यसैया 46:1 - लिम्बु1 बेबिलोनबा माङ्हाॽरे़ खुन्छिॽ नुप्मे़न् आम्भा कन्लो! थिक् ये़म्मो बेल मे़प्मनाबा नु नेबो मे़प्मनाबा माङ्हाॽ से़वा मे़मे़त्तुसिरो, कर आल्लो खे़ङ्हाॽ पलिःप् पलिःप् लिःप्ल अदङ्हाॽ मे़गुःत्तुसिआङ् वाॽरो, के़नाबा थक्साहाॽरे़ खुन्छिॽ एःक्थाःक्मो खे़ङ्हाॽ साॽरिक् के़लिःप्पा कक् मे़बोःक्खे़आङ् मे़वाॽरो॥ Gade chapit la |
यसैया 46:1
22 Referans Kwoze
ओमे़त्ते़म्मे़ॽ, कुगाप्थिक् अन्ले़ उःङ्सुबा लत्छा लाधासम्धाङ् लत्छा मनाधिक् फे़न्ल पत्लो॥ हे़क्क्याङ् नुगप् पिरुसिर पाःत्तुरो, ‘बेबिलोन ये़क्यक्किन् खाप्पुथ्यःङ् पोःक्खे़रो, खाप्पुथ्यःङ् पोःक्खे़रो, खे़ब्याङ् खे़ॽयो मे़लक्तु मे़घोःन्दुआङ् मे़जोगुसिबा के़रे़क् माङ् नावाइत्लाहाॽ फल्लक् वरक् मे़ए़क्खुसिआङ् खाम्बाङ्ङो मे़गे़ङे़आङ् मे़ने़रो॥’”
यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
खे़न् नावाइत्लाहाॽग पइत् ताप्पो मे़ये़प्सुबा खार्जोःम्बा हे़क्तङ्बा मे़जोक्लो॥ खे़ङ्हाॽ पाःप्मा मे़न्छुक्ने़न्लो॥ खे़ङ्हाॽ पङ्माआङ् कुमा कप्मासि पोङ्लो थेआङ्भे़ल्ले़ खे़ङ्हाॽ लाङ्घेःक्मा मे़न्छुक्ने़न्लो॥ खे़ङ्हाॽनु मे़गिसे़म्मिन्ने़ॽ, खे़ङ्हाॽरे़ खिनिॽ थेआङ् हान्ति चोःक्मा के़मे़न्छुक्तिन्लो, खे़ङ्हाॽरे़ थेआङ् नुबा चोःक्मा मे़न्छुक्तुन्लो॥”
नेगेब लाजेॽबा थक्साहाॽरे़ याःम्बेओ माङ्निङ्वाॽपान्— केबाल्ले़ कुघा के़ने़बा, असेःक् नु कुनिङ् के़याक्पा के़बे़बा असेःक् के़लःम्बा, तुक्मा नु सिमा के़वाॽबा लाजेॽलाम् पोङ्मार हाङ्लाइङ्बाहाॽ लाङ्घेःक्मा के़बोङ्बा वाॽरो॥ याप्मि फाॽमा मे़न्छुक्मनाबा सुवाङ्हाॽ खुॽमासिरे़ लागि आबाङे खुन्छिॽ अदङ् नु उमेहाॽ इमे़ल्लुङ्बा सुङ्हाॽ मे़गुःत्तु मे़देॽरुसिरो॥
“खे़निॽ के़रे़क् चुप्साम्मे़ॽआङ् त्ये़म्मे़ॽओ, सोसोरिक् निःत्ताङ् त्ये़म्मे़ॽओ, इक्सादिङ् खाम्बेःक्मोबा के़दाङ्बा के़याःक्पा सुवाङ्से! सिङ्मुःत् नावाइत्लाहाॽ के़बङ्बाआङ् के़वाॽबाहाॽ, हे़क्क्याङ् याप्मि ताङ्से़ःप्मा मे़न्छुक्मनाबा माङ्हाॽ पेलि के़भाक्पाहाॽ थेआङ् मे़न्निम्नाबा मे़जोक्लो॥
खे़ङ्हाॽरे़ खे़न् खुन्छिॽ फक्ताङ्ङो मे़बक्खुआङ् मे़देॽरुरो, हे़क्क्याङ् खे़न् कुयुक्नाओ मे़युक्खुरो, खे़ब्याङ् खे़न् खे़ॽयो तक्पे़त् ये़प्लो॥ खे़ॽयोनु खे़न् आबाङे चत्छिङ्मा पेःक्मा मे़सुक्ने़ल्लो, कुभारे़ खे़न् पेलि फाक्तुसाङ् खे़ल्ले़ नुगप् मे़बिरुल्लो, हे़क्क्याङ् कुदुक्खे कुलाक्खेलाम् खे़ल्ले़ से़ःप्माआङ् मे़सुक्तुल्लो॥
निनबेए, यहवे दाङ्बे़ल्ले़ खे़ने़ॽ के़याःम्बेओ अक्तङ्बा लत्छा इङ्जाङ् के़बिरे़आङ् वाॽरो— “आल्लआङ्धो खे़ने़ॽ के़मिङ् तक्मारे़ लागि खे़ने़ॽ आत्तिन्नाङ् के़मुॽइदाङ्सा मे़न्वाॽने़न्लो॥ खे़ने़ॽ के़माङ्हाॽ मे़युङ्बा माङ्हिम्मो खोःम्मनाबा लक्मनाबा नु योःम्मनाआङ् चोःक्मनाबा नावाइत्लाहाॽ आङ्गाॽ थ्यःङ् मे़क्खुङ्सिङ्लो॥ आङ्गाॽ खे़ने़ॽ के़इपुङ्ङिन् यारिप् चोगुङ्लो, थेआङ्भे़ल्ले़ खे़ने़ॽ कुॽइगे़भे़म्बा के़जोःक्लो॥”
Piblisite