यसैया 46:8 - लिम्‍बु

⁸ “पिफ्‍युङ् के़जोःक्‍पासे, कन् पाःन्‍निन् निङ्‌वाॽ इःत्ताम्‍मे़ॽओ, हे़क्‍क्‍याङ् योधो मे़ल्‍लॽए निङ्‌वाॽओ युक्‍खाम्‍मे़ॽआङ् याम्‍साम्‍मो कत्ताम्‍मे़ॽओ॥

यसैया 46:8 Referans Kwoze

१ कोरन्‍थि 14:20

फुॽनुसाॽ नु ने़ॽनुसाॽसे, खिनिॽ हिन्‍जाॽबित्‍छा कुइसिक् निङ्‌वाॽ इःप्‍मा ले़रे़म्‍मे़ॽओ॥ फे़न्‍पाःन्‍नो अङे़ःक्‌वा कुइसिक् पोःक्‍खे़म्‍मे़ॽओ, कर निङ्‌वाॽ इःप्‍माओग कुनिङ्‌वाॽ के़दुम्‍बा मनाहाॽ कुइसिक् पोःक्‍खे़म्‍मे़ॽओ॥

लुका 15:17

“हे़क्‍क्‍याङ् खुने़ॽ कुनिङ्‌वाॽ सेरे़आङ् अक्‍खेलॽरिक् इःत्‍छिङ्, ‘आम्‍बारे़ कुहिम्‍मोग कुसे़वारोबाहाॽरे़ खाघा मे़ज मे़धुङुर मे़नन्‍छुॽ, कर इङ्‌गाॽग कप्‍मो साक्‍किल्‍ले़ सिमा इःत्ताङ्‌लो॥

हाग्‍गै 1:7

मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—“खिनिॽ आप्‍फेक् आप्‍फेक् ये़प्‍ले़क्‍हाॽओ सिङ्‌सिङ्‌ङाङ् निङ्‌वाॽ हे़त्तासिम्‍मे़ॽ॥

हाग्‍गै 1:5

आल्‍ल मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—“खिनिॽ आप्‍फेक् आप्‍फेक् ये़प्‍ले़क्‍हाॽओ सिङ्‌सिङ्‌ङाङ् निङ्‌वाॽ हे़त्तासिम्‍मे़ॽ॥

इजकिएल 18:28

खे़ङ्‌हाॽरे़ कन् पाःन्‍नो निङ्‌वाॽ मे़इःत्तु खे़ब्‍याङ् खुन्‍छिॽ लायोहाॽलाम् नुःङ्‌मा निःन्‍धो मे़जोगुबाल्‍ले़ चोगुल्‍ले़ खे़ङ्‌हाॽ मे़हिङ्‌ॽ॥ अक्‍तङ्‌बा मनाहाॽ मे़न्‍छिने़न्॥

यर्मिया 10:8

खे़ङ्‌हाॽ के़रे़क् कुधना के़होप्‍पा नु कुसुम् मे़न्‍दम्‍मनाबा मे़जोक्‍लो॥ सिङ्‌लाम्‍बा मे़जोगुसिबा नावाइत्‍लाहाॽलाम् खे़ङ्‌हाॽ थेआङ् हुॽसिङ्‌मा मे़न्‍छुक्‍ने़ल्‍लो॥

यसैया 47:7

खे़ने़ॽ के़बाःत्तु, ‘आङ्‌गाॽ सदादिङ् सदादिङ्‌ले़ लागि आभे़ल्‍ले़आङ् मे़न्‍नुप्‍मनामा हाङ्‌मा पोङ्‌ङारो!’ कर ताःन्‍दि थे पोङ् फाॽआङ् खे़ने़ॽ निङ्‌वाॽ के़न्‍इःत्तुन्‍लो, पिप्‍मिरि कुसोःन्‍दिओ थे पोङ् फाॽआङ् खे़ने़ॽ निङ्‌वाॽ के़न्‍इःत्तुन्‍लो॥

निङ्‌वाॽफु साम्‍लोसुम् 135:18

खे़न् नावाइत्‍ला के़जोःक्‍पा मनाहाॽआङ् हाबा खे़न् नावाइत्‍ला हे़क्‍तङ्‌बाए मे़बोङ्‌लो, हे़क्‍क्‍याङ् खे़न् नावाइत्‍लाहाॽओ नसान् के़जोःक्‍पाहाॽआङ् आम्‍भा हे़क्‍तङ्‌बाए मे़बोङ्‌लो॥

निङ्‌वाॽफु साम्‍लोसुम् 115:8

नावाइत्‍ला के़जोःक्‍पाहाॽ नावाइत्‍ला हे़क्‍तङ्‌बा मे़बोङ्‌लो, हे़क्‍क्‍याङ् खे़न् नावाइत्‍ला नसान् के़जोःक्‍पाहाॽआङ् नावाइत्‍ला हे़क्‍तङ्‌बाए मे़बोङ्‌लो॥

साम्‌योथिम् इङ् 32:29

खे़ङ्‌हाॽ सिक्‍कुम्‍साबा मे़बोःक्‍खे़आङ् कन् पाःन्‍निन् कुसिङ् मे़निःत्तुबा हे़क्‍केःल्‍ले़ग, हे़क्‍क्‍याङ् खे़ङ्‌हाॽरे़ खुन्‍छिॽ मे़क्‍मे़न् आक्‍खे पोङ् फाॽआङ् मे़निसुबा हे़क्‍केःल्‍ले़ग!

एफिसि 5:14

थेआङ्‌भे़ल्‍ले़ ओःत्तिःल्‍ले़ थोॽरुबा काक् पाःन्‍हाॽ निधाःप्‍लो॥ खे़ल्‍ले़चोगुल्‍ले़ कुभारे़ अक्‍खे मे़बाःत्तुॽ, “के़इम्‍बासे, सोरे़म्‍मे़ॽ! सिमे़न्‍लाम् पोगे़म्‍मे़ॽ, हे़क्‍क्‍याङ् ख्रिस्‍तरे़ कुओःत्तिन् खिनिॽओ ओःत्‍लो॥”

यसैया 48:8

खे़ने़ॽ मे़ङ्‌घे़म्‍मे के़वये़रो, हे़क्‍क्‍याङ् मे़ल्‍ले़एआङ् के़वये़रो॥ उनाहुरिआङ्‌धो खे़ने़ॽ के़ने़क्‍खोॽबान् मे़न्‍हन्‍ने वये़रो, खे़ने़ॽ आक्‍तङ्‌बा इङ्‌ले़क्‍स्‍वाबा के़जोःक्‍लो फाॽआङ् आङ्‌गाॽ कुसिङ् निःत्तुङ्‌लो, सागे़वाःन्‍छिङ्‌बा ये़न्‍नाङ्‌धोए पिफ्‍युङ्‌बा के़म्‍मे़त्ते़आङ् के़वये़रो॥

यसैया 50:1

यहवे दाङ्‌बे़ल्‍ले़ अक्‍खे पाःत्तुरो, “आङ्‌गाॽ नाजङ्‌सक् साप्‍तुङ्‌पिरुङ्‌बाल्‍ले़ चोगुल्‍ले़ के़म्‍मा मे़बाङ्‌सु मे़देसुआङ् वये़बाबि? इग्र आङ्‌गाॽ आत्तिन् सिङ्‌नात्‍साबे़ल्‍ले़ कुहुक्‍को खे़निॽ सङ्‌निङ्‌बे? मेःन्‍लो, खे़निॽ लायोहाॽरे़ चोगुल्‍ले़ खे़निॽ के़म्‍सङ्‌सिबारो, हे़क्‍क्‍याङ् खे़निॽ माःन्‍नाङ् खे़निॽ लायोल्‍ले़ चोगुल्‍ले़ माःङ्‌घा मे़बाङ्‌सुबारो॥