मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
यसैया 47:14 - लिम्बु14 “से़क्खासाङ् खे़ङ्हाॽ के़हेबा याॽलाङ् कुसिङ् मे़लॽरो, मिःल्ले़ खे़ङ्हाॽ मिधिक्खुसिरो॥ मिधुङ्दिङ् मिराःक्ले़ मिसाम्लाम् खे़ङ्हाॽ आबाङे से़ःप्सिङ्मा मे़न्छुक्ने़ल्लो॥ हाःत्ले़ कुलागिआङ् कॽयो मिजाॽमा मिदत् होप्लो, हे़क्क्याङ् कप्मो युङ्माआङ् मिजाॽमा मिआङ् होप्लो॥ Gade chapit la |
यसैया 47:14
21 Referans Kwoze
“निङ्वाॽफुमाङ्ङिल्ले़ कुसाम्योनिमो कुसे़वा याःम्बक् चोःक्मारे़ लागि हात् उःत्तुआङ् वाॽबे? तॽइ नाङ्गे़न् पिसाङ्नु हाङ्ङिन् हाःत्ले़ कुसिक्समे़र याःन्दुआङ् वाॽबे? खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ कुयुक्को मे़दार याःन्दुसिरो, हे़क्क्याङ् हाङ्हाॽ खे़ल्ले़ कुबेसाङ् कुयुक्को तारुसिरो॥ खुने़ॽ खे़ङ्हाॽ कुदाभेःल्ले़ खाम्पु थ्यःङ् चोगुसिरो, हे़क्क्याङ् कुलिःल्ले़ सुरिःत्तिल्ले़ फे़सुबा याॽसिप् हे़क्के चोगुसिरो॥
याकुबरे़ कुहिम्सयङ्हाॽ मि मे़बोङ्लो हे़क्क्याङ् योसेफरे़ कुहिम्सयङ्हाॽ मिराक् मे़बोङ्लो॥ खम्भ्याङ् एसावरे़ कुहिम्सयङ्हाॽग के़हेबा याःन्सुङ् मे़बोङ्लो, हे़क्क्याङ् खे़ङ्हाॽरे़ एसावरे़ कुहिम्सयङ्हाॽ मिमे़धिक्खुसिरो॥ खे़ब्याङ् खे़ङ्हाॽ वरे़ङ्ले़ङ् खाप्पुथ्यःङ् मे़बोङ्लो एसावरे़ कुहिम्सयङ्लाम् हाःत्ताङ् कुहिङ्वे़त् मे़न्दाङ्ने़न्लो॥” यहवे दाङ्बे़ल्ले़ कन् पाःत्तुङ्ङाङ् वाॽरो॥
मुक्साम्दाङ्बा यहवे दाङ्बे़ल्ले़ अक्खे पाःत्तुरो, “बेबिलोनबा के़धुङ्बा लुङ्धाक्हाॽ खाम्बाङ्ङो कुदङ्बा ने़ने़ मे़दङ्घुरो, हे़क्क्याङ् खे़ल्ले़ आत्तातान्ने यम्बा कुलाम्धेःप्पाहाॽ मिमे़धिक्खुरो॥ यरिक् लाजेॽहाॽलाम् हिम् के़जोःक्पाहाॽरे़ मे़जोगुबा खुन्छिॽ याःम्बक्किन् हने़रक् पोङ्लो, थेआङ्भे़ल्ले़ खे़ङ्हाॽरे़ खुन्छिॽ याःम्बक्किन् मिःल्ले़ खाप्पुथ्यःङ् चोगुरो!”
खे़ल्ले़ मुक्कुम्बा कुधक्सुबाहाॽ याम्मो थङ् मे़न्जोःक्ने़न्लो॥ खे़ङ्हाॽ थक्सुबा यक्हाॽओ मे़युङ् मे़गन्लो, खे़ङ्हाॽरे़ खुन्छिॽ आःन्छिङ्मान् मये़बेरो॥ खे़ङ्हाॽ मे़न्छुमा हे़क्तङ्मा मे़बोःक्खे़आङ् मे़वाॽरो॥ लाजेॽ के़लिबाहाॽरे़ हिम्हाॽ मिमे़धिक्खुआङ् ने़रो हे़क्क्याङ् ये़क्यक्कोबा पयम् लाम्धेःप्पाहाॽ मे़लुःन्दुरो॥
खे़ल्ले़चोगुल्ले़ मिःल्ले़ याॽलाङ्ङिन् हाॽरुआङ् खाप्पुथ्यःङ् चोगुबा नु के़हेबा याःन्निन् मिःल्ले़ हाॽरुआङ् खाप्पुथ्यःङ् पोङ्बा कुइसिक् खे़ङ्हाॽरे़ खुन्छिॽ साःप्पे़न् किबेःक्लो॥ खे़ब्याङ् खे़ङ्हाॽरे़ खुन्छिॽ फुङ्ङिन्नाङ् खाम्हिःक् पेबा कुइसिक् पे़बेःक्लो थेआङ्भे़ल्ले़ खे़ङ्हाॽरे़ मुक्साम्दाङ्बा यहवे दाङ्बे़ल्ले़ कुधिम्मे़न् इःप्मा नाःप्मा मे़ले़रुआङ् वाॽरो॥ हे़क्क्याङ् इस्राइलबा सेसेबा निङ्वाॽफुमाङ्ङिल्ले़ कुइङ्जाङ्ङिन् कुनामे़न्छाॽ मे़मे़त्तुआङ् वाॽरो॥
सियोनओ के़वाॽबा लायोबाहाॽ मे़गिसे़आङ् मे़वाॽरो, निङ्वाॽफुमाङ् वाॽ फाॽआङ् निङ्वाॽफुमाङ्ङिन् कुसिङ् मे़न्निप्नाबा मनाहाॽ किमा यङ्मारे़ ते़म्सुसिआङ् मे़वाॽरो, खाप्पुथ्यःङ् आजोःक्चोःक्पा मिओ युङ्मा के़सुक्पा आनिॽओ हात् वाॽबे? आभे़ल्ले़साङ् मिधुङ्दिङ् मिराःक् के़बोःक्पादे़न्नो युङ्मा के़सुक्पा आनिॽओ आत्तिन् वाॽग?
Piblisite