यसैया 49:19 - लिम्‍बु

¹⁹ “खे़ने़ॽ के़लाजेन् खाप्‍पुध्‍यःङ् नु चा मे़न्‍नुॽमनाबा पोःक्‍खे़आङ् ने़रो, आल्‍ल के़दाबाआङ् खे़प्‍मो के़युङ्‌बाहाॽरे़ लागि साॽरिक् चुःक्‍सा पोङ्‌लो, खे़ब्‍याङ् आत्तिल्‍ले़ खाप्‍पुथ्‍यःङ् के़जोगे़ खे़न् खे़ने़ॽलाम्‍बा यरिक् माःङ्‌घा पोङ्‌ल मे़याःन्‍दुरो॥

यसैया 49:19 Referans Kwoze

जकरिया 10:10

आङ्‌गाॽ खे़ङ्‌हाॽ मिस्र लाजेॽलाम् नुःक्‍तुङ् तारुङ्‌सिङ्‌लो, हे़क्‍क्‍याङ् अस्‍सुर लाजेॽलाम् खे़ङ्‌हाॽ सुप्‍सुङ्‌सिङ्‌लो॥ आङ्‌गाॽ खे़ङ्‌हाॽ गिलाद नु लेबनान लाजेॽहाॽओ तारुङ्‌सिङ्‌लो खे़ब्‍याङ् खे़प्‍मो काक् लाजेन् मनाहाॽरे़ सधे़क् मे़धिम्‍सुरो॥

यसैया 51:3

“यहवे दाङ्‌बे़ल्‍ले़ से़क्‍खासाङ् यरुसले़म के़युङ्‌बाहाॽ हाङ्‌हाङ् मे़त्तुसिरो, हे़क्‍क्‍याङ् खुने़ॽ खे़न् के़लुःम्‍बा हिम्‌यःक्‍हाॽ लुङ्‌माॽ तुक्‍तुआङ् ओमे़त्तुरो॥ खे़ब्‍याङ् खे़प्‍मोबा मुरे़क् खारे़क्‍पा ये़ःङ्‌घादे़न्‍निन् अदन सिङ्‌सेॽइक्‍के़न् कुसिङ् चोगुरो, हे़क्‍क्‍याङ् चा मे़न्‍नुॽमनाबा खाम्‍बेःक्‍के़न् यहवे दाङ्‌बे़ल्‍ले़ कुसिङ्‌सेॽइक् हे़क्‍के चोगुरो॥ पसःत् सःप्‍मा नु निङ्‌वाॽ तामा, हे़क्‍क्‍याङ् नुगे़न् पिमा नु साम्‍लोमारे़ इक्‍लान् खे़ॽयो खोदे़त्‍लो॥

जकरिया 2:11

खे़न् ये़न्‍नो यरिक् मे़न्‍छाम् सुवाङ्‌हाॽ यहवे दाङ्‌बाओ फुङ्‌सिङ्‌से़ मे़दारो हे़क्‍क्‍याङ् आङ्‌गाॽ आमना मे़बोङ्‌ॽ॥ “आङ्‌गाॽ खिनिॽ लुम्‍मो वाॽआ हे़क्‍क्‍याङ् आङ्‌गाॽ मुक्‍साम्‍दाङ्‌बा यहवे दाङ्‌बे़ल्‍ले़ पाङ्‌घाङ्‌बा फाॽआङ् खिनिॽ निङ्‌वाॽ के़घोसुम्‌ॽ॥

जकरिया 2:4

हे़क्‍क्‍याङ् खुने़ॽ मे़त्ताङ्, “लोःक्‍ते़ॽर पेगे़ॽआङ् खे़न् थाङ्‌बे़न् मनान् मे़त्ते़ॽ, मनाहाॽ नु थक्‍साहाॽ यरिक् खानिःत् मे़वाॽबाल्‍ले़ चोगुल्‍ले़ यरुसले़ःम्‍मिन् लुङ्‌धाक् मेःन्‍नेबा ये़क्‌यक् पोङ्‌ॽ॥

इजकिएल 36:3

खे़ल्‍ले़चोगुल्‍ले़ माङ्‌निङ्‌वाॽपान् पाःत्ते़ॽआङ् मे़त्ते़से़ॽ—यरिक् मे़न्‍छाम् सुवाङ्‌हाॽरे़ खुन्‍छिॽ याङ्‌साकुन्‍धे के़म्‍जोगि हे़क्‍क्‍याङ् साॽरिक् नामे़न्‍छान् मे़प्‍मा नु इङ्‌दो मे़प्‍मा चाहाक् के़म्‍जोगिआङ् के़रे़क् पिसाङ्‌लाम् खिनिॽ निङ्‌मिहाॽरे़ के़म्‍भत्तिआङ् वाॽ॥

यर्मिया 51:44

हे़क्‍क्‍याङ् बेबिलोनबा बेल माङ्‌ङिन् खुम्‍दिङ् पिरुङ्‌लो खे़ब्‍याङ् खे़ल्‍ले़ चबा के़रे़क् पे़सुर याःन्‍दुङ्‌लो॥ आल्‍लआङ्‌धो मे़न्‍छाम् सुवाङ्‌हाॽ मे़न्‍दाने़न्‍लो हे़क्‍क्‍याङ् खे़न् से़वा मे़म्‍मे़त्तुन्‍लो॥ बेबिलोनबा लुङ्‌धाक्‍हाॽ लुःन्‍दे़आङ् ने़रो!

यर्मिया 51:33

मुक्‍साम्‍दाङ्‌बा यहवे दाङ्‌बा इस्राइलबा निङ्‌वाॽफुमाङ्‌ङिल्‍ले़ अक्‍खे पाःत्तुरो— “बेबिलोने़न् खा चिराक् चिराक् लाःक्‍मारे़ लागि, चाधाम्‍मादे़न्‍नो के़ने़बा मासि हे़क्‍तङ्‌बा चोक्‍लो॥ आल्‍ल सप्‍फाधिक् एगाङ्‌ले़ खे़न् चासुम्‍मान् हेःक्‍सिङ्‌लो॥”

यर्मिया 30:16

“कर आल्‍ल खिनिॽ के़लप्‍पाहाॽ के़रे़क् मे़लरुसिरो, खिनिॽ निङ्‌मिहाॽ मे़दे़म्‍सु मे़देॽरुसिरो॥ खिनिॽ तुक्‍खे के़जाःप्‍पाहाॽ के़रे़क् तुक्‍खे मे़जाःत्तुसिरो हे़क्‍क्‍याङ् खिनिॽ के़नाप्‍पाहाॽ के़रे़क् मे़नाप्‍तुसिरो॥

यसैया 49:17

“खे़निॽ साहाॽ हारावराॽ मे़नुःङ् मे़दारो, हे़क्‍क्‍याङ् खे़निॽ मे़ङ्‌मा के़गोःप्‍पाहाॽ खे़निॽ तगिलाम्‍बा मे़लःन्‍नाङ् मे़बेःक्‍लो॥

यसैया 49:8

यहवे दाङ्‌बे़ल्‍ले़ अक्‍खे पाःत्तुरो— “सुये़म्‍मो आङ्‌गाॽ खे़ने़ॽ नुगप् पिने़रो, हे़क्‍क्‍याङ् से़न्‍लप् पिमा ये़न्‍नो आङ्‌गाॽ खे़ने़ॽ फाॽने़रो॥ चिजि खक्‍खक् के़बोङ्‌बा इस्राइलबा लाजेन् याम्‍मो फोङ्‌मारे़ लागि हे़क्‍क्‍याङ् खे़न् लाजेःल्‍ले़ आबाङे कुन्‍दाङ्‌बाहाॽ याम्‍मो नुःक्‍मा पिमासिरे़ लागि आङ्‌गाॽ खे़ने़ॽ से़ःप्‍ने़ कत्‍ने़रो खे़ब्‍याङ् मनारे़ लागि आङ्‌गाॽ खे़ने़ॽ माङ्‌हुप् चोःक्‍ने़रो,

यसैया 5:6

आङ्‌गाॽ खे़न् मुरे़क् खारे़क् चोगुङ्‌ङाङ् लाप्‍फुसुङ्‌लो, खे़न् हाःत्‍ले़आङ् मे़न्‍छित्तुन् मे़न्‍छाःक्‍तुन्‍लो॥ खे़ॽयो सेर्द्राःक्‍मा नु तिङ्‌हाॽरक् लिङ्‌लो आङ्‌गाॽ खाॽमिःत्ते़न्‍नाङ् खे़ॽयो वहित् मे़धाने़ल्‍ल फाॽआङ् इङ्‌जाङ् पिरुङ्‌लो॥”

खाहुन् 1:12

खे़मायङ्‌सङ्‌ङिल्‍ले़ कुम्‍ब्रान् हन्‍दुआङ् खे़न्‍हाॽ कुहिङ्‌वे़त् लरुसिबा कुइसिक् हे़क्‍क्‍याङ् लुम्‍बाःत्तो के़धाबाआङ् कुबुङ्‌ङो के़गे़प्‍पाहाॽ कुइसिक्, खे़ङ्‌हाॽ के़रे़क् आनिॽ कुहिङ्‌वे़त् लरुम्‍देसुम्‍सिम्‍लो॥

निङ्‌वाॽफु साम्‍लोसुम् 124:3

आनिगे तक्‍ले़ङ्‌वाओ खुनिॽ साॽरिक् सिक् पोगे़आङ् खे़ङ्‌हाॽरे़ कुहिङ्‌वे़त्ते मे़से़रिगे़बामे़न्‍लो॥

यसैया 1:7

खिनिॽ लाजेन् चिजि खक्‍खक् पोःक्‍खे़आङ् ने़रो, खिनिॽ पाङ्‌जुम्‍हाॽग आम्‍भा खे़निॽ तगिए वेॽ लाजेॽबा मनाहाॽरे़ मिमे़धिक्‍खुआङ् ने़रो॥ वेॽ लाजेॽबा मनाहाॽरे़ मे़मे़क्‍सुबा कुइसिक् खे़न् ते़न्‍निन् चिजि खक्‍खक् पोःक्‍खे़आङ् ने़रो॥

यसैया 3:8

यरुसले़ःम्‍मिन् खा लुःम्‍मा खे़प्‍मा चोक्‍लो, हे़क्‍क्‍याङ् यहुदाःन्‍नाङ् चोःन्‍ल पत्‍लो, खे़ॽयो के़युङ्‌बा मनाहाॽरे़ खुन्‍छिॽ पाःन्‍जाःक्‍किन् नु याःम्‍बक्‍किन् यहवे दाङ्‌बे़ल्‍ले़ कुनिमाओ ताप्‍फे़ःम्‍बा चोक्‍लो खुने़ॽ कुमिमिदिङ्‌गे़न् कुदामा कुयुमे़न् खे़ङ्‌हाॽरे़ निनिबा मे़अत्तुरो॥

यसैया 54:3

थेआङ्‌भे़ल्‍ले़ यरिक् के़बोङ्‌ङाङ् चुक्‌वा नु फे़ङ्‌वा के़बोरो, हे़क्‍क्‍याङ् खे़ने़ॽ के़धिन्‍दाङ् सायोबोराहाॽरे़ मे़न्‍छाम् सुवाङ्‌हाॽ खुन्‍छिॽ मे़युङ्‌बादे़न्‍नोलाम् मे़लःत्तु मे़देसुसिरो, खे़ब्‍याङ् खे़ङ्‌हाॽरे़ मे़ले़रु मे़धबा ते़न्‍हाॽओ मे़युङ्‌लो॥

जकरिया 2:8

थेआङ्‌भे़ल्‍ले़, मुक्‍साम्‍दाङ्‌बा यहवे दाङ्‌बे़ल्‍ले़ आङ्‌गाॽ मिङ्‌सो इङ्‌धाङ् पिराङ्‌ङाङ् पाङ्‌घाङ्‌ङाङ् एगाङ् आत्तिन्‍हाॽरे़ खिनिॽ के़म्‍नाप्‍ति के़म्‍हिप्‍तिॽ, खुने़ॽ पाःत्तुॽ, “थेआङ्‌भे़ल्‍ले़ हाःत्‍ले़ खिनिॽ के़सुसिॽ खे़ल्‍ले़ आङ्‌गाॽ आमिक्‍हाङ्‌मे़न् सुसुॽ॥