्छाम् सुवाङ्हाॽरे़ खे़ने़ॽ चाहा के़जोःक्पा पाःन्हाॽओ के़निङ्वाॽ के़म्दा के़म्बिरो॥ आङ्गाॽ, यहवे दाङ्बा, के़से़न्लप्दाङ्बा, खे़ब्याङ् खे़ने़ॽ के़धे़ॽबा, हे़क्क्याङ् इस्राइलबा मुक्साम्दाङ्बाआ फाॽआङ् खे़ने़ॽ कुसिङ्गे़निःत्तुरो॥
यसैया 49:23 - लिम्बु23 खे़ने़ॽ के़लागि हाङ्हाॽ पानुदिङ् पा हे़क्के हे़क्क्याङ् हाङ्माहाॽ मा हे़क्के कम्ब्राङ् के़मे़प्पा मे़बोङ्लो॥ खे़ङ्हाॽरे़ खे़ने़ॽ खाम्बाङ्ङो थारिक् अःक्खुम् मे़भन्छिङ्ङाङ् से़वा के़म्मे़त्लो, हन्नाङ् नःम्नःम्बा मे़बोङ्ङाङ् मिङ्सो इङ्धाङ् के़म्बिरो॥ हे़क्केलॽरिक् यहवे दाङ्बाआ फाॽआङ् खे़ने़ॽ निङ्वाॽ के़घोसुरो, आङ्गाॽ आलाम् ओगे़मे़प्पाहाॽ निङ्वाॽ तुक्मो मे़न्धाने़ल्लो॥” Gade chapit la |
यसैया 49:23
45 Referans Kwoze
यहवे दाङ्बे़ल्ले़ अक्खे पाःत्तुरो— “मिस्र लाजेॽओ के़बोःक्पा कुजान् नु कुस लाजेॽबा याङ्साकुन्धेन् खे़ने़ॽ के़याङ्साकुन्धे पोङ्लो॥ हे़क्क्याङ् सेबाबा कुलिङ्गे़न् केःम्ब केःम्बा मनाहाॽ खे़ने़ॽ के़योःग्बा मे़बोङ्लो॥ फे़न्जेॽ थक्क्रङ्ङिल्ले़ इमे़घेःक्खुसिआङ् खे़ङ्हाॽ के़एगाङ् मे़भे़न्लो, खे़ङ्हाॽरे़ खे़ने़ॽ से़वा के़म्मे़त् हे़क्क्याङ् अक्खे पाःप्मा मे़दे़ल्लो॥ ‘निङ्वाॽफुमाङ्ङिन् खे़ने़ॽनु वाॽरो, खुने़ॽरक् निङ्वाॽफुमाङ्लो॥’”
युक्साबाहाॽरे़ खुन्छिॽ से़वारोबा, सुवाङ्हाॽरे़ साॽरिक् कुनामे़न्छाॽरुम्बा नु मे़जिःत्तुबान्, यहवे दाङ्बा, के़धे़ॽबा नु इस्राइलबा निङ्वाॽफुमाङ्ङिल्ले़ खे़न् मे़त्तुरो, “हाङ्हाॽरे़ खे़ने़ॽ के़म्नि हे़क्क्याङ् मे़बोःक्काङ् मे़ये़प्लो॥ हाङ्साहाॽरे़ खे़ने़ॽ के़म्निरो खे़ब्याङ् के़दगि साम्बोन् हबत् मे़भन्छिङ्लो॥ थेआङ्भे़ल्ले़ नसाःन्साबा यहवे दाङ्बा, इस्राइलबा सेसे निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो॥”
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
कङ्ग साम्योसाप्लाओ अक्खेलॽरिक् साप्ते़बा कुइसिक् पोःक्खे़रो, “ओमे़त्ते़म्मे़ॽ, इङ्गाॽ यरुसले़म्मो मनाहाॽ मे़दोःक्ल फाॽआङ् मना के़घबा लुङ्ङिन् ने़स्सुङ्लो, हे़क्क्याङ् मे़ले़ःङ्ङाङ् मे़गे़ङ्ल फाॽआङ् लुङ्जेक् ने़स्सुङ्लो, कर खुने़ॽ सम्दाङ् नसान् के़जोःक्पाङ्ग आप्फाल्ले़आङ् सिरिङ्ममो मे़धाने़न्लो॥”
हे़क्केलॽरिक्के खुने़ॽ यरिक् मे़न्छाम् सुवाङ्हाॽ खुन्छिॽ निङ्वाॽ मासु पिरुसिरो खुने़ॽ चोगुल्ले़ हाङ्हाॽ स्वाःत् मे़म्बाःत्ते मे़युङ्लो, थेआङ्भे़ल्ले़ खुन्छिॽ मे़म्मे़त्छिङ्ङे के़वाॽबा पाःन्हाॽ खे़ङ्हाॽरे़ मे़निसुरो, खे़ब्याङ् खे़ङ्हाॽरे़ मे़ङ्घे़म्मे के़वाॽबा पाःन्हाॽ कुसिङ् मे़निःत्तुरो॥”
मे़न्छाम् सुवाङ्हाॽ खे़ने़ॽ के़सेरोवा मे़बोङ्लरो, हे़क्क्याङ् मनाहाॽरे़ खे़ने़ॽ से़वा के़म्मे़त्लरो॥ के़म्भुॽ के़न्साॽसि के़युक्को मे़वाॽररो, खे़ने़ॽ के़म्मारे़ कुस्साहाॽरे़ खे़ने़ॽ से़वा के़म्मे़त्लरो॥ खे़ने़ॽ साङ्ग्रा माङ्दे के़मे़प्पाहाॽ के़रे़क् साङ्ग्राःल्ले़ ते़त्तुसिररो, हे़क्क्याङ् खे़ने़ॽ मुॽइसाम् के़बिबा के़रे़क्ले़ मुॽइसाम् मे़घोसुररो॥”
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
इक्सादिङ् खाम्बेःक्कोबा मे़न्छाम् सुवाङ्हाॽरे़ यहवे दाङ्बे़ल्ले़ कुमनाहाॽ नुःङ्मा पेःक्मा मे़भाॽरुसिरो, हे़क्क्याङ् यहवे दाङ्बे़ल्ले़ कुलाजेॽओ युङ्से़ के़दाबा मनाहाॽरे़ इस्राइलिहाॽ से़वा मे़मे़त्तुसिआङ् याःम्बक् मे़जोगु मे़बिरुसिरो॥ खे़न् इस्राइलिहाॽ के़दे़म्बा के़घेःङ्बाहाॽ इस्राइलिहाॽरे़ मे़दे़म्सु मे़घेःक्खुसिरो, खे़ब्याङ् इस्राइलिहाॽरे़ खुन्छिॽ निङ्मिहाॽ सम्धाङ् युक् मे़जोगुरो॥
यहवे दाङ्बे़ल्ले़ पाःत्तुरो, “इस्राइलबा मनासे, खे़निॽग आङ्गाॽ आदोःन्दिनिङ्लो सेःक्निङ्बा आसे़वारोबानिङ्लो, खे़ल्ले़चोगुल्ले़ खे़निॽ आङ्गाॽ कुसिङ् याप्मि के़निःत्तिरो हे़क्क्याङ् नसान् याप्मि के़जोगिरो, खे़म्ब्याङ् खे़ङ्ग आङ्गाॽएरो फाॽआङ् कुसिङ् के़निःत्तुम्लो॥ आङ्गाॽनुःल्ले़ तगि हाःत्ताङ् माङ् मे़म्बोङ्ङे वये़रो, हे़क्क्याङ् ताःन्दिआङ् हाःत्ताङ् माङ् मे़बोङ्ने़ल्लो॥
Piblisite