यसैया 45:12 - लिम्बु12 इक्सादिङ् खाम्बेःक्मान् आङ्गाॽए चोगुङ्बारो, हे़क्क्याङ् खे़ॽयो मनाहाॽ आङ्गाॽ नावागे़न् चइःत् चोगुङ्सिङ्बारो॥ आङ्गाॽ आहुक्किल्ले़ए ताङ्साङ्बे़न् खिङ्घुङ्बारो, खे़ब्याङ् खे़त्थो के़बप्पा के़रे़क् खेःम्सिक्पाहाॽ आङ्गाॽए आबाङे आबाङे ते़न्नो तङ्घुङ् फत्छुङ्सिङ्बारो॥ Gade chapit la |
यसैया 45:12
22 Referans Kwoze
निङ्वाॽफुमाङ् यहवे दाङ्बे़ल्ले़ अक्खे पाःत्तुरो— ताङ्साङ्बे़न् के़जोःक्पाआङ् खे़न् के़घिङ्बे़न्, हे़क्क्याङ् इक्सादिङ् खाम्बेक् नु खे़प्मोलाम् के़लःम्बा के़रे़क् मे़बोःन्ल मे़धे़ॽर के़याःम्बा, खे़ब्याङ् खे़प्मो के़वाॽबा मनाहाॽ साःङ्गु सक्मा के़बिबा खे़म्ब्याङ् खे़ॽयो लाङ्गे़घेःक्पाहाॽ याम्साम् के़बिबा—
हे़क्क्याङ् इस्राइलिहाॽरे़ अक्खेलॽरिक् पेलिगे़न् तुवा मे़जोगुरो— “निङ्वाॽफुमाङ्ङे, खे़ने़ॽरक् यहवे दाङ्बा के़वाॽरो, खे़ने़ॽ खेसे-खेःम्सिक्पाहाॽ, ताङ्साक्पा नु साङ्ग्राम्पेदाङ्ङिन् के़जोगुरो॥ खे़ने़ॽ इक्सादिङ् खाम्बेःक्मान्, वरःङ्हाॽ नु खे़प्मो के़याक्पा के़रे़क् के़जोगुसिरो, खे़ङ्हाॽ के़रे़क् खे़ने़ॽ हिङ्मन् के़बिरुसिरो॥ साङ्ग्राम्पेदाङ्बा मुक्साम्हाॽ अःक्खुम् मे़बत्ताङ् खे़ने़ॽ से़वा के़म्मे़त्लो॥
थेआङ्भे़ल्ले़ यहवे दाङ्बे़ल्ले़ साङ्ग्राम्पेदाङ्ङिन् चोगुरो, खुने़ॽए निङ्वाॽफुमाङ्लो! खुने़ॽ इक्सादिङ् खाम्बेःक्मान् नावागे़न् चइःत् ने़स्सुआङ् चोगुरो, खुने़ॽ खे़न् सदादिङ् के़बप्पा नु आभे़ल्ले़साङ् के़वाॽबा चोगुरो॥ खुने़ॽ इक्सादिङ् खाम्बेःक्मान् मुरे़क् खारे़क्पा थेआङ् के़होप्पा मेःन्लो कर मे़न्छाम् याप्मिरे़ युङ्मा वाॽमादे़न् चोगुरो॥ खुने़ॽ आबाङेए अक्के पाःत्तुरो— “यहवे दाङ्बा आङ्गाॽएरो वेॽ हाःत्ताङ् निङ्वाॽफुमाङ् होप्लो॥
थे खे़ने़ॽ निङ्वाॽ मे़ङ्घोए के़वाॽबि? थे खे़ने़ॽ मे़ङ्घे़म्मे के़वाॽबि? यहवे दाङ्बे़ङ्ग आभे़ल्ले़साङ् सदादिङ् के़वाॽबा निङ्वाॽफुमाङ्लो, इक्सादिङ् खाम्बेःक्मे़ल्ले़ कुनुप्मो थारिक् नावागे़न् चइःत् के़ने़बारो॥ खुने़ॽ मे़नाने़न्नाङ् कुसक्माआङ् मे़बुॽने़ल्लो, हे़क्क्याङ् हाःत्ले़आङ् खुने़ॽ कुसिक्कुम् निङ्वान् कुसिङ् निःप्मा मे़सुक्तुल्लो॥
खुने़ॽ इक्सादिङ् खाम्बेःक्माल्ले़ कुघिरिनुःल्ले़ थाःङ्धाक् हाङ्युक् चोःक्काङ् युङ्लो, हे़क्क्याङ् इक्सादिङ् खाम्बेःक्मोबा मे़न्छाम् सुवाङ्हाॽग फेॽबात् हे़क्के मे़लॽरो॥ खुने़ॽ ताङ्साङ्बे़न् पःत्थाङ् कुइसिक् खिङ्घुरो, खे़ब्याङ् खे़ॽयो याङ्धोःक्मारे़ लागि खे़न् साःङ्गा हे़क्के फोसुरो॥
अक्तङ्बा पयम् यम्बा हिन्दोक् आप्फाल्ले़ पोःक्खे़आङ् वये़ इग्र खे़म्दे़त्ते़आङ् वये़बे? इक्सादिङ् खाम्बेःक्मो निङ्वाॽफुमाङ्ङिल्ले़ मे़न्छाम् याप्मि नावागे़न् चोगुसिबा तोलिङ्सोमुल्ले़ कुयाःम्बेओ कोःत्ते़म् हक्से़म्मे़ॽ॥ ताङ्साङ्बाल्ले़ कत्नासमा कुयाओनु नासमा कुयाओ थारिक्काङ् हाबा कन् पाःन्निन् निःन्धो चोगे़म्मे़ॽ॥
“फारस लाजेॽबा पयम् हाङ् कोरेसे़ल्ले़ कुइङ्जाङ् कन् वाॽरो॥ यहवे दाङ्बा साङ्ग्राम्पेदाङ्बा निङ्वाॽफुमाङ्ङिल्ले़ आङ्गाॽ के़रे़क् इक्सादिङ् खाम्बेःक्मोबा हाङ् चोगाङ्ङाङ् वाॽ हे़क्क्याङ् खुने़ॽ कुलागि यहुदा लाजेॽबा यरुसले़म ये़क्यक्को लत्छा माङ्हिम् चोःक्मा याःम्बक् पिराङ्ङाङ् वाॽ॥
“मुक्साम्दाङ्बा यहवे दाङ्बाए, इस्राइलबा निङ्वाॽफुमाङ्ङे, कुलाप् के़बप्पा माङ्लाइङ्बा करुबहाॽरे़ कुलुम्मो हाङ्युक् के़जोःक्पाआङ् के़युङ्बाए, इक्सादिङ् खाम्बेःक्मोबा के़रे़क् खाम्घु लाजेॽहाॽओ निङ्वाॽफुमाङ्ग खे़ने़ॽरक् के़वाॽरो॥ साङ्ग्राम्पेदाङ् नु इक्सादिङ् खाम्बेःक्मान् खे़ने़ॽए नावागे़न् चइःत् के़जोगुबारो॥
खिनिॽ नावागे़न् चइःत् के़जोःक्पा ताङ्साङ्बे़न् के़जोःक्पाआङ् खे़न् के़घिङ्बा नु इक्सादिङ् खाम्बेःक्मे़ल्ले़ कुबुङ् के़युङ्बा, यहवे दाङ्बे़न् खिनिॽ निङ्वाॽ के़भेःत्छुम्बि? खिनिॽ मे़ङ्मा के़इःप्पाहाॽ नु खिनिॽ तुक्खे के़जाःप्पाहाॽरे़ खुन्छिॽ सिक्पोःक्माल्ले़ चोगुल्ले़ चक्मे़ल्लॽए खिनिॽ के़गिसिआङ् के़वयिबाबि? खे़ङ्हाॽरे़ खुन्छिॽ सिक्पोःक्माल्ले़ खिनिॽ सुमा के़न्छुक्तिन्लो॥
खे़निॽ मिक्किन् थाःङ् फोःक्खाम्मे़ॽआङ् ताङ्साङ्बे़न् ओमे़त्ते़म्मे़ॽओ, कङ्हाॽ के़रे़क् हाःत्ले़ चोगुबाबे? थे खुने़ॽए मेःम्बि, खुने़ॽ खेःम्सिक्पाल्ले़ कुबन्ज्याङ्माहाॽ थिक्थिक् चोगु तारुसिरो हे़क्क्याङ् के़रे़क् थिक्थिक् लॽरिक् मिङ् लोःक्तुसिआङ् उःत्तुसिरो॥ खुने़ॽ पयम् यम्बा कुमुक्साम् नु मुक्साम्साबा कुमुक्किल्ले़ चोगुल्ले़ खे़ङ्हाॽओ लत्छाआङ् मे़म्माने़ल्लो॥
Piblisite