Biblia Todo Logo
Bib sou entènèt

- Piblisite -




यसैया 46:3 - लिम्‍बु

3 “याकुबरे़ कुमुॽइदाङ्‌सासे, नुरिक्‍काङ् खे़प्‍से़म्‍मे़ॽओ, आङ्‌गाॽ आमना इस्राइललाम् के़याःक्‍पा के़रे़क्‍ले़ खे़प्‍साम्‍मे़ॽओ॥ खे़निॽ सागे़वाःन्‍नासिबानुःल्‍ले़ तगिआङ्‌धो आङ्‌गाॽ खे़निॽ ओमे़त्‍निङ्‌ङाङ् वाॽआरो॥

Gade chapit la Kopi




यसैया 46:3
24 Referans Kwoze  

मुरे़क् खारे़क् थेआङ् के़होप्‍पादे़न्‍नो खिनिॽ लाङ्‌गे़घेगिबा लाम् खाराक् कुम्‍बारे़ कुस्‍सान् कुयुबा हे़क्‍के यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ कप्‍मो मे़ङ्‌गे़त्ते थारिक् आक्‍खेलॽरिक् खिनिॽ के़बक्‍खि के़भे़त्तिआङ् वये़, खे़न् खिनिॽ खे़प्‍मो के़निसुम्‍माङ् वये़॥”


“थेःन् नुबा चोक् खे़न् कुसिङ् के़निःप्‍पाहाॽरे़ खे़प्‍साम्‍मे़ॽओ, हे़क्‍क्‍याङ् खे़निॽ निङ्‌वाॽओ आङ्‌गाॽ आइङ्‌जाङ्‌ङिन् वाॽरो, मनाहाॽरे़ चे़क्‌या के़म्‍मे़त्तिल्‍ले़ मे़गिसे़म्‍मिन्‍ने़ॽओ, खे़ब्‍याङ् खे़ङ्‌हाॽरे़ कुनामे़न्‍छाॽ के़म्‍मे़त्तिल्‍ले़ खे़निॽ यङ्‌मा मे़स्‍ये़ॽइन्‍ने़ॽओ॥


आङ्‌गाॽ सावाःन्‍छिङ्‌ङाआङ्‌धोए खे़ने़ॽ आङ्‌गाॽ ताःक्‍पो चोःक्‍ने़आङ् वाॽआरो॥ आम्‍मारे़ कुसाप्‍पोःक्‍को यागाङ्‌ङाङ्‌धोए आङ्‌गाॽ कम्‍ब्राङ् के़मे़त्ताङ्‌लो, चक्‍मे़ल्‍लॽए आङ्‌गाॽ के़नारा फोसुङ्‌लो॥


यहवे दाङ्‌बे़ल्‍ले़ पाःत्तुरो, “साम्‌योनिमाओ के़बप्‍पा नु यहवे दाङ्‌बान् के़गोःप्‍पासे, खे़निॽग लुङ्‌याक्‍पेॽलाम् फुङ् लक्‍मना लःप्‍मनाआङ् के़वयिरो, लुङ् लःप्‍मादे़न्‍नोलाम् खे़निॽ लःप्‍मनानिङ्‌ङाङ् के़वयिरो, कन् पाःन्‍हाॽ खे़निॽ निङ्‌वाॽ इःत्ते़म्‍मे़ॽओ॥


“याकुबरे़ कुमुॽइदाङ्‌सासे, खे़निॽग इस्राइल मिङ्‌लाम् के़म्‍उःत्तिआङ् के़वयिरो, हे़क्‍क्‍याङ् यहुदारे़ कुधाःक्‍लाम् के़द्‌ये़ॽइबारो॥ यहवे दाङ्‌बे़ल्‍ले़ कुमिङ्‌ङो खे़निॽ माङ्‌गे़हे़क्‍कासिरो हे़क्‍क्‍याङ् इस्राइलबा निङ्‌वाॽफुमाङ्‌ङिल्‍ले़ कुमिङ्‌ङो पेलिगे़न् तुवा के़जोगिरो, कर से़क्‍खा नु साम्‌योनिमो के़न्‍जोगुम्‍मिल्‍लो॥


इस्राइलबा मनासे, खिनिॽ मनाहाॽ यारिक् खाम्‍हिःक् यल्‍लिक् मे़योसाङ् खे़न् ये़म्‍मो चबे़ःत्‍छिक्‍लक् मे़नुःङ् मे़दारो॥ खे़ङ्‌हाॽरे़ खुन्‍छिॽ त्‍वाबो मे़क्‍मा सिमाए साप्‍ते़आङ् पत्‍लो, हे़क्‍क्‍याङ् खे़ङ्‌हारे़ खुम्‍दिङ् खोमाए के़बोङ्‌बा वाॽरो॥


मुक्‍साम्‍दाङ्‌बा यहवे दाङ्‌बे़ल्‍ले़ आनिॽ कुभा कुहिङ्‌वे़त् आन्‍ले़रे़न्‍निल्‍ले़ग सदोम नु गमोरा कुइसिःक्‍के खाप्‍पुथ्‍यःङ् आबोःक्‍खे़बारो॥


‘आङ्‌गाॽ यहवे दाङ्‌बे़ल्‍ले़ मिस्रिहाॽ आक्‍खे मे़त्तुङ्‌सिङ्, आक्‍खेलॽरिक् आङ्‌गाॽ खिनिॽ कक्‍कफिःक्‍माल्‍ले़ कुस्‍साहाॽ कुलाप्‍पो पक्‍खुसिबा हे़क्‍के खिनिॽ पङ्‌निङ् हे़क्‍क्‍याङ् कप्‍मो आङ्‌गाॽओ ताःत्‍निङ्, खे़न् खिनिॽ के़निसुम्‍माङ् के़वयिॽ॥


“हादिङ् थक्‍मा निङ्‌वाॽ के़गप्‍पासे हे़क्‍क्‍याङ् साम्‌योनिमालाम् माःङ्‌घा के़वाॽबा मनासे, आङ्‌गाॽ आबाःन्‍निन् नुरिक्‍काङ् खे़प्‍से़म्‍मे़ॽओ॥


“याकुबे, कन् पाःन्‍हाॽ निङ्‌वाॽ इःत्ते़ॽओ, थेआङ्‌भे़ल्‍ले़ इस्राइलए, खे़ने़ॽ आङ्‌गाॽ आसे़वारोबाने़रो॥ आङ्‌गाॽ खे़ने़ॽ चोःक्‍ने़बारो, खे़ने़ॽ आङ्‌गाॽ आसे़वारोबाने़रो, इस्राइलए, आङ्‌गाॽ खे़ने़ॽ निङ्‌वाॽ मे़मुःन्‍ने़ल्‍लो॥


यहवे दाङ्‌बा के़निङ्‌वाॽफुमाङ्‌ङिल्‍ले़ थङ्‌ङोबा थक्‍मोबाल्‍ले़ कुबाःन्‍निन् खे़प्‍सुबि, खे़न् खुने़ॽ कुन्‍दाङ्‌बा अस्‍सुरबा हाङ्‌ङिल्‍ले़ सदादिङ् कुहिङ्‌वे़त् निङ्‌वाॽफुमाङ्‌ङिन् माङ्‌चे़ॽया मे़त्‍छे़ पाङ्‌घुआङ् वाॽ, हे़क्‍क्‍याङ् यहवे दाङ्‌बा के़निङ्‌वाॽफुमाङ्‌ङिल्‍ले़ खे़न् पाःन्‍निन् खे़प्‍सुआङ् खुने़ॽ खे़न् थक्‍मोबान् खुम्‍दिङ् पिरु॥ कल्‍ले़चोगुल्‍ले़ के़दाङ्‌बा के़याःक्‍पाहाॽरे़ खुन्‍छिॽ लागि खे़ने़ॽ पेलिगे़न् तुवा चोगे़ पिरे़से़ॽ॥”


खे़न् ये़न्‍निन् ताआङ् दाङ्‌बे़ल्‍ले़ याम्‍मो थिक्‍ले़ङ् खुने़ॽ कुमुक्‍साम्‍मिन् ओःन्‍धाक्‍तुसि हे़क्‍क्‍याङ् अस्‍सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्‍क्‍याङ् के़रे़क् माःङ्‌घा माःङ्‌घाबा वरःङ्‌ङिल्‍ले़ कुयाओ के़ने़बा वागप्‍खाम् लाजेॽहाॽओलाम् खुने़ॽ कुमनाहाॽ याम्‍मो इस्राइल लाजेॽओ नुःक्‍तुॽ तारुसिरो॥


खे़ङ्‌हाॽरे़ खुन्‍छिॽ के़रे़क् तुक्‍खेओ खुने़ॽ कुनिङ्‌वाॽ तुगे़रो, हे़क्‍क्‍याङ् खुने़ॽ आबाङे खे़ङ्‌हाॽ थे़ॽरुसिरो॥ खुने़ॽ खे़ङ्‌हाॽ लुङ्‌माॽ तुक्‍तुसि हे़क्‍क्‍याङ् नुरिक् मे़त्तुसिरो हे़क्‍क्‍याङ् मे़ल्‍लुङ् हुङुआङ् खे़ङ्‌हाॽ चोःक्‌युम्‍भो पिरुसिरो, खे़ब्‍याङ् उनाहुरिबा के़रे़क् ये़न्‍नो खुने़ॽ खे़ङ्‌हाॽ कुयुसिरो॥


खे़ने़ॽ के़मनाहाॽ से़ःप्‍ते़से़ॽओ, हे़क्‍क्‍याङ् खे़ने़ॽ के़मुॽइदाङ्‌साहाॽ हाङ्‌वागे़न् मुॽइसाम् थासे़ पिरे़से़ॽओ॥ हे़क्‍क्‍याङ् खे़ङ्‌हाॽ के़गम्‍बा पोःक्‍खे़ॽआङ् सदादिङ् ओमे़त्ते़से़ कत्ते़से़ॽओ॥


सियोःन्‍नो के़दाङ्‌बा के़याःक्‍पा के़रे़क् सेसेबा मना मे़बोङ्‌ॽ—यरुसले़ःम्‍मो मे़क्‍मालाम् के़हिङ्‌बा के़याःक्‍पा हे़क्‍क्‍याङ् कुहिङ्‌वे़त् के़वाॽबासिरो फाॽआङ् खुन्‍छिॽ मिङ् मे़साप्‍तुबा मनाहाॽ सेसेबा मे़मे़त्तुसिॽ॥


खे़न् ये़न्‍नो इस्राइललाम् के़दाङ्‌बा के़याःक्‍पाहाॽ, के़हिङ्‌बा के़याःक्‍पा याकुबरे़ कुमुॽइदाङ्‌साहाॽरे़ आबाङे खुन्‍छिॽओ मे़क्‍मासिमा के़दाःप्‍पा सुवाङ्‌हाॽओ खुन्‍छिॽ निङ्‌वाॽ मे़न्‌युक्‍खुन्‍लो, कर इस्राइलबा सेसे निङ्‌वाॽफुमाङ्, यहवे दाङ्‌बाओ खुन्‍छिॽ निङ्‌वाॽ मे़युक्‍खुरो॥


खे़ङ्‌हाॽलाम् के़हिङ्‌बा के़याःक्‍पाहाॽ, याकुबरे़ कुहिम्‍सयङ्‌ङोलाम् के़दाङ्‌बाहाॽ मुक्‍साम्‍दाङ्‌बा निङ्‌वाॽफुमाङ् ले़प्‍माङ् मे़नुःङ् मे़दारो॥


Swiv nou:

Piblisite


Piblisite