यसैया 48:12 - लिम्बु12 “याकुबे, आङ्गाॽ उःत्ने़बा इस्राइलए, आङ्गाॽ आबाःन्ने़न् खे़प्से़ॽओ, खुने़ॽग आङ्गाॽएरो॥ के़रे़क् पाःन्हाॽनुःल्ले़ तगि आङ्गाॽए वयाङ्लो, हे़क्क्याङ् के़रे़क् पाःन्हाॽनुःल्ले़ एगाङ्ङाङ् आङ्गाॽए वाॽआरो॥ Gade chapit la |
आल्ल ओमे़त्ते़म्मे़ॽ, आङ्गाॽग खुने़ॽएआरो, आङ्गाॽनुःल्ले़ वेॽ हाःत्ताङ् माङ् होप्लो॥ आङ्गाॽए से़रुङ्सिङ्लो, हे़क्क्याङ् आङ्गाॽए कुहिङ्वे़त् चोगुङ्सिङ्लो॥ आङ्गाॽए खाःन्दुङ्सिङ्लो, खम्भ्याङ् आङ्गाॽए वेःन्दुङ्सिङ्लो, हे़क्क्याङ् आङ्गाॽ आहुक्कोलाम् हाःत्ले़आङ् से़म्मा मे़सुक्तुसिन्लो॥
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
इक्सादिङ् खाम्बेःक्मोबा के़रे़क् मे़न्छाम् सुवाङ्से, निःत्ताङ् त्ये़म्मे़ॽ हे़क्क्याङ् सिङ्सिङ् ये़क्ये़क्काङ् खे़प्साम्मे़ॽओ॥ मे़न्छाम् याप्मिसे, नुरिक् निङ्वाॽ पिरे़म्मे़ॽओ! इक्सादिङ् खाम्बेक् नु खे़प्मो के़वाॽबा काक्ले़ मे़घे़प्सुररो, योॽबालाजेॽ नु खे़ॽयो नावागे़न् चइःत् के़बोङ्बा के़रे़क्ले़ निङ्वाॽ मे़बिरुररो!
खे़निॽ मिक्किन् थाःङ् फोःक्खाम्मे़ॽआङ् ताङ्साङ्बे़न् ओमे़त्ते़म्मे़ॽओ, कङ्हाॽ के़रे़क् हाःत्ले़ चोगुबाबे? थे खुने़ॽए मेःम्बि, खुने़ॽ खेःम्सिक्पाल्ले़ कुबन्ज्याङ्माहाॽ थिक्थिक् चोगु तारुसिरो हे़क्क्याङ् के़रे़क् थिक्थिक् लॽरिक् मिङ् लोःक्तुसिआङ् उःत्तुसिरो॥ खुने़ॽ पयम् यम्बा कुमुक्साम् नु मुक्साम्साबा कुमुक्किल्ले़ चोगुल्ले़ खे़ङ्हाॽओ लत्छाआङ् मे़म्माने़ल्लो॥
यहवे दाङ्बे़ल्ले़ पाःत्तुरो, “इस्राइलबा मनासे, खे़निॽग आङ्गाॽ आदोःन्दिनिङ्लो सेःक्निङ्बा आसे़वारोबानिङ्लो, खे़ल्ले़चोगुल्ले़ खे़निॽ आङ्गाॽ कुसिङ् याप्मि के़निःत्तिरो हे़क्क्याङ् नसान् याप्मि के़जोगिरो, खे़म्ब्याङ् खे़ङ्ग आङ्गाॽएरो फाॽआङ् कुसिङ् के़निःत्तुम्लो॥ आङ्गाॽनुःल्ले़ तगि हाःत्ताङ् माङ् मे़म्बोङ्ङे वये़रो, हे़क्क्याङ् ताःन्दिआङ् हाःत्ताङ् माङ् मे़बोङ्ने़ल्लो॥