यसैया 48:18 - लिम्बु18 आङ्गाॽ आइङ्जाङ्हाॽ सिङ्सिङ् ये़क्ये़क्काङ् के़घे़प्सुबा कुसिक्किल्ले़ सनारुङ्ङिङ्ग मे़न्जप्मनाबा वहःङ् कुइसिक् के़घोसुबामे़न्लो॥ हे़क्क्याङ् साम्योनिमान् वरःङ्ङोबा वाभे़ल्ले़ङ् कुइसिक् के़सम्धाङ् त्ये़बामे़न्लो॥ Gade chapit la |
यसैया 48:18
19 Referans Kwoze
यहवे दाङ्बे़ल्ले़ पाःत्तुरो, “आङ्गाॽ खिनिॽ आभे़ल्ले़आङ् मे़न्हेमनाबा वहःङ् कुइसिक् नुॽमादामा पिनिङ्लो॥ थिम्मे़न्दङ् सुवाङ्हाॽरे़ खुन्छिॽ याङ्साकुन्धेहाॽ के़गुङ्बा के़युबा वहःङ् कुइसिक् खे़निॽओ सःक्तारो॥ खिनिॽग कुम्मारे़ कुस्सान् लुङ्माॽ तुक्तुबा हे़क्क्याङ् कुभक्ताङ्ङो युक्खुआङ् यम्बा चोगुबा अङे़ःक्वा हे़क्तङ्बा के़बोक्खिरो॥
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साःहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
चिगक्वा याङ्साकुन्धे के़नाप्पाहाॽरे़ खुन्छिॽ हुक्को याकुबे़न् हाःत्ले़ हुक्सुप्तुबे, हे़क्क्याङ् इस्राइले़न् फाःन्दाहाॽरे़ खुन्छिॽ हुक्को हाःत्ले़ थासुबे? थे आनिॽ खुने़ॽ कुदक्ले़ङ्वाओ लायो आजोगुम्बा यहवे दाङ्बे़ल्ले़ए थासुसिबा मेःम्बि? थेआङ्भे़ल्ले़ खे़ङ्हाॽ खुने़ॽ कुलाम्मो लाङ्मे़ङ्घेगे़ल्लो, खे़ङ्हाॽरे़ खुने़ॽ कुइङ्जाङ्ङिन् मे़न्इःत्तुन् मे़न्नाःत्तुल्लो॥
आङ्गाॽ यहवे दाङ्बाओ साॽरिक् सःत्तारो, आनिङ्वाॽफुमाङ्ङो आयाम्साम्मिन् साॽरिक् सःत्लो॥ थेआङ्भे़ल्ले़ निङ्वाॽफुसाम्बान् हे़क्के मेःक्खिम्साबे़ल्ले़ कुधे़गेःक्किन् चोःक्तुबा हे़क्के, हे़क्क्याङ् मेःक्खिम्सामे़न् आबाङे साम्म्याङ् युप्पा वाःत्छिङ्बा हे़क्के खुने़ॽ से़न्लप्ले़न् चाङ् चाक्ताङ्ङाङ् वाॽरो, हे़क्क्याङ् साम्योनिमा चाङ्ङिल्ले़ ते़प्ताङ्ङाङ् वाॽरो॥
खिनिॽ लागि साम्योबा याःम्बक्किन् याॽरिःम्बा हेॽरे़म्मे़ॽओ, हे़क्क्याङ् चक्मे़न्लॽमनाबा मिःम्जिल्ले़ सिङ्सेन् सुप्से़म्मे़ॽओ, हे़क्क्याङ् खिनिॽ याक्चाना इक्ताप्हाॽ थोक्से़म्मे़ॽओ॥ थेआङ्भे़ल्ले़ यहवे दाङ्बे़न् युआङ् खिनिॽओ साम्योनिमे़न् मे़धासुन्ल थारिक् खुने़ॽ कोःप्मा ये़म्मिन् आल्लोएरो॥
Piblisite