हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
यसैया 49:12 - लिम्बु12 ओमे़त्ते़म्मे़ॽ, खे़ङ्हाॽ माःङ्घालाम् मे़दारो— कुभा थाङ्गे़त् पिसाङ्नु, कुभा नाम्धा पिसाङ्नु खे़ब्याङ् कुभा लाङ्गे़त् पिसाङ् आस्वान लाजेॽलाम् मे़दारो॥” Gade chapit la |
यसैया 49:12
24 Referans Kwoze
कन् एगाङ् खे़प्मो आत्तात्तान्ने निःप्मा सुक्मे़न्दे़प्मना मनाहाॽ, के़रे़क् लाजेॽहाॽ, के़रे़क् मे़न्छाम् सुवाङ्हाॽ, हे़क्क्याङ् के़रे़क् पाःन्दाङ्हाॽलाम्, हाङ्युक्नान् नु मे़ल्लुक्साःल्ले़ कुदगि कब्रिङ् मे़ये़बे़बा निसुङ्सिङ्॥ खे़ङ्हाॽरे़ फदाङ्बा तेत् मे़जाक्खुआङ् खुनिॽ हुक्को खे़बक्सिङ्ङिल्ले़ कुबोराक्हाॽ मे़बक्खुआङ् मे़ये़बे़॥
यरिक् मे़न्छाम् सुवाङ्हाॽ मे़दाआङ् अक्खे मे़बाःत्तुरो, “त्ये़म्मे़ॽओ, यहवे दाङ्बे़ल्ले़ कुगोःक्मान् लिङुम्लो, हे़क्क्याङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ कुलाम्मो लाङ्घेःक्मा आनिॽ आहुॽरो, हे़क्केलॽरिक् आनिॽ खुने़ॽ कुलाम्मो लाङ्घेःक्मा आसुक्लरो॥” थेआङ्भे़ल्ले़ साम्योथिम् इङ्जाङ्ङिन् सियोनलाम् तारो, हे़क्क्याङ् यहवे दाङ्बे़ल्ले़ कुबाःन्जाक्किन् यरुसले़मलाम् लःन्लो॥
हाङ्ङिल्ले़ कुमिङ्ङिन् आभे़ल्ले़साङ् तिःत्लरो, नाम्मिन् ओःप्पा कुइसिक् चक्मे़ल्लॽए खुने़ॽ कुमिङ्सो कुधाःङ्सो पोङ्लरो॥ के़रे़क् मे़न्छाम् याप्मिहाॽरे़ खुने़ॽलाम्बा हाङ्वागे़न् मुॽइसाम् मे़घोसुरो, हे़क्क्याङ् खुने़ॽ मुॽइसाम् पिरुर फाॽआङ् इक्सादिङ् खाम्बेःक्मोबा मे़न्छाम् सुवाङ्हाॽरे़ ले़न्दिक् नाम्धाधा निङ्वाॽफुमाङ्ङिन् पेलि मे़भाक्तुररो॥
खे़निॽ मिक्के़ल्ले़ के़रे़क् पिसाङ् थे पोङ्ल पत् खे़न् ओमे़त्ते़म्मे़ॽओ, खे़निॽ मनाहाॽ मे़जुम्ल मे़बत् खे़ङ्हाॽ हिम्मो मे़दार मे़बत्लो॥ आङ्गाॽ सदादिङ् कुहिङ्वे़त् वाॽआबा कुइसिक् यहवे दाङ्बे़ल्ले़ पाःत्तुरो, ‘सिसामेःत्तिन् वाःत्ति सामापुमाहाॽ नु हाङ्हाङ् लॽबा कुसिङ् खे़ने़ॽ के़मनाहाॽनु हाङ्हाङ् के़लॽरो॥’
आल्ल खे़निॽ वेॽ लाजेॽबा मे़न्छाम् सुवाङ्हाॽ के़उःत्तुम्सिम्लो— थिक् ये़म्मो खे़ङ्हाॽरे़ खे़निॽ कुसिङ् के़मे़न्निःत्तिल्लो, कर आल्ल खे़ङ्हाॽ खिनिॽनु फुत्छिङ्मारे़ लागि मे़लोक् मे़दारो! थेआङ्भे़ल्ले़ यहवे दाङ्बा खिनिॽ निङ्वाॽफुमाङ् इस्राइलबा सेसेबाल्ले़ खिनिॽ मिमिदिङ् चोःक्निङ्ङाङ् वाॽरो॥”
नाम्धा पिसाङ्बा लाजेॽओ के़युङ्बा मनाहाॽरे़ यहवे दाङ्बे़ल्ले़ कुमिङ्ङिन् इङ्धाङ् मे़बिरुरो, हे़क्क्याङ् तॽइ नाङ्गे़न् ले़प्साङ्लाम् खे़ङ्हाॽरे़ खुने़ॽ मिमिदिङ् मे़बिरुरो॥ थेआङ्भे़ल्ले़ खुने़ॽ के़गुङ्बा के़युबा च्वाःत् हे़क्के युरो, खे़न् के़गुङ्बा के़युबा च्वाःत्हाॽ यहवे दाङ्बे़ल्ले़ कुसक्माःल्ले़ सुःन्दु युरुरो॥
“आसे़वारोबा याकुबे, मे़गिसे़न्ने़ॽओ॥ इस्राइलबा यक्युङ्बासे, किमा यङ्माओ मे़ध्ये़म्मिन्ने़ॽओ॥ खे़ने़ॽ नु खे़ने़ॽ के़मुॽइदाङ्साहाॽ माःङ्घाबा लाजेॽओ के़म्बाङ्घिआङ् के़वयिरो, खे़प्मोलाम् खिनिॽ थे़ॽनिङ्ङाङ् ताःत्निङ्लो॥ याकुबे़न् याम्मो नुॽदाआङ् ताप्थेक् याम्धेक् पोङ्लो॥ हाःत्ले़आङ् खुने़ॽ यङ्मा मे़से़रुन्लो॥
खे़न् माःङ्घा माःङ्घा के़युङ्बाहाॽ मे़दाआङ् यहवे दाङ्बे़ल्ले़ कुहिम्मिन् चोःक्मा मे़भाॽरुसिॽ, हे़क्क्याङ् मुक्साम्दाङ्बा यहवे दाङ्बे़ल्ले़ आङ्गाॽ खिनिॽओ पाङ्घाङ्बा फाॽआङ् कुसिङ् के़निःत्तुम्ॽ॥ खिनिॽ निङ्वाॽ के़बिरुम्माङ् यहवे दाङ्बा खिनिॽ निङ्वाॽफुमाङ्ङिल्ले़ कुइङ्जाङ्हाॽ के़इःत्तुम् के़नाःत्तुम्ने़भग्र कन् पाःन्हाॽ पोङ्लो॥
Piblisite