यसैया 47:5 - लिम्बु5 “नुमासुक्मा बेबिलोने, खे़ने़ॽ स्वाःत्ताङ् खामाक्लुम्बाःत्तो पेगे़ॽआङ् युङे़ॽओ, आल्लआङ्धो याम्मो खे़ने़ॽ हाङ्जुम् हाङ्जुम्बा हाङ्मा के़मे़न्मे़त्ने़ल्लो॥ Gade chapit la |
यसैया 47:5
25 Referans Kwoze
आयाक्को मनाहाॽरे़ थिक्ले़ङ् सधे़क् मे़धिम्सुआङ् के़ने़बा ये़क्यक्किन्, आल्ल आभेलॽरिक् चिजि खक्खक् पोःक्खे़आङ् ने़बे! खे़ङ्ग मेमेदुमा हे़क्तङ्मा पोःक्खे़आङ् ने़रो, खे़न् थिक्ले़ङ् मे़न्छाम् सुवाङ्हाॽओ पयम् यम्मा हे़क्क्याङ् ते़ङ्गप्हाॽओ हाङ्सामा हे़क्तङ्मा ने़स्से़रो, आल्ल खे़न् योःग्माओ के़धामा ये़क्यक् पोःक्खे़आङ् ने़रो॥
निङ्वाॽफुमाङ्ङिल्ले़ कुमनाहाॽरे़ अक्खे मे़बाःत्तुरो, “आनिॽ थेआङ् स्वाःत् आयुङ् आजाबाबे? लु फे़रे़म्मे़ॽओ, आनिॽ लोःक्तिर ताङ्से़ःप्सिङ्मादे़न् के़ने़बा ये़क्यक् ले़प्माङ् पेगिरो हे़क्क्याङ् आनिॽ खे़प्मोए हदॽ स्ये़ॽइरो॥ यहवे दाङ्बा आनिॽ निङ्वाॽफुमाङ्ङिल्ले़ आनिॽ मे़ङ्मारे़ लागि इङ्जाङ् पिरुसिआङ् वाॽरो॥ खुने़ॽ आममबा निङ्ङिन् थुङ्मा आबिरे़आङ् वाॽरो थेआङ्भे़ल्ले़ आनिॽ खुने़ॽ कुदक्ले़ङ्वाओ लायो आजोगुम्माङ् वाॽरो॥
मुक्साम्दाङ्बा यहवे दाङ्बे़ल्ले़ कन् पाःन्निन् पाःत्तुआङ् वाॽरो, “आङ्गाॽ बेबिलोन ये़क्यक्के़न् आहुम्हुम्बा ले़क्वा पोङ्ल चोगुङ्लो, हे़क्क्याङ् खे़ॽयो फक्थिःम्बाहाॽ याङ्मे़धोःक्लो॥ आङ्गाॽ बेबिलोन ये़क्यक्के़न् ताम्दुःक्खेःल्ले़ तुःक्मनाबा कुइसिक् के़रे़क् पाःन्हाॽ तुगुङ्देसुङ्लो॥”
ओमे़त्ते़म्मे़ॽ, कुगाप्थिक् अन्ले़ उःङ्सुबा लत्छा लाधासम्धाङ् लत्छा मनाधिक् फे़न्ल पत्लो॥ हे़क्क्याङ् नुगप् पिरुसिर पाःत्तुरो, ‘बेबिलोन ये़क्यक्किन् खाप्पुथ्यःङ् पोःक्खे़रो, खाप्पुथ्यःङ् पोःक्खे़रो, खे़ब्याङ् खे़ॽयो मे़लक्तु मे़घोःन्दुआङ् मे़जोगुसिबा के़रे़क् माङ् नावाइत्लाहाॽ फल्लक् वरक् मे़ए़क्खुसिआङ् खाम्बाङ्ङो मे़गे़ङे़आङ् मे़ने़रो॥’”
सियोनरे़ कुस्सा मे़न्छुमाःल्ले़ कुलाम्लोबाहाॽ मे़म्बाःत्ते स्वाःत्ताङ् खाम्बाङ्ङो हर्जुॽ मे़युङ्लो॥ खे़ङ्हाॽरे़ खुन्छिॽ थे़गेःक्को खाम्हिःक्किन् मे़जुःत्तुआङ् याक्लो हे़क्क्याङ् खे़ङ्हाॽरे़ सगितेत् मे़जाक्खुआङ् मे़वाॽरो॥ यरुसले़ःम्बा मे़न्छ्याहाॽरे़ खुन्छिॽ थे़गेःक्हाॽ खाम्बाङ्ङो थारिक् अःक्खुम् मे़भत्छुआङ् वाॽरो॥
Piblisite