यसैया 45:7 - लिम्बु7 आङ्गाॽ ओःत्तिःन् चोगुङ्लो, हे़क्क्याङ् खामाक्मे़न् नावागे़न् चइःत् ने़स्सुङ्लो॥ आङ्गाॽ नुॽमादामा नु मे़क्मासिमान् ने़प्माङ् तारुङ्लो, आङ्गाॽ यहवे दाङ्बे़ल्ले़ए कन् के़रे़क् याःम्बक्हाॽ चोगुङ्लो॥ Gade chapit la |
यसैया 45:7
39 Referans Kwoze
हे़क्केसाङ् खुने़ॽग सिक्कुम्साबा चोक्लो, हे़क्क्याङ् खुने़ॽ मे़क्मासिमा ताःप्मा सुक्तुरो, हम्भ्याङ् पाःत्तुबा पाःन्निन् याङ्ना मे़नुःक्तुन् मे़देॽरुन्लो॥ ताप्फे़ःम्बा याःम्बक् के़जोःक्पाहाॽरे़ खुन्छिॽ हिम्सयङ् नु लायो लासोत् के़जोःक्पाहाॽ कुभाॽ के़बिबाहाॽ खुने़ॽ खुम्दिङ् पिरुसिरो॥
यहवे दाङ्बे़ल्ले़ नाम्मिन् ले़न्दिक् से़दिङ्दिङ् ओःप्मा पाङ्घुरो हे़क्क्याङ् से़न्दिक् लाबान् नु खेःम्सिक्पाहाॽ मे़ओःत्ल याःन्दुसिरो॥ खुने़ॽ तुङ्गोदिङ् वरःङ्ङिन् छिम्लिङ् छिम्लिङ् मुन्दुरो हे़क्क्याङ् खे़ॽयोबा वाभे़ल्ले़ङ्हाॽ हुःक्मा पाङ्घुरो॥ खुने़ॽ कुमिङ्ङिन् मुक्साम्दाङ्बा यहवे दाङ्बारो, हे़क्क्याङ् खुने़ॽ अक्खे पाःत्तुरो,
खुने़ॽ खामाक्मान् ताःप्मानुःल्ले़ तगिए, युःन्छिक्पा खाधाम्मो थे़गु माङ्वाहाॽओ खिनिॽ लाङ्हाॽ तोःक्मानुःल्ले़ तगिए यहवे दाङ्बा खिनिॽ निङ्वाॽफुमाङ्ङिन् मिङ्सो इङ्धाङ् पिरे़म्मे़ॽओ॥ खिनिॽग से़न्दाङ्गे़न् ओःत्तिःन् ओमे़प्मा निङ्वाॽ के़जोगुम्लो कर खुने़ॽ खे़न् खामाक्मो ले़क्खुआङ् माक्सिःङ्ग्याःप्पा चोगुरो॥
खागे़माक्पा नु मुदोखाम्दोबा ये़न् पोङ्लो, माक्सिःङ्ग्याःप्पा नु मुगे़दःम्बा ये़न् पोङ्लो॥ कोःक्मा फाङ्जङ् थे़गुहाॽओ खाओःप्मान् से़बा हे़क्के मुक्के़गुबा थक्सुबाहाॽ कुइसिक् साॽरिक् यरिक् निःङ्घुक्वाहाॽ मे़दारो॥ तगि हे़क्तङ्बा आप्फाल्ले़आङ् मे़म्बोङ्ङे वये़रो हे़क्क्याङ् याम्मो थाःक्थाःक्को थारिक् आभे़ल्ले़आङ् मे़बोङ्ने़न्लो॥
आङ्गाॽ मिक्फःम्बाहाॽ खे़ङ्हाॽरे़ मे़न्निसुम्बा लाम्मो लाम्लोसुङ्सिङ्लो॥ खे़ङ्हाॽरे़ कुसिङ् मे़न्निःत्तुम्बा लाम्मिन् खे़ङ्हाॽ ओसेःन्धाक्तुङ्सिङ्लो॥ आङ्गाॽ खे़ङ्हाॽरे़ खुन्छिॽ तगि खागे़माक्पे़न् खागे़ओःप्पा चोगुङ्लो हे़क्क्याङ् पाक्लुम् उःक्चम् के़लॽबा ते़न्हाॽ ले़प्पे़प्पा तङ्सुङ्लो॥ आङ्गाॽ कन् याःम्बक्हाॽ चोगुङ्लो, आङ्गाॽ खे़निॽ मे़ले़त्ने़न्निङ्लो॥
के़साक्पा तुक्खे लाक्खेहाॽ खे़ने़ॽ के़सम्धाङ् इदारो, खे़न् तुक्खेहाॽ आक्तङ्बा कित्चाक्किल्ले़ के़घे़त्तुबे? हान्ति पोङ्मा पाःन्हाॽ खे़ने़ॽ के़दुमुरो, खे़ल्ले़ कुमे़न् के़हुङुसाङ् खे़न् तुक्खेन् खे़प्मा के़न्छुक्तुन्लो॥ खे़ने़ॽ तगि आभे़ल्ले़आङ् मे़न्दुम्मे के़वये़बा मे़क्मासिमे़न् आल्लोघोरो के़दुमुरो॥
Piblisite