यसैया 45:21 - लिम्बु21 पोङ्मा के़इःप्पा पाःन्हाॽ पाःत्ते़म्मे़ॽओ, खे़न् ओसेःन्धाङ् चोगे़म्मे़ॽओ॥ खे़ङ्हाॽरे़ खुन्छिॽ लुम्मो आबाङे पान् मे़दङ्घुररो, यरिक् तङ्बे तगि कन् पाःन्निन् हाःत्ले़ पाःत्तुआङ् वये़बे? थे आङ्गाॽ यहवे दाङ्बे़ल्ले़ए मेःम्बि? आङ्गाॽनुःल्ले़ वेॽ हाःत्ताङ् निङ्वाॽफुमाङ् होप्लो॥ साम्योबा निङ्वाॽफुमाङ् नु से़न्लप्दाङ्बा, आङ्गाॽनुःल्ले़ वेॽ हाःत्ताङ् होप्लो॥ Gade chapit la |
यसैया 45:21
33 Referans Kwoze
के़रे़क् मे़न्छाम् सुवाङ्हाॽ मे़भुङ्सिलरो, हे़क्क्याङ् मनाहाॽ मे़जुम्लरो॥ खुन्छिॽ आत्तिन् नावाइत्लाःल्ले़ कन् पाःन्हाॽ आनिॽ आमे़त्ते़बे, खे़ब्याङ् तगिबा पाःन्हाॽ उवा आजोगुम्बे? खे़ङ्हाॽ से़क्खाबा निमासिरे़ लागि आबाङे आबाङे के़निबा तोःन्दि मे़दारुसिररो, खे़म्ब्याङ् वेॽहाॽरे़ मे़घे़प्सुआङ् मे़बाःत्तुर, “कन् पाःन्निङ्ग से़क्खारो॥”
थेआङ्भे़ल्ले़ यहवे दाङ्बे़ल्ले़ साङ्ग्राम्पेदाङ्ङिन् चोगुरो, खुने़ॽए निङ्वाॽफुमाङ्लो! खुने़ॽ इक्सादिङ् खाम्बेःक्मान् नावागे़न् चइःत् ने़स्सुआङ् चोगुरो, खुने़ॽ खे़न् सदादिङ् के़बप्पा नु आभे़ल्ले़साङ् के़वाॽबा चोगुरो॥ खुने़ॽ इक्सादिङ् खाम्बेःक्मान् मुरे़क् खारे़क्पा थेआङ् के़होप्पा मेःन्लो कर मे़न्छाम् याप्मिरे़ युङ्मा वाॽमादे़न् चोगुरो॥ खुने़ॽ आबाङेए अक्के पाःत्तुरो— “यहवे दाङ्बा आङ्गाॽएरो वेॽ हाःत्ताङ् निङ्वाॽफुमाङ् होप्लो॥
यहवे दाङ्बे़ल्ले़ अक्खे पाःत्तुरो— “मिस्र लाजेॽओ के़बोःक्पा कुजान् नु कुस लाजेॽबा याङ्साकुन्धेन् खे़ने़ॽ के़याङ्साकुन्धे पोङ्लो॥ हे़क्क्याङ् सेबाबा कुलिङ्गे़न् केःम्ब केःम्बा मनाहाॽ खे़ने़ॽ के़योःग्बा मे़बोङ्लो॥ फे़न्जेॽ थक्क्रङ्ङिल्ले़ इमे़घेःक्खुसिआङ् खे़ङ्हाॽ के़एगाङ् मे़भे़न्लो, खे़ङ्हाॽरे़ खे़ने़ॽ से़वा के़म्मे़त् हे़क्क्याङ् अक्खे पाःप्मा मे़दे़ल्लो॥ ‘निङ्वाॽफुमाङ्ङिन् खे़ने़ॽनु वाॽरो, खुने़ॽरक् निङ्वाॽफुमाङ्लो॥’”
एदोमबा बोज्रा ये़क्यक्लाम् हे़ःक्कङ्गङ्बा चाःम्मनाबा चाङ् के़जाङ्बाआङ् के़भे़म्बे़न् हाःत्निबे? हाङ्वा माङ्वा के़याक्पा तेत् नु खुने़ॽ कुमुक्साम्मो तगाङ् के़भे़म्बार के़बप्पे़न् हाःत्पे? “के़से़न्लप्पिन् उवा के़जोःक्पा यहवे दाङ्बान् आङ्गाॽएरो! ताङ्से़ःप्मा मुक्साम् के़गप्पा यहवे दाङ्बे़ङ्ग आङ्गाॽएरो!”
कुहेःक्सिङ्माआङ्धो हाःत्ले़ ओसेःन्धाङ् चोगुआङ् आनिगे कुसिङ् निःप्मा सुक्तुम्बे़बे? इग्र तगिआङ्धो आत्तिल्ले़ कन् याप्मि ओःन्धाक्ते़आङ् खुने़ॽ कुदोःप्मा वये़ फाॽआङ् आनिगे पाःप्मा सुक्तुम्बे़आङ्बे? कन् पाःन्निन् हाःत्ले़आङ् आनिगे मे़मे़त्तिगे़न्लो, तगि एःल्ले़आङ् लत्छा पाःन्सुत्लाधिक्काङ् मे़बाःत्तुल्लो, खिनिॽ पान् के़घे़म्बा आसाःत्ताङ् मे़वये़ने़ल्लो॥
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
यहवे दाङ्बे़ल्ले़ अक्खे पाःत्तुरो, “इक्सादिङ् खाम्बेःक्मोबा के़रे़क् सुवाङ्हाॽ खे़ने़ॽ कन् इङ्घङ्ङिन् मे़त्ते़से़ॽओ, हे़क्क्याङ् थे़मा पाःन्निन्नाङ् मे़माॽरे़न्ने़ॽओ॥ बेबिलोने़न् हुक्काप् पोङ्ॽ फाॽआङ् के़रे़क् मनाहाॽ मे़प्मासिरे़ लागि मिक्सेन् पिमा निसान ये़प्से़ॽओ! खे़ल्ले़ कुजइःत्हाॽ नु नावाइत्लाहाॽ कुम्जिक्मा मे़बोङ्लो॥ खे़ल्ले़ कुमाङ् बेल नु मरोदकहाॽ साॽरिक् कुनामे़न्छाॽ मे़बोङ्लो॥
मिस्र लाजेॽओ खे़न् लुङ् सित्लाङ्ङिन् मुक्साम्दाङ्बा यहवे दाङ्बे़ल्ले़ कुलागि लत्छा मिक्सेन् नु तोःन्दि पोङ्ॽ॥ आयुक्युक्पा नु साक्के़ल्ले़क् के़जोःक्पा मनाहाॽरे़ मे़जोगुल्ले़ यहवे दाङ्बान् कुभाॽरे़ लागि पेलि मे़भाक्तुॽ, हे़क्क्याङ् खुने़ॽ खे़ङ्हाॽरे़ खुन्छिॽ लागि लत्छा से़न्लप्दाङ्बाधिक् नु के़से़ःप्पाधिक् पाङ्घुयुसुॽ, खे़ब्याङ् खे़ल्ले़ खे़न् मनाहाॽ खुन्छिॽ निङ्मिहाॽलाम् से़ःप्तुसिॽ॥
हाङ्माल्ले़ कुनु के़धुङ्बा अङे़ःक्वा हे़क्केए मुक्साम्साबा हाङ्हाॽ नु मुक्के़गुबा मे़न्छाम् सुवाङ्हाॽरे़ खे़ने़ॽ चाहा के़जोःक्पा पाःन्हाॽओ के़निङ्वाॽ के़म्दा के़म्बिरो॥ आङ्गाॽ, यहवे दाङ्बा, के़से़न्लप्दाङ्बा, खे़ब्याङ् खे़ने़ॽ के़धे़ॽबा, हे़क्क्याङ् इस्राइलबा मुक्साम्दाङ्बाआ फाॽआङ् खे़ने़ॽ कुसिङ्गे़निःत्तुरो॥
Piblisite