यसैया 49:22 - लिम्बु22 यहवे दाङ्बा निङ्वाॽफुमाङ्ङिल्ले़ अक्खे पाःत्तुॽ— “ओमे़त्ते़ॽओ, आङ्गाॽ इक्सादिङ् खाम्बेःक्मोबा मे़न्छाम् सुवाङ्हाॽ हुक्चाःल्किःल्ले़ उःत्तुङ्सिङ्लो, हे़क्क्याङ् आङ्गाॽ आनिसान् इक्सादिङ् खाम्बेःक्मोबा मे़न्छाम् सुवाङ्हाॽरे़ खुन्छिॽ तगि लेःत्तुङ्लो॥ खे़ङ्हाॽरे़ खे़ने़ॽ के़स्सा ये़म्बित्छाहाॽ खुन्छिॽ हुक्को मे़बक्खुसिआङ् मे़दारुसि के़म्बिरो, खे़ब्याङ् के़स्सा मे़न्छुमाहाॽग खे़ङ्हाॽरे़ खुन्छिॽ फक्ताङ्ङो मे़बक्खुसिआङ् मे़दारुसिरो॥ Gade chapit la |
यसैया 49:22
20 Referans Kwoze
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
खे़म्ब्याङ् खे़ङ्हाॽरे़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽलाम् खिनिॽ के़रे़क् फुॽनुसाॽहाॽ अन्हाॽ, अन्लाधाहाॽ, लाधाहाॽ, अदङ्हाॽ नु उमेहाॽओ कक् मे़जोगुआङ् आङ्गाॽ आसेसे कोःक्मा यरुसले़ःम्मो यहवे दाङ्बे़ल्ले़ कुलागि सिदुङ्जभा हे़क्के मे़दारुॽ॥ इस्राइलबा मनाहाॽरे़ खुन्छिॽ साहाॽरे़ मे़दारुबा पोगुगे़न् कुजाःल्ले़न् सिदुङ्जभाहाॽ सुत्थो खप्प्याओ मे़याक्तुआङ् यहवे दाङ्बे़ल्ले़ कुहिम्मो मे़दारुबा हे़क्के खे़ङ्हाॽरे़ कन्हाॽ मे़दारुसिॽ॥
इक्सादिङ् खाम्बेःक्कोबा मे़न्छाम् सुवाङ्हाॽरे़ यहवे दाङ्बे़ल्ले़ कुमनाहाॽ नुःङ्मा पेःक्मा मे़भाॽरुसिरो, हे़क्क्याङ् यहवे दाङ्बे़ल्ले़ कुलाजेॽओ युङ्से़ के़दाबा मनाहाॽरे़ इस्राइलिहाॽ से़वा मे़मे़त्तुसिआङ् याःम्बक् मे़जोगु मे़बिरुसिरो॥ खे़न् इस्राइलिहाॽ के़दे़म्बा के़घेःङ्बाहाॽ इस्राइलिहाॽरे़ मे़दे़म्सु मे़घेःक्खुसिरो, खे़ब्याङ् इस्राइलिहाॽरे़ खुन्छिॽ निङ्मिहाॽ सम्धाङ् युक् मे़जोगुरो॥
हाङ्ङिल्ले़ कुमिङ्ङिन् आभे़ल्ले़साङ् तिःत्लरो, नाम्मिन् ओःप्पा कुइसिक् चक्मे़ल्लॽए खुने़ॽ कुमिङ्सो कुधाःङ्सो पोङ्लरो॥ के़रे़क् मे़न्छाम् याप्मिहाॽरे़ खुने़ॽलाम्बा हाङ्वागे़न् मुॽइसाम् मे़घोसुरो, हे़क्क्याङ् खुने़ॽ मुॽइसाम् पिरुर फाॽआङ् इक्सादिङ् खाम्बेःक्मोबा मे़न्छाम् सुवाङ्हाॽरे़ ले़न्दिक् नाम्धाधा निङ्वाॽफुमाङ्ङिन् पेलि मे़भाक्तुररो॥
आङ्गाॽ थाङ्गे़त् ले़प्साङ्ङिन् मे़त्तुङ्लो, ‘खे़ङ्हाॽ पेःक्मा फाःक्ते़से़ॽओ॥’ हे़क्क्याङ् लाङ्गे़त् ले़प्माङ्ङिन् मे़त्तुङ्लो, ‘खे़ङ्हाॽ मे़साक्ते़से़न्ने़ॽओ॥’ आङ्गाॽ आस्सा ये़म्बित्छाहाॽ माःङ्घालाम् नुःक्ते़से़ॽओ खे़ब्याङ् आस्सा मे़न्छुमाहाॽ इक्सादिङ् खाम्बेःक्माल्ले़ नासमा कुयाओनु फे़त्ते़से़ॽओ,
“यरुसले़ःम्बा मनासे, ये़क्यक्कोलाम् लःन्दे़म्मे़ॽआङ् पेगे़म्मे़ॽओ हे़क्क्याङ् खे़निॽ के़नुःङ्बा के़दाबा आमनाहाॽरे़ लागि लत्छा लाम् चोगे़म्मे़ॽओ! लाम्धिक् यारिप् चोगे़म्मे़ॽओ, खे़म्मोबा लुङ्हाॽ खे़त्ताम्मे़ॽओ! लत्छा मिक्सेःन्धिक् लेःत्ताम्मे़ॽओ हे़क्क्याङ् के़रे़क् मे़न्छाम् सुवाङ्हाॽरे़ खे़न् मे़निसुररो॥
“हे़क्क्याङ् आङ्गाॽ खे़ङ्हाॽरे़ खुन्छिॽ लुम्मो लत्छा मिक्सेःन्धिक् पिरुङ्सिङ्ॽ॥ कर आङ्गाॽ खे़ङ्हाॽओ कुभा के़हिङ्बा के़याःक्पाहाॽ आङ्गाॽ आमिङ् तिःप्पा, चोगुङ्बा याःम्बक्हाॽ, आमुक्साम्मिन् हे़क्क्याङ् के़रे़क्नुःल्ले़ यम्बाआ फाॽआङ् मे़ङ्घे़म्मे के़वाॽबा मे़न्छाम् सुवाङ्हाॽओ नु माःङ्घा माःङ्घाबा लाजेॽहाॽओ पाङ्घुङ्सिङ्ॽ, इग्र तार्सिस, लिबिया नु तोङ् लि याङ्मा के़ले़बा मना के़युङ्बा लुद नु तुबल खे़म्ब्याङ् ग्रिस लाजेॽहाॽओ पाङ्घुङ्सिङ्ॽ॥ कन् लाजेॽहाॽओ आङ्गाॽ पयम् यम्बा चोःक्का फाॽआङ् खे़ङ्हाॽरे़ उवा मे़जोगुॽ॥
Piblisite