कर कम्ब्राङ् के़इःप्पाआङ् के़युङ्बा मे़न्छाम् सुवाङ्हाॽनु आङ्गाॽ साॽरिक् आसिक् पोगे़आङ् वाॽ! आङ्गाॽग यरुसले़म हे़क्क्याङ् सियोने़न्नु आजे़ःत्छिक्लक् आसाक्के़न् पोगे़आङ् वयाङ्, कर यरुसले़ःम्मिन् के़भप्पा खे़न् मे़न्छाम् सुवाङ्हाॽरे़ग आङ्गाॽ इःत्तुङ्बान्नुःल्ले़आङ् यरिक् तुक्खे मे़जाःत्तुसि॥’
यसैया 47:6 - लिम्बु6 आङ्गाॽ सेगुङ्सिङ्बा आमनाहाॽनु आयाक् ले़ॽरे़आङ् वयाङ्लो, हे़क्क्याङ् आङ्गाॽ खे़ङ्हाॽ आबाङे आमना हे़क्के नुरिक् मे़म्मे़प्पासिरो॥ आङ्गाॽ खे़ङ्हाॽ खे़ने़ॽ के़हुक्को थासुङ्सिङ्लो, कर खे़ङ्हाॽ खे़ने़ॽ लुङ्माॽ के़न्दुक्तुसिल्लो॥ काप्पोबा काप्मुमाहाॽआङ् खे़ने़ॽ साॽरिक् के़लिःप्पा के़गक्किन् के़गुःत्तुसिरो॥ Gade chapit la |
यसैया 47:6
28 Referans Kwoze
कर सामरियाओ यहवे दाङ्बे़ल्ले़ ओदेद मे़प्मनाबा कुमाङ्निङ्वाॽपान् के़बाःप्पा थिक् वये़, थक्सुबाहाॽ सामरिया मे़नुःक्खे़ मे़धाङे़र मे़बत्छे़बा ये़म्मो खुने़ॽ खे़न् थक्सुबाहाॽरे़ खुन्छिॽ तुम्से़ लःन्दे़॥ खुने़ॽ खे़न् थक्सुबा मनाहाॽ मे़त्तुसि, “यहवे दाङ्बा खिनिॽ पाधे़बाहाॽरे़ खुन्छिॽ निङ्वाॽफुमाङ्ङिन् यहुदाबा मनाहाॽनु कुयाःक्ले़ॽरे़बे़ल्ले़ चोगुल्ले़ खुने़ॽ खे़ङ्हाॽ खिनिॽ हुक्को थासुसिबारो॥ कर खिनिॽग साॽरिक् सिक्पोःक्मे़ल्ले़ के़धुक्तिआङ् खे़ङ्हाॽ युम्रे़क् के़स्ये़रुम्सिम्बे़न् साङ्ग्राम्पेदाङ् थारिक् के़रे़आङ् वाॽ॥
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
खे़ने़ॽ याङ्साकुन्धेसाबा के़ले़ङ्हङ् चोःक्मे़ल्ले़ खे़ने़ॽ कुॽइगे़भे़म्मा लाम्मो लाम्गे़लोसे़रो, हे़क्क्याङ् खे़ने़ॽ लायो लासोत् के़जोगुरो॥ खे़ल्ले़चोगुल्ले़ निङ्वाॽफुमाङ्ङिल्ले़ कुगोःक्मालाम् आङ्गाॽ खे़ने़ॽ सिरिङ्ममो नाःत्ने़देने़रो॥ कुमुक्साम् के़याक्पा कम्ब्राङ्बाए, मिराक् के़दिःप्पा लुङ्हाॽरे़ कुलुम्मोलाम् आङ्गाॽ लःत्ने़देने़रो॥
कन् इङ्घङ्ङिन् इस्राइलबा हिम्सयङ्हाॽ मे़त्ते़से़ॽ, ‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ कम्ब्राङ् मे़प्मालाम् नु खिनिॽ ने़बो पप्मा, खिनिॽ सिक्कुम् निङ्वाॽ सःप्मादे़न्, आङ्गाॽ आहिम्मिन् आसुत्थो चोगुङ्ॽ॥ यहुदाओ के़ले़रुम् के़धाम्सिम्बा खिनिॽ ये़म्बित्छासाहाॽ नु मे़न्छुमा साहाॽ ताभेःल्ले़ मे़से़रुसिॽ॥
याकुबरे़ के़रे़क् कुवाॽमा कुयुङ्मादे़न्हाॽ यहवे दाङ्बे़ल्ले़ आक्खे़न्नाङ् कुलुङ्माॽ स्याःत् मे़ल्लॽए खाप्पुथ्यःङ् चोगुरो॥ खुने़ॽ कुसाक्के़न् पोगे़बाओ यहुदाःल्ले़ कुस्सा मे़न्छुमाःल्ले़ खुन्छिॽ यक्हाॽ फुत्लुम् थ्यःङ् लुःन्दु पिरुसिरो॥ खे़न् हाङ्जुम्मिन् नु खे़ल्ले़ कुलाम्लोबाहाॽ खुने़ॽ खाम्बाङ्ङो सोःन्दुसिआङ् कुनामे़न्छाॽ मे़त्तुसिरो॥
खे़ङ्हाॽरे़ लिहाॽ नु लाःक्हाॽ फे़जुम्भे़या मे़गत्तुरो॥ खे़ङ्हाॽ के़आःम्बा कुॽइगे़भे़म्बा मे़जोक्लो हे़क्क्याङ् खुन्छिॽ लुङ्माॽ स्याःत् मे़लॽने़न्लो॥ खे़ङ्हाॽरे़ अन्हाॽ मे़युक्तुसिआङ् तगि मे़भे़न्लो, हे़क्केःल्ले़ वरःङ्ङिन् सःक्पा हे़क्के लॽरो॥ खे़ङ्हाॽ थङ् के़जोःक्पा परिक्ले़ मे़भे़न्लो, खे़ने़ॽ बेबिलोने़न् मे़ङ्मा फाॽआङ् मे़मुन्छिङ्लो॥
“आङ्गाॽ आलायोहाॽ लत्छा खे़ःप्सिङ्ङो इघेःक्खुआङ् पत्लो, खुने़ॽ कुहुक्किल्ले़ खे़ङ्हाॽ इघेःक्खुरो, खे़न् आङ्गाॽ आभक्ताङ्ङो मे़भत्छुआङ् पत्लो, यहवे दाङ्बे़ल्ले़ आङ्गाॽ आधुम्मे़न् युम्सुआङ् वाॽरो॥ खुने़ॽ आनिङ्मिहाॽरे़ खुन्छिॽ हुक्को थासाङ्लो, खे़ङ्हाॽनु आङ्गाॽ थक्मा मे़सुक्कान्लो॥
“मनाहाॽरे़ आङ्गाॽ याःत्ताबान् मे़घे़प्सुआङ् वाॽरो, कर आङ्गाॽ हाङ्हाङ् के़मे़प्पा आत्तिन्नाङ् होप्लो॥ आङ्गाॽ के़रे़क् आनिङ्मिहाॽरे़ आये़त्तुक्खेन् मे़घे़प्सुआङ् वाॽरो, आदाङ्बारे़ अक्खे के़जोगुबाओ खे़ङ्हाॽ मे़सःत्लो॥ आदाङ्बारे़ उवा के़जोगुबा ये़न्निन् के़दारुरो, खम्भ्याङ् खे़ङ्हाॽआङ् आङ्गाॽ कुसिङ्बाए मे़बोङ्लरो॥
आङ्गाॽ पानुदिङ् आम्बारे़ खिनिॽ के़लिःप्पा खे़ःप्सिङ् के़गुःत्तिआङ् वये़, कर आङ्गाॽ खे़न्नुःल्ले़ आल्लसाङ् पलिःप् के़लिःप्पाॽ चोगुङ् पिनिङ्ॽ॥ आङ्गाॽ पानुदिङ् आम्बारे़ तिःल्ले़ खिनिॽ के़म्हिप्तिर के़याःन्दिआङ् वये़, कर आङ्गाॽ ताङ्साङ् खे़बक्पाहाॽरे़ खिनिॽ के़म्सिक्तिर याःन्निङ्ॽ॥’”
खुने़ॽ खे़ङ्हाॽरे़ खुन्छिॽ तक्ले़ङ्वाओ बेबिलोनबा हाङ्ङिन् फे़त्तु, खे़ल्ले़ सेसेदे़न्नोए खे़ङ्हाॽरे़ खुन्छिॽ थाङ्बे़न् मनाहाॽ ताभेःल्ले़ च्ये़प्तु स्ये़रुसि, हे़क्क्याङ् नालिगे़न् थाङ्बे़न्, सिसागे़न् मे़न्छ्या, काप्पोबा इग्र तुम्भाक्सा आत्तिन्हाॽआङ् मे़दाङ्घुसिन्॥ निङ्वाॽफुमाङ्ङिल्ले़ खे़ङ्हाॽ खक्पे़त् नबुकदनेसरे़ल्ले़ कुहुक्को थासुसि॥
Piblisite