यसैया 46:11 - लिम्बु11 तॽइ नाङ्गे़न् ले़प्साङ्लाम् आङ्गाॽ मनाधिक् उःत्तुङ्लो, खे़न् सावागे़म्बा मुयान् कुइसिक् सुःक्काङ् युरो, हे़क्क्याङ् आङ्गाॽ चोःक्मा निङ्वाॽ चोगुङ्बा पाःन्हाॽ के़त्तुरो॥ आङ्गाॽ थे चोःक्मा निङ्सेक् चोगुङ्ङाङ् वाॽ, आङ्गाॽ खे़न् के़रे़क् के़त्तुङ्ङेरो॥ Gade chapit la |
यसैया 46:11
31 Referans Kwoze
“निङ्वाॽफुमाङ्ङिल्ले़ कुसाम्योनिमो कुसे़वा याःम्बक् चोःक्मारे़ लागि हात् उःत्तुआङ् वाॽबे? तॽइ नाङ्गे़न् पिसाङ्नु हाङ्ङिन् हाःत्ले़ कुसिक्समे़र याःन्दुआङ् वाॽबे? खुने़ॽ इक्सादिङ् खाम्बेःक्मोबा मे़न्छाम् सुवाङ्हाॽ कुयुक्को मे़दार याःन्दुसिरो, हे़क्क्याङ् हाङ्हाॽ खे़ल्ले़ कुबेसाङ् कुयुक्को तारुसिरो॥ खुने़ॽ खे़ङ्हाॽ कुदाभेःल्ले़ खाम्पु थ्यःङ् चोगुसिरो, हे़क्क्याङ् कुलिःल्ले़ सुरिःत्तिल्ले़ फे़सुबा याॽसिप् हे़क्के चोगुसिरो॥
“फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥
“तोङ् लि के़याङ्बाहाॽ बेबिलोन मे़दार फाॽआङ् खिनिॽ इङ्घङ् हाक्ते़म्सिम्मे़ॽओ॥ ये़क्यक्किन् कब्रिङ् किर्गप् कबे़म्मे़ॽओ हे़क्केलॽरिक् आत्तिन्नाङ् खे़त्छिङ्मा मे़न्छुक्ने़न्लरो॥ खे़ल्ले़ वेॽहाॽ मे़त्तुसिआङ् वये़बा हे़क्केए खिनिॽआङ् खे़न् ताप्फे़ःल्लिक् मे़त्ते़म्मे़ॽओ, थेआङ्भे़ल्ले़ खे़ल्ले़ इस्राइलबा सेसे निङ्वाॽफुमाङ्, यहवे दाङ्बे़ल्ले़ कुदक्ले़ङ्वाओ आसुत्थो चोगुआङ् वाॽरो॥
कोरेसे़न् आङ्गाॽ आसाम्योबा याःम्बक्किन् के़त्ल फाॽआङ् फोःक्खुङ्लो, आङ्गाॽ खे़ल्ले़ के़रे़क् कुलाम्हाॽ तोःन्दोम्बा चोगुङ्लो॥ खे़ल्ले़ आङ्गाॽ आये़क्यक्किन् याम्मो चोगुरो, हे़क्क्याङ् मे़दे़म्सु मे़देॽरुसिबा के़रे़क् आमानाहाॽ खे़ल्ले़ ले़रुसिरो, कर कुमे़ल्लुङ् हुङुआङ्ग मेःल्लो, कुजे़न्नाङ् मे़दाःक्तुल्लो,’” मुक्साम्दाङ्बा यहवे दाङ्बे़ल्ले़ पाःत्तुरो॥
आङ्गाॽ कोरेसरे़ कुयाःम्बेओ पाःत्तुङ्लो, ‘खे़न् आङ्गाॽ आमे़ल्लुक् के़गम्बारो’ हे़क्क्याङ् खे़ल्ले़ आङ्गाॽ चोःक्मा इःत्तुङ्बा के़रे़क् के़त्तु पिआरो॥ यरुसले़म ये़क्यक्किल्ले़ कुयाःम्बेओ खे़ल्ले़ अक्खे पाःत्तुरो, ‘खे़न् याम्मो मे़जोगुररो,’ खे़ब्याङ् माङ्हिम्मे़ल्ले़ कुयाःम्बेओग, ‘कल्ले़ कुयुक्ना पाङ्यक्किन् मे़युक्खुररो॥’”
“चाराम्मादे़न्नोबा मे़ल्लुक्हाॽ पित्चाक् पित्चाक् पित्तुसिर यर्दनबा तुम्भुङ्लाहाॽओलाम् खिरिङ्बान् लःम्भे़म्बा कुइसिक् आङ्गाॽ ताआरो॥ बेबिलोने़न् कुलाजेॽलाम् नाःत्तुङ्लो, हे़क्क्याङ् सेगुङ्बा लाम्लोबान् युक्तिङ् चोगुङ्लो॥ थेआङ्भे़ल्ले़ आङ्गाॽ हे़क्तङ्बा हात् वाॽबे? खे़ब्याङ् हाःत्ले़ आङ्गाॽ खे़माॽ साःप्मा सुक्काबे? आत्तिन् युक्साबे़ल्ले़ आनिङ्वान् अप्मा सुक्तुबे?
Piblisite