यसैया 49:1 - लिम्बु1 वागप्खाम् लाजेॽहाॽओ के़युङ्बासे, आङ्गाॽ आबाःन्निन् खे़प्साम्मे़ॽओ॥ माःङ्घा के़युङ्बा सुवाङ्से, कन् पाःन्निन् खे़प्साम्मे़ॽओ॥ सावाःन्छिङ्मानुःल्ले़ तगि यहवे दाङ्बे़ल्ले़ आङ्गाॽ उःत्ताङ्लो॥ आङ्गाॽ सावाःन्छिङ्ङाङ्ङाङ्धोए खुने़ॽ आमिङ्ङिल्ले़न् पान् पाःत्तुआङ् वाॽरो॥ Gade chapit la |
यसैया 49:1
34 Referans Kwoze
कर निङ्वाॽफुमाङ्ङिल्ले़ इङ्गाॽ सामे़न्वाःन्छिङ्ङेआङ्धोए लुङ्माॽ तुक्ताङ्, हे़क्क्याङ् सेगाङ्ङाङ् से़वा चोःक्से़ उःत्ताङ्लो॥ निङ्वाॽफुमाङ्ङिल्ले़ इङ्गाॽ थिम्मे़न्दङ् सुवाङ्हाॽ ये़सुरे़ कुयाःम्बेओ सुनाइङ् इङ्भोसुङ्सिङ्ल फाॽआङ् आबुगे़न् कुस्सान् ओःन्धाक्मा कुसिराॽ थाङे़॥ खे़न् ये़म्मो इङ्गाॽ आत्तिन् मनाहाॽआङ् सुजा मे़नाःक्तुङ्सिङ्ङिन्,
यहवे दाङ्बे़ल्ले़ए कुसे़वारोबा पोङ्मारे़ लागि आम्मारे़ कुसाप्पोःक्को नावागे़न् चइःत् चोगाङ्लो॥ आबाङे कुमनाहाॽ हे़क्क्याङ् इस्राइलबा फुत्छिङ्छाङ् के़से़बा मनाहाॽ नुःक्मा ताःप्मासिरे़ लागि युक्तिङ् चोगाङ्लो॥ खुने़ॽए आङ्गाॽ मिङ्सो इङ्धाङ् पिआरो, खुने़ॽग आङ्गाॽ आमुक्साम्मिल्ले़ कुबुन्लो॥
खिनिॽनु के़बाःप्पा निङ्वाॽफुमाङ्ङिन् मे़न्नाॽमा फाॽआङ् सिङ्सिङ् लॽरे़म्मे़ॽओ॥ थेआङ्भे़ल्ले़ इक्साबा इङ्गे़साबा मोसाःल्ले़ कुसाम्दिङ्ङिन् खे़म्मा मे़न्दे़म्मनाबा इस्राइलिहाॽ ताङ्मे़न्छे़ःप्ते़न्निल्ले़ साङ्ग्राम्पेदाङ्लाम्बा निङ्वाॽफुमाङ्ङिल्ले़ साम्दिङ् आबिःल्ले़ आनिॽ आनाॽरुम्ने़ फाॽग्र आनिॽआङ् आन्दाङ्ने़न्लो॥
कुत्चाॽए वागप्खाम्मो के़युङ्बाहाॽरे़ खुने़ॽ ओमे़मे़त्तुरो, तगि ले़ङ्हङ् के़जोःक्पा यम्बा वालाधाहाॽ मे़ये़प्लो॥ यहवे दाङ्बा खे़ने़ॽ के़निङ्वाॽफुमाङ्ङिल्ले़ लागि, इग्र इस्राइलबा सेसे निङ्वाॽफुमाङ्ङिल्ले़ कुमिङ्सो इङ्धाङ्ले़ लागि खे़ङ्हाॽरे़ खे़ने़ॽ के़स्सा ये़म्बित्छा मे़न्छुमाहाॽ खुन्छिॽ साम्म्याङ् युप्पानु सोरिक् माःङ्घा माःङ्घालाम् मे़दारुसिरो॥ थेआङ्भे़ल्ले़ खुने़ॽ कुहाङ्वा कुमाङ्वारे़ के़गाप्ते़आङ् वाॽरो॥
आङ्गाॽ आसाम्योबा पाःन्हाॽ हारा निःत्ताङ् तारो, आङ्गाॽ आसे़न्लप्पिन् लाम्मोसा तार पत्लो, हे़क्क्याङ् आङ्गाॽ आमुक्साम्मिल्ले़ मे़न्छाम् सुवाङ्हाॽओ खासे़न् तारुङ्लो॥ वरःङ्ङिल्ले़ कुयाओ के़युङ्बाहाॽरे़ आङ्गाॽ ओमे़मे़त्तारो, खे़ब्याङ् आङ्गाॽ आमुक्साम्मो खे़ङ्हाॽरे़ लाम् ओमे़मे़त्तुरो॥
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
“हे़क्क्याङ् आङ्गाॽ खे़ङ्हाॽरे़ खुन्छिॽ लुम्मो लत्छा मिक्सेःन्धिक् पिरुङ्सिङ्ॽ॥ कर आङ्गाॽ खे़ङ्हाॽओ कुभा के़हिङ्बा के़याःक्पाहाॽ आङ्गाॽ आमिङ् तिःप्पा, चोगुङ्बा याःम्बक्हाॽ, आमुक्साम्मिन् हे़क्क्याङ् के़रे़क्नुःल्ले़ यम्बाआ फाॽआङ् मे़ङ्घे़म्मे के़वाॽबा मे़न्छाम् सुवाङ्हाॽओ नु माःङ्घा माःङ्घाबा लाजेॽहाॽओ पाङ्घुङ्सिङ्ॽ, इग्र तार्सिस, लिबिया नु तोङ् लि याङ्मा के़ले़बा मना के़युङ्बा लुद नु तुबल खे़म्ब्याङ् ग्रिस लाजेॽहाॽओ पाङ्घुङ्सिङ्ॽ॥ कन् लाजेॽहाॽओ आङ्गाॽ पयम् यम्बा चोःक्का फाॽआङ् खे़ङ्हाॽरे़ उवा मे़जोगुॽ॥
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
Piblisite